Jeremías 16:19 - Bible in Tzeltal Bachajón

¹⁹ Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Bible in Tzeltal de Oxchuc y Tenejapa

¹⁹ Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Jeremías 16:19 Referans Kwoze

Isaías 25:4

Como ha'at ahnibalat yu'un te pobre, ahnibalat ta yorahil swocol te mach'a mayuc bin ay yu'un, ahnibalat yu'un te tulan ic'al ha'al soc axinalat yu'un te sq'uixinal c'ahc'al. Como te sahb ye te j'uts'inwanej hich c'ohem te bin ut'il tulan ic'al ha'al ta yorahil sic,

Nahúm 1:7

Te Jehová lec yo'tan, ha tulan ahnibal ta yorahil wocol; ya scanantay te mach'atic ha smuc'ulinej yo'tanique.

Jeremías 17:17

Ma me ha'uc tulan xiwel ya xc'ohat ta jtojol, como ha'at ahnibalat cu'un ta yorahil wocol.

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

Jeremías 10:5

Te loc'ombahetic yu'unic ma xc'opojic hich te bin ut'il xutax ta banti ts'umbil melón; ya x'ich'otic bahel yu'un ma xhu' ya xbehenic. Ma me xaxi'ic, mayuc bin chopol soc mayuc bin lec ya xhu' ya spasic, xchi te Jehová.

Jeremías 2:11

¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

Isaías 44:10

¿Mach'a ya schahpan jun dios o te ya yuhltes ta pasel jun loc'omba te ma xtuhune?

Salmos 86:9

Spisil te nacionetic te apasoj ya me xtalic ta atojol soc ya me sch'uhuntayat, Cajwal, soc ya me yalbat yutsil sc'oblal te abihile,

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Habacuc 3:19

Ha quip te Jehová te Ajwalil; ya yac' te hich ya xc'oht te coc te bin ut'il yoc chij, soc ya yac' te ya xbehenon ta toyol q'uinal. Yu'un te jtsobaw yu'un te c'ayojetique. Ya xtuhun ta a'tejibaletic yu'un c'ayoj te ya yich' tijel ta c'abal.

Ezequiel 11:16

Ha yu'un hich me xawalbe: Hich yaloj te Jehová, te Ajwalil: Aunque namal la jticonlan bahel ta yohlil te nacionetic, aunque la jpucticlan ta yohlil yantic q'uinaletic, ha ahnibal ya xc'ohon yu'unic te banti ya xc'ohtique, xchi.

Isaías 49:6

hich ya yal: Jteb nax ya ca'iy te ha a'bat cu'un yu'un yac ahach te chahpalchahp sts'umbal Jacob, soc te yac apas te ya suhtic xan tal te mach'atic hilemic yu'un Israel; ha nix ya cac' te ha sacal q'uinal ya xc'ohat ta stojol te nacionetic, yu'un yac awich'bon bahel te colel cu'un c'alal ta sti'il te bahlumilale, xchi.

Salmos 62:2

Ha nax stuquel te muc'ul ton soc te colel cu'une; ha ahnibal cu'un, ma ba ya xyahlonix.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Jeremías 3:23

Melel jlo'loywanejetic te tsehletic soc bayel c'opetic ta sba witsiltic; melel ta scuenta Jehová te Dios cu'untic ay te colel yu'un Israel.

Isaías 62:2

Hich me ya yilic te nacionetic te bin stojil yac apasic, soc spisil te ajwaliletic ya yilbat awutsilal; ya x'a'botat yach'il abihil te ya yalbat te Jehová.

Isaías 32:2

Ta jujutuhl hich ya xc'oht te bin ut'il ahnibal yu'un te tulan ic' te ya smac te tulan yic'al ha'al; hich te bin ut'il be-ha'etic ta taquin q'uinal, hich te bin ut'il yaxinal muc'ul ton ta q'uixin q'uinal.

