Jeremías 17:18 - Bible in Tzeltal Bachajón

¹⁸ Ac'a q'uexawuc te j'uts'inwanejetic cu'un, ma me xawac' te ya xq'uexawanon; ac'a xiwuquic, ma me xawac' xiwucon ho'on. Ac'a taluc ta stojolic te yorahil bin chopol, jinticlana soc cheb buelta jinel.

Bible in Tzeltal de Oxchuc y Tenejapa

¹⁸ Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Jeremías 17:18 Referans Kwoze

Salmos 35:4

Ac'a q'uexawuc soc howiyuc te mach'atic yac slehbelon jcuxlejal; ac'a suhtuc ta spatic soc q'uexlal te mach'atic ay bin chopol ya sc'an ya spasbonic.

Jeremías 20:11

Pero Jehová sjoquinejon hich te bin ut'il mach'a bayel yip te ya stsalawan ta guerra; ha yu'un te mach'atic ya yuts'inonic ya me xyahlic, ma ba ya stsalonic; ya me stahic bayel q'uexlal, mayuc bintic ya xhu' yu'unic; stalel pehc'ambil ya xhilic, mayuc bin ora ya xch'ay ta o'tanil.

Jeremías 11:20

Pero, ha'at Jehová te acuentahinej spisil, te stojil yac achahpan, te yac atsahtaybe yo'tan soc te bin snopoj, a'bon quil te yac awac'ticlambe spacol, como cac'oj ta atojol te bin ut'il ayone.

Salmos 40:14

Ac'a yich'ic q'uexlaltesel soc howiytesel te mach'atic ya slehbonic jlajel. Ac'a suhticuc ta spatic soc q'uexlaltesel te mach'atic ya sc'an ya yuts'inonic.

Salmos 35:8

¡Ch'ayaluc me yo'tanic a ac'a c'ohtuc ta stojolic te jinele, soc ha'uc nix ya xtsacot ta syaquic te snac'ojique! ¡Tey nix ac'a yahluquic a!

Apocalipsis 18:6

Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

Jeremías 17:16

Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Jeremías 16:18

Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Salmos 71:1

Jnac'oj jba ta atojol Jehová, ma me ayuc bin ora ya jta q'uexlal.

Salmos 70:2

Ac'a q'uexawanuquic soc ac'a howiyuquic te mach'atic ya sc'an ya smilonique. Ac'a suhtuc ta spatic soc ac'a q'uexawanuquic te mach'atic chopol bin ya sc'an ya spasbonic.

Job 16:14

Bayel buelta ya yehchenteson, ahnimal ya xtal scontrahinon hich te bin ut'il mach'a ya yac' guerra.

Jeremías 14:17

Ya me awalbe te c'op ini: Ac'a maluc loq'uel ya'lel jsit ta c'ahc'al ahc'abal, ma xquehchaj, como te ach'ix yu'un te pueblo cu'un c'ax xiweltic sba swocol, como bayel sc'uxul te yehchene.

Jeremías 1:17

Te ha'ate, chahpana aba, tehc'ana aba soc halbeya spisil te bintic ya calbat ta mandar. Ma me xiwat ta stojolic, yu'un teme yac axi'e, ya jxiwtesat ta stojolic.

Jeremías 12:3

Pero ha'at, Jehová, yac ana'bon jba; yac awilon soc yac atsahtaybon co'tan ta sna'el te bin ut'il ayon ta atojol. ¡Tasticlana bahel hich te bin ut'il tuminchijetic te ya xbahtic ta smilojibal! parte xawac' yu'un te bin c'ahc'alil ya xlaje.

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Jeremías 17:19

Hich la yalbon te Jehová: Bahan, tehc'ana aba ta yochibal te pueblo, ta banti ya xloq'uic bahel soc ya x'ochic talel te ajwaliletic yu'un Judá; soc tehc'ana aba ta yantic ochibaletic yu'un Jerusalén,

Deuteronomio 33:11

A'beya bendición, Jehová, te bin ya spasic, soc tse'eluc me awo'tan yac awich'be ta cuenta te ya'tel sc'abic. C'ajbeya sch'ixpat te scontrahic, soc te mach'a ya yilintayic, scuenta yu'un jc'axel ma xhahchiquix, xchi.