Jeremías 17:22 - Bible in Tzeltal Bachajón

²² Ma me xaloq'uesic ihcatsil ta anahic ta sc'ahc'alel cux-o'tan soc ma me ayuc a'tel yac apasic a, ha ch'ultesbil ac'a c'ohtuc te sc'ahc'alel cux-o'tan, hich te bin ut'il la jpas ta mandar te ame'atatique.

Bible in Tzeltal de Oxchuc y Tenejapa

²² Ni ma me xaloq'uesic ni junuc ijc'atsil ta anaic te bi c'aalil yu'un cux-o'tanil, ni ma me ayuc at'el ya apasic jtebuc a. Ac'bonic cu'unin te bi c'aalil yu'un cux-o'tanil, jich bit'il la calbey mandal te antiguo ame'-atatique.

Jeremías 17:22 Referans Kwoze

Ezequiel 20:12

Soc la jca'be te sc'ahc'alel cux-o'tan cu'un scuenta seña ya xc'oht ta jtojol soc ta stojolic, scuenta yu'un ya sna'ic te ho'on Jehovahon ya jch'ultesic.

Isaías 58:13

Teme yac awich' ta muc' te sc'ahc'alel cux-o'tan teme ma ba yac apas te bintic ya sc'an awo'tan ta ch'ul c'ahc'al cu'un, teme yac awal te ha mulantic sba, te ch'ultesbil, soc te ha yutsilal te Jehová; teme yac awich' ta muc', teme ma ba yac at'un te behetic awu'un, o teme ma ba yac apas te bin ya sc'an awo'tan o teme ma ba yac awal te bin mayuc sc'oblale,

Éxodo 23:12

Waqueb c'ahc'al ya x'a'tejat, pero ta shuquebal c'ahc'al ya me acux awo'tan, scuenta yu'un ya scux yo'tanic te j'a'tel-wacax soc te burro awu'un, soc yu'un ya xjelon xan yip a te yal acriada soc te jyanlume.

Apocalipsis 1:10

Ta sc'ahc'alel te Cajwaltic cuentahimbilon yu'un a te Espíritu, la jca'iy ay mach'a tulan c'opoj ta jpat hich te bin ut'il yoq'uel corneta,

San Lucas 23:56

C'alal suhtic bahel, la schahpanic bin sumet yic' soc perfume; la scux yo'tanic ta sc'ahc'alel cux-o'tan hich te bin ut'il ya yal te mandarile.

San Lucas 6:5

Soc la yalbe xan: Te Nich'anil ay ta scuenta winic ha Ajwalil yu'un te sc'ahc'alel cux-o'tan, xchi.

Ezequiel 22:8

La ap'ajic te bintic ch'ultesbil cu'un soc la abohlobtesbe sc'oblal te sc'ahc'alel cux-o'tan cu'une.

Levítico 23:3

Waqueb c'ahc'al ay a'tel, yan te shuquebal c'ahc'al ha sc'ahc'alel cux-o'tan, ha sc'ahc'alel ch'ul tsoblej; ma me x'a'tejex a. Ha sc'ahc'alel cux-o'tan ta scuenta Jehová ta bayuc te ya xnahinex.

Levítico 19:3

Jujutuhl ac'a yich' ta muc' sme'stat. Ya me acanantayic te sc'ahc'alel cux-o'tan cu'une. Ho'on, Jehovahon, te Dioson awu'unique.

Nehemías 13:15

Ta hich ora la jquil ta Judá te ay mach'atic ya sp'e' ta yoquic sts'usubic ta sc'ahc'alel cux-o'tan, ya scuchic tombil trigohetic, ya ya'beyic scuch vino, ts'usubetic, higohetic soc spisil yantic ihcatsiletic te burrohetic yu'unic, ya yich'ic bahel ta Jerusalén ta sc'ahc'alel cux-o'tan. Ha yu'un la jtijticlan ta c'op yu'un te yacalic ta chombajel ta c'ahc'al ini.

Jeremías 17:24

Pero teme yac ach'uhumbonic jc'op, xchi te Jehová, teme ma ba yac awich'ic ochel tal ihcatsil ta ochibaletic yu'un te pueblo ini ta sc'ahc'alel cux-o'tan, teme yac ach'ultesic te sc'ahc'alel cux-o'tan soc mayuc a'tel yac apasic a,

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.