Jeremías 17:23 - Bible in Tzeltal Bachajón

²³ Pero ma ba la ya'iyic, ma ba la yac' schiquinic a; la stulanijtes yo'tanic yu'un te ma ba ya ya'iyic soc ma ba ya yich'ic tojobtesel.

Bible in Tzeltal de Oxchuc y Tenejapa

²³ Ja'uc me to, ma la sc'an yich'bonic ta muc' te jc'ope. Tulan nax la yac' sbaic bael, ma la sc'an la xch'uunic, ni ma ba tojobic a.

Jeremías 17:23 Referans Kwoze

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Hechos 7:51

¡Tulan awo'tanic, ma ba yich'oj circuncisión awo'tanic soc achiquinic! Spisil ora yac amaquic te Ch'ul Espíritu, pajalex soc te ame'atatique.

Sofonías 3:7

Hich la jcal: Ya me xi'on, ya me yich' tojobtesel, xchihon, hich ma ba ya yich' jinel te banti nahinem te bin ora ya xtalon ta stojol. Pero la suj sbahic ta sjinel spisil te ya'telique.

Ezequiel 20:21

Pero te yal-snich'nabic la stoy sbahic ta jtojol; ma ba la st'unic te chahpambil mandariletic cu'un soc ma ba la sch'uhunic spasel te halbil mandariletic cu'un te ha ta scuentahic ya xcuxajic te mach'atic ya sch'uhunique; soc la sbohlobtesbe sc'oblal te sc'ahc'alel cux-o'tan. Ha yu'un la jnop ta co'tan te ya jmal cohel ta stojolic te quilimba, scuenta yu'un hich ya xlahmaj a te sc'ahc'al co'tan ta jochol taquin q'uinal.

Jeremías 32:33

La yac' spatic ta jtojol, ma ha'uc te yelawique. Aunque ta shahchibal to tal la jca'be snopic, ma ba la ya'iyic soc ma ba la sc'anic tojobtesel.

Isaías 48:4

Como jna'oj te tulan awo'tan, te ha bahlal taq'uin te anuc', soc ha bronce te ati'bahe.

Ezequiel 20:16

como la sp'ajic te mandariletic cu'un, ma ba la st'unic te chahpambil mandariletic cu'un, soc la sbohlobtesbonic sc'oblal te sc'ahc'alel cux-o'tan cu'un, como baht yo'tanic ta stojol te loc'ombahetic yu'unique.

Ezequiel 20:13

Pero la stoy sbahic ta jtojol ta jochol taquin q'uinal te sna Israel; ma ba la st'unic te mandariletic cu'un soc la sp'ajic te leyetic cu'un te ha ta scuentahic te ya xcuxajic te mach'atic ya sch'uhunique; soc jc'axel la sbohlobtesbonic sc'oblal te sc'ahc'alel cux-o'tan cu'une. Ha yu'un la jcal te ya jmal cohel quilimba ta stojolic ta jochol q'uinal yu'un ya jlajinlan.

Jeremías 35:15

Bayel buelta la jticombeyex te jalwanejetic te a'batetic cu'une, yu'un hich ya yalbeyex: Jujutuhlex, ihquitayahic hilel te chopol be awu'unic, ach'ubtesa awa'telic; ma me xat'unic yantic diosetic yu'un yac awac' abahic ta a'batinel yu'unic. Hich ya xcuxajex ta q'uinal te la jca'beyex soc ame'atatic, xchihon. Pero ma ba la awa'iybonic jc'op soc ma ba la awich'onic ta cuenta.

Jeremías 7:28

Ha yu'un hich yac awalbe: Ha te nación ini te ma ba la sch'uhumbeyic sc'op te Jehová te Dios yu'une, ma ba la sc'anic tojobtesel; ch'ayix te smelelil c'op, loq'uesbilix ta yehic, xchihat me.

Jeremías 6:8

Tojobtesa aba, Jerusalén, scuenta yu'un ma ba ya quihquitayat, scuenta yu'un ma ba ya jsutp'inat ta jochol taquin q'uinal, ta q'uinal te mayuc yajwal, xchi.

Proverbios 8:10

Ich'ahic te nohptesel cu'un, ma ha'uc te plata, ich'ahic te bin ay ta na'el, ma ha'uc te lequil oro,

Proverbios 5:12

te hich yac awal: ¡Mero la jp'aj te tojobtesele! ¡Mayuc sc'oblal c'oht ta co'tan te tsitsele!

Proverbios 1:5

Ya me ya'iy te mach'a ay sp'ijil yo'tan, ay bin ya sna' xan yu'un, soc te mach'a ya sna'be scuentahil ya me yich' xan sp'ijil

Proverbios 1:3

scuenta yaq'uel lequil tojobtesel soc stsahtayel jbahtic, spasel bin toj, tojil chahpanel, soc pajal ya x'ich'ot ta cuenta;

Salmos 50:17

Yac ap'aj te tojobtesel cu'un soc yac awac' ta apat te jc'ope.

Jueces 6:10

Soc hich la jcalbeyex: Ho'on Jehovahon te Dioson awu'unic; ma me xawich'ic ta muc' te diosetic yu'un te amorreohetic te banti nahinemexix ta sq'uinalique, xchihon. Pero ma ba la ach'uhumbonic te jc'ope, xchi.

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.