Jeremías 16:5 - Bible in Tzeltal Bachajón

⁵ Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.

Bible in Tzeltal de Oxchuc y Tenejapa

⁵ Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.

Jeremías 16:5 Referans Kwoze

Isaías 27:11

Te c'alal ya xtaquij te sc'abc'ab, ya yich'ic wac'ticlanel, soc ya xtal antsetic, ya stsumbeyic sc'ahc'al. Como ha pueblo te ma sna' q'uinal; ha yu'un te Jpaswanej yu'unic ma ba ya xna'bot yo'bolil sba yu'un, ma ba ya xc'uxultayot yu'un te Mach'a pasot yu'une.

Deuteronomio 31:17

Ha yorahil a te ya xtihl hahchel sc'ahc'al co'tan ta stojolic; ya me jch'ayic ta co'tan, ya jnac' jsit ta stojolic, hich me ya xlajic. Ya me xtal bayel swocolic soc mel-o'tan ta stojolic, ha me yorahil a te hich ya yalic: ¿Ma bal ha'uc yacon ta wocol yu'un te ma ba sjoquinejonix te Dios cu'un? xchihic.

Apocalipsis 6:4

Hich loc' tal jcoht tsajal cawu. Te mach'a cajal tey a a'bot yip ta sjinel te lamal q'uinal ta bahlumilal soc te talel c'axel ya smil sbahic te ants-winiquetic. Soc a'bot yich' muc'ul espada.

Zacarías 8:10

Como ta nahil to mayuc stojol a'tel yu'un winiquetic o chambahlametic, soc mayuc lamal q'uinal la ya'iy te mach'a loc' bahel o te och talel, ta scaj te contra, como la jca'be scontrahin sbahic spisil.

Salmos 25:6

Na'a me, Jehová, te t'ujbil yutsil awo'tan soc te sc'uxul awo'tan te sbahtel q'uinal ayic.

Jeremías 12:12

Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Jeremías 16:13

Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Lamentaciones 3:17

Namal baht ta jtojol te lamal q'uinal, ch'ayix ta co'tan te bin lec ta a'iyele.