Proverbios 18:10

Ha toyol ts'ahc te sbihil te Jehová; tey ya x'ahnimaj bahel a te mach'a toj yo'tan soc hich ya xcol.

Salmos 68:31

Ya xhahchic tal príncipaletic ta Egipto; te Etiopía ya me shach sc'abic ta stojol Dios.

Salmos 62:7

Ay ta stojol Dios te jcolel soc te yutsil jc'oblale; ha muc'ul tulan ton soc ha ahnibal cu'un te Diose.

Salmos 46:11

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 46:7

¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Salmos 27:5

Ya me snac'on ta Nahilpac' Templo yu'un ta yorahil wocol; ya me yac'on ta mero yutil te sna; toyol me ya yac'on ta sba muc'ul ton.

Salmos 19:14

Lecuc me yac awa'iy te c'opetic ya xloc' ta que soc te bintic ya jnopilan ta co'tan, Jehová, muc'ul tonat soc jcoltaywanejat cu'un.

Romanos 1:25

La sjelic ta lotil te bin smelelil yu'un Dios, la sch'uhuntayic soc la yac' sbahic ta a'batinel yu'un te bintic pasticlambil, ma ha'uc yu'un te Jpaswanej, te ay ta ich'el ta muc' sbahtel q'uinal stuquel. Hichuc.

1 Reyes 20:23

Te a'batetic yu'un te ajwalil ta Siria, hich la yalbe: Te diosetic yu'unic ha diosetic yu'un te witsiltic, ha yu'un te la stsalotic. Pero teme ya ca'betic guerra ta spamlej, ya me jtsaltic.

Isaías 44:20

Ya swe' stanul c'ahc', ya xhowiytesot yu'un te yo'tan te ya xlo'loywan; ma xhu' ya scoltay sba soc ma ba ya yal: ¿Ma bal ha'uc lotil te bin ay ta jwa'el-c'ab? ma xchihuc.

Isaías 45:14

Hich ya yal te Jehová: Te stojol ya'tel te Egipto, te jchombajeletic yu'un Etiopía, soc te sabeohetic, ha te nahtil winiquetic, ya xc'axic tal ta atojol, awu'un ya xc'ohtic; ya st'unat bahel, chuculic ta cadena, ya me squejan sbahic ta atojol soc hich me ya yalbat wocol: Melel sjoquinejat te Diose, mayuc yan dios, xchihic.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Jeremías 4:2

soc teme smelelil, stojil soc ta scuenta bintic lec ta pasel hich yac awal ta jamal: Cuxul Jehová, teme xchihexe, hich te nacionetic ya me yich'ic bendición yu'un Dios soc ya me yalbeyic yutsil sc'oblal, xchi.

Jeremías 12:16

Teme smelelil ya snopbeyic sbe te pueblo cu'un, soc teme ya yalic ta jamal ta scuenta jbihil: Cuxul Jehová, te xchihique, hich te bin ut'il a'bot snopic te pueblo cu'un te ya yalic ta jamal ta scuenta Baal, ya me yich' yipic ta yohlil te pueblo cu'une.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

Salmos 18:3

Ya jc'opon te Jehová, te ha ya sc'an halbeyel yutsil sc'oblal, hich ya xcolon ta sc'ab te jcontratac.

Salmos 65:3

Te c'alal la yu'untayotcotic te bintic chopol, ha'at la apasbotic perdón yu'un te jmulcotique.

Jeremías 10:3

Como ma xtuhun te stalel te pueblohetic: Ya sts'etic te' ta tohyem te'etic, te mach'a ya sna', ya schahpan ta cincel;

Jeremías 14:8

Ha'at smuc'ulat-o'tanil yu'un Israel, ha Jcoltaywanejat yu'un ta yorahil wocol, ¿bin yu'un te hich c'ohemat te bin ut'il jyanlum ta q'uinal, te hichat te bin ut'il jbehyom te junax ahc'abal ya xwayat?