Jeremías 17:16 - Bible in Tzeltal Bachajón

¹⁶ Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Bible in Tzeltal de Oxchuc y Tenejapa

¹⁶ Ja'uc me to, ma'yuc bay cac'oj puersa ta sc'anel te ya aticun tel tulan wocol; ma'yuc bay sc'anoj co'tan te ay bila chujc'ul ya xtal ta stojolique. Ja'at ya ana' ta lec te bila caloje, melel jich la cal ta atojol.

Jeremías 17:16 Referans Kwoze

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.

Hechos 20:20

soc mayuc bin ma ba la jcalbeyex te bin ya xtuhun awu'unic, la jca'beyex anopic ta comonsitil soc ta jujun na.

Santiago 3:1

Quermanotac, ma me tsoboluquex te yac awa'iyic p'ijubteswanej, como ana'ojic te c'ax tulan xan ya quich'cotic ich'el ta c'op.

Santiago 1:19

Ha yu'un, quermanotac te c'uxex ta co'tan, chapaluquex me apisilic yu'un ya'iyel ta ora te bin ya yich' halel, ma me orahuc ya xc'opojex, soc ma me orahuc ya x'ilinex,

2 Corintios 2:17

Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Jeremías 20:9

Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Jeremías 18:20

¿Ya bal yich' tojel ta bin chopol te bin lec, te bin ut'il la sjoc'bonic jch'enal? Na'a me te la jtehc'an jba ta atojol yu'un ya cal te bin lec ta scuentahic, yu'un ya xloc' bahel ta stojolic te awilimba.

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Jeremías 12:3

Pero ha'at, Jehová, yac ana'bon jba; yac awilon soc yac atsahtaybon co'tan ta sna'el te bin ut'il ayon ta atojol. ¡Tasticlana bahel hich te bin ut'il tuminchijetic te ya xbahtic ta smilojibal! parte xawac' yu'un te bin c'ahc'alil ya xlaje.

Amós 5:10

La sp'ajic te jtsitsawetic te ayic ta yochibal te pueblo, soc la yihlayic te mach'a smelelil bin ya yal.

Jeremías 15:15

Ha'at ana'oj, Jehová; na'awon, canantayawon, a'beya spacol te mach'atic ya yuts'inonique. Te bin ut'il ma orahuc ya x'ilinat, ma xaloq'ueson bahel; yac ana' te yac ta c'axel jwocol ta acuenta.

Jeremías 20:7

La alo'loyon, Jehová, la jquich' lo'loyel; c'ax hich awip a te bin ut'il te quipe, hich la atsalon. Jujun c'ahc'al ya quich' tse'layel, spisilic ya slabanonic.