Jeremías 17:11 - Bible in Tzeltal Bachajón

¹¹ Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Bible in Tzeltal de Oxchuc y Tenejapa

¹¹ Te mach'a ma stojiluc ya sta sc'ulejale; jich c'oem te bit'il perdiz te yan tomut ya sluts'e. Manchuc me yich'oj to yip, puersa me ya yijq'uitay jilel te sc'ulejale; soc ta slajibal ja' nax me bol ya xc'ot ta loq'uel.

Jeremías 17:11 Referans Kwoze

Proverbios 28:20

Te mach'a jun yo'tan ya me yich' bayel bendición, yan te mach'a ora nax ya sc'an ya xc'ulejub ya me yich' castigo.

Proverbios 21:6

Stsobel c'ulejalil ta scuenta lo'loywanej, ha sahb ehal te ma xhalaj soc ha yaquil te ya xlajinwan.

Jeremías 22:17

Pero te asit soc te awo'tan ha nax ay sc'oblalic yu'un yac ale te bin ya sc'an awo'tan, yu'un yac amalbe sch'ich'el te mach'a mayuc smul, soc yu'un yac awa'iy uts'inwanej soc yac awac' c'axuc wocol.

Jeremías 22:13

¡Obol sba te mach'a ya spas sna ta scuenta bin ma tojuc ta pasel, te ya spas scha'cajal na ta scuenta te bin ma tojuc; te tojol ya yac' a'tejuc te spat-xuhc, ma ba ya ya'be stojol sc'ab!

Proverbios 28:8

Te mach'a ya stsob sc'ulejal ta scuenta sc'ambeyel bayel sjol te staq'uine, ha ya stsob yu'un te mach'a ya sna'be yo'bolil sba te pobrehetique.

Proverbios 15:27

Te mach'a ay sbic'tal yo'tan ha nix ya sjin sna, yan te mach'a ya sp'aj te ya schon sba, ya me xcuxaj.

2 Pedro 2:14

Te sitic nojel ta antsiwej, ma xquehchajic ta slehel smulic; ya smonic te mach'atic mayuc yip yo'tanic; c'ahyemic a te spisil bin ya xbic'taj yo'tanic yu'un, ha yal-snich'nab chopol c'oblalil.

Tito 1:11

Ya sc'an ya yich' macbeyel yehic, como yac sjimbel nahetic, yu'un ta scaj sbic'sitayel taq'uin ya yaq'uic ta nopel te bin ma xtuhune.

Sofonías 1:9

Soc ha nix ta sc'ahc'alel ya ca'be castigo spisil mach'atic ya swihluntayic ochel ta smarcohil ti'nahil, soc te mach'atic ya snojesic te sna yajwalic ta uts'inwanej soc lo'loywanej.

Proverbios 28:22

Te mach'a ay st'ut'il ya suj sba ta slehel sc'ulejal, ma sna' te yac ta talel pobrehil ta stojol.

Proverbios 13:11

Te c'ulejalil te ma lecuc tahbil, ya xpehc'aj bahel, yan te mach'a c'unc'un ya stsob, ya xmuc'ub bahel yu'un.

Salmos 55:23

Pero ha'at, Dios cu'un, yac awac' cohuquic bahel ta xahab yu'un lajel te mach'atic chopolic. Te jmilawetic soc te jlotetic ma ba ya sta j'ohlil te scuxlejalique. Yan te ho'one, ha'at smuc'ulat co'tan.

San Lucas 12:20

Pero hich halbot yu'un te Diose: Ma xana' q'uinal. Yo'tic ta ahc'abal ya xtalat ta c'ambeyel ach'uhlel, ha yu'un te bin q'uejbil awu'un, ¿mach'a ya yich'bat hilel? xchi sc'oblal.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

1 Timoteo 6:9

Yan te mach'atic ya sc'an ya xc'uhlejubic ya xyahlic ta sujel soc ta yaquil, soc ta banti bayel bintic chopol te ya sc'an yo'tanic soc te ya xjinawan, te ya yac' ochuc ta jinel soc ta ch'ayel te winiquetique.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Zacarías 5:4

Ha la jticon bahel, xchi te Jehová te scuentahinej spisil, ha ya x'och ta sna te j'elec' soc ta sna te mach'a ay bin ya yal ta jamal ta lot ta scuenta jbihil; tey ya x'ayin ta sna soc pajal ya slajin soc te sts'amte'el soc te tonetic yu'une, xchi.

Miqueas 7:3

Scuenta ts'acal ya spas te bin chopol, te príncipal ay bin ya xc'ambot yu'un, te juez ya sc'an smahtan ta chahpanwanej; te mach'a muc' sc'oblal ya yal chican bin ya sc'an yo'tan, pajal ya yaq'uic c'ohtuc ta pasel.

Miqueas 2:9

Yac ach'ojic loq'uel te antsetic yu'un te pueblo cu'un ta snahic te bayel mulambil yu'unic; jc'axel yac aloq'ues bahel te halbeyel cutsilal ta stojol te alaletic yu'unique.

Amós 3:10

Ma sna'ic spasel bin toj, xchi te Jehová; ya stsobic ta tulan ts'ahquetic yu'unic bintic elc'ambil soc te bintic pojbile.

Proverbios 28:16

Te ajwalil te ma sna' q'uinal ya yac' bayel uts'inel; yan te mach'a ya sp'aj te bin ma stojiluc ta tahel, ya xnahtij scuxlejal.

Proverbios 23:5

Teme yac awac' asit ta stojol te c'ulejalil, ya xan awil, mayuquix a. Ya xloc' xic' hich te bin ut'il jxic, ya xwihl bahel c'alal ta ch'ulchan.

Salmos 49:13

Hich ya xc'ohtic te mach'atic ya yich' sbahic ta muc', hich ya xch'ayic bahel te mach'atic ya yalic yutsil sc'oblalic. Selah

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Jeremías 8:10

Ha yu'un te yihnamic ya cac' ta sc'ab yan winiquetic, soc yan yajwalic ya xc'oht te sq'uinalique. Como ta spisilic, muc' biq'uitetic, ya xbic'taj yo'tanic ta stahel taq'uin; te jalwanejetic soc sacerdotehetic, spisilic ya ya'iyic lo'loywanej.

Job 20:21

Mayuc bin ma ba la slajin ta we'el, ha yu'un ma xhu' ya xhalaj te yutsil slequil.