Jeremías 17:25 - Bible in Tzeltal Bachajón

²⁵ hich te ajwaliletic te ya xhuhcajic ta shuctajib David, soc te príncipaletic, ya me x'ochic tal ta ochibaletic yu'un te pueblo ini soc carretahetic soc cawuhetic, ha'ic soc te príncipaletic yu'unic soc te winiquetic yu'un Judá soc te mach'atic nahinemic ta Jerusalén. Hich te pueblo ini spisil ora ay yajwal.

Bible in Tzeltal de Oxchuc y Tenejapa

²⁵ Teme jich ya apasique, jich me ay muc' ajwaliletic ya xnajc'ajic ta muc'ul nactijibal yu'un David, soc ya me x'ochic bael ta ochibaletic yu'un sts'ajc'ul te lum ta carreta soc cajal ta caballo, joinbilic yu'un te jtsobwanejetic soc te ants-winiquetic yu'un Judá soc yu'un Jerusalén. Jich yu'un te Jerusalén ay nix me yajwal stuquel a.

Jeremías 17:25 Referans Kwoze

Jeremías 22:4

Como teme yac ac'ohtesic ta pasel te c'op ini, te ajwaliletic te ya shuhcan sbahic ta shuctajib David ya me x'ochic tal ta ochibaletic yu'un te sna ajwalil ini, cajajtic ta carreta soc ta cawu, joquimbilic yu'un te a'batetic soc te pueblo yu'unique.

Isaías 9:7

Te ya xmuc'ub te cuentahinel yu'un soc te lamal q'uinal yu'une, mayuc slajibal ta shuctajib David soc ta ban c'alal scuentahinej; ha ya shach soc ya ya'be yip ta scuenta stojil chahpanel soc toj bin ay ta pasel ta ora ini soc ta sbahtel q'uinal. Ha ya sc'ohtes ta pasel ini te xut'et yo'tan te Jehová te scuentahinej spisil.

Hebreos 12:22

Pero te ha'exe nohpojemex bahel ta wits Sión, ta muc'ul pueblo yu'un te cuxul Dios, ha te Jerusalén scuenta ch'ulchan, ta stojol tsobol ta mil ch'ul a'batetic,

Jeremías 33:21

hich ya xhu' slajimbeyel sc'oblal te chapbil-c'op cu'un soc te ca'bat David, te mayuc snich'an te ya xhuhcaj ta shuctajib, soc ha nix hich te chapbil-c'op soc te sacerdotehetic soc te sts'umbal Leví te ya x'a'tejic ta jtojol.

Jeremías 33:17

Como hich yaloj te Jehová: Mayuc bin ora ya spas falta te ay sts'umbal David te ya xhuhcaj ta shuctajib ta sna Israel,

Jeremías 33:15

Ta hich sc'ahc'alel soc ta hich ora ya cac' puhlinuc ta stojol David te Spuhl te toj yo'tan, te stojil ya schahpanwan soc toj bin ya spas ta q'uinal.

2 Samuel 7:16

Te ats'umbal soc te awa'tel ta ajwalil sbahtel q'uinal ya xhil ta atojol; stalel ya xhil te ahuctajib, xchi.

Jeremías 22:30

Hich yaloj te Jehová: Hich xats'ihbabe hilel sc'oblal te winic ini te bin ut'il mach'a mayuc snich'an, te bin ut'il winic te mayuc bin ya sta ta scuxlejal, como mayuc jtuhluc sts'umbal ya xc'oht shuhcan sba ta shuctajib David, ma x'och ta ajwalil yu'un Judá, xchi te Jehová.

Jeremías 13:13

Hich me xawa'be: Hich yaloj te Jehová: Ya jnojes ta yacubel spisil te mach'atic nahinemic ta q'uinal ini: ha te ajwaliletic te ya shuhcan sbahic ta shuctajib David, te sacerdotehetic, jalwanejetic soc spisil te mach'atic nahinemic ta Jerusalén.

2 Samuel 8:4

Te David la stsac chanbahc' soc ho'winic (1,700) winiquetic te cajajtic ta cawu, soc j'ohlil yoxpic (20,000) soldadohetic te behel ta yoquic; la sbojticlambe schihal yacan te cawuhetic te ya snitic carretahetic yu'un guerra, pero la yihquitay hilel te jaycoht ya xtuhun yu'un snitel ho'winic (100) carretahetic.

1 Samuel 8:11

Hich la yal: Hich me ya spasbeyex te ajwalil te ya scuentahinex: ya yic'beyex aquerem-nich'nabic, ha ya ya'be scuentahinic te carretahetic yu'un soc ha jmohel ta cawuhetic ya xc'ohtic, soc ahnimal ya xnahilijic bahel yu'un te scarretahe.

Deuteronomio 17:16

Pero te ajwalil ma sc'an te ay bayel cawuhetic yu'un, soc ma me xyac' suhtel te pueblo ta Egipto yu'un ya yich'be xan tal cawuhetic; como hich yalbeyejex te Jehová: Ma jaymehl xan ya suhtex bahel ta be ini, xchi.

Éxodo 12:14

Te c'ahc'al ini ha sna'ojibal awu'unic ya xc'oht, ya me apasic scuenta q'uin ta stojol Jehová ta cajalcaj ats'umbalic bahel; ha mandaril te ma xlaj sc'oblal.

Jeremías 22:2

A'iybeya awa'iyic te sc'op Jehová, ha'at ajwalilat yu'un Judá te huculat ta shuctajib David, ha'at soc te a'batetic awu'un soc te pueblo te ya x'ochic tal ta ochibaletic ini.

Jeremías 25:5

Hich la yalic: Ihquitayahic hilel te chopol be awu'unic soc te chopol a'teliletic awu'unic, hich ya xhu' ya x'ayinex ta q'uinal te la ya'beyex awu'untayic sbahtel q'uinal te Jehová, ha'ex soc te ame'atatique.

Jeremías 7:3

Hich yaloj te Jehová te scuentahinej spisil, te Dios yu'un Israel: Tojobtesahic te behetic awu'unic soc te awa'telique, hich ya cac' te ya xnahinex li'i.

Jeremías 7:7

ya cac' te ya xnahinex ta q'uinal ini, te q'uinal te la jca'be scuenta sbahtel q'uinal te ame'atatique.