Jeremías 16:18 - Bible in Tzeltal Bachajón

¹⁸ Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Bible in Tzeltal de Oxchuc y Tenejapa

¹⁸ Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

Jeremías 16:18 Referans Kwoze

Isaías 40:2

C'oponahic soc yutsil awo'tanic te Jerusalén, halbeyahic te ts'acayix te yorahil yu'une, te pasbotix perdón yu'un te smule, te cheb buelta stojol spisil smul la yich' ta sc'ab Jehová.

Apocalipsis 18:6

Sutbeyahic spacol hich te bin ut'il spasbeyej yantic; cheb buelta a'beya stoj te bintic spasoje. Tey nix ta copa banti la schahpan ta uch'el, chahpanahic cheb buelta te bin ya yuch'e.

Ezequiel 11:21

Pero te mach'atic ay ta yo'tanic st'unel te loc'ombahetic soc te bintic ilobtic sba yu'unic, ya cac' ta sjolic te bintic spasojic, xchi te Jehová, te Ajwalil.

Jeremías 17:18

Ac'a q'uexawuc te j'uts'inwanejetic cu'un, ma me xawac' te ya xq'uexawanon; ac'a xiwuquic, ma me xawac' xiwucon ho'on. Ac'a taluc ta stojolic te yorahil bin chopol, jinticlana soc cheb buelta jinel.

Jeremías 2:7

Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.

Ezequiel 11:18

Ya xcha'suhtic xan talel, soc ya me sloq'uesic spisil te loc'ombahetic tey a soc spisil te bintic ilobtic sba yu'unique.

Jeremías 3:9

Te bin ut'il mayuc sc'oblal la ya'iy te la yac' sba ta antsinel, hich la sbohlobtes te q'uinal, yu'un la yac' sba ta antsinel ta stojol ton soc te'.

Isaías 61:7

Te bin ut'il te pueblo cu'un yich'ojic cheb buelta a q'uexlal soc pehc'anel, ha yu'un ta slumalic ya x'a'bot cheb buelta c'ulejalil, soc stalel ay me stse'elil yo'tanic.

Miqueas 2:10

Hahchanic, behenanic, como ma ha'uc lugar yu'un cux-o'tanil ini, yu'un bohlobenix, jc'axel jihnemix.

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Salmos 106:38

La smalbeyic sch'ich'el mach'a mayuc smul, ha te sch'ich'elic te querem soc ach'ixetic yu'unic, ha te la yaq'uic ta milbil mahtanil ta stojol te loc'ombahetic yu'un Canaán; bohlob te q'uinal yu'un te sch'ich'elique.

Levítico 26:30

Ya jlajimbeyex te toyol awilaletic awu'unic, ya jimbeyex te scajtajib ta chiq'uel pom awu'unic soc ya jbusambeyex te chamen-abaq'uetalic ta sba te chamen-sbaq'uetal loc'ombahetic awu'unic; ihlaybil ya xc'ohex ta co'tan.

Isaías 65:6

Ilawil, ha ts'ihbabil ta jtojol, ma ba ya xch'abon, ya me ca'be stojic hich te bin ut'il ya sc'an, ya ca'be stojic tey nix ta stojolic,

Jeremías 7:30

Como te swinquilel Judá spasojic te bin chopol ta jtojol, xchi te Jehová; la yaq'uic te bintic ilobtic sba ta na te yich'oj te jbihile, la sbohlobtesbeyic sc'oblal.

Jeremías 44:4

Bayel buelta la jticonlan ta atojolic spisil te jalwanejetic, te a'batetic cu'un, te hich la yalic: ¡Ma me xapasic te bin ilobtic sba ini te p'ajbil cu'un! xchihon.

Ezequiel 5:11

Ha yu'un, cuxulon, xchi te Jehová, te Ajwalil, te bin ut'il la abohlobtesbonic sc'oblal te ch'ul awilal cu'un ta scuenta spisil te bintic ilobtic sba awu'un, ha nix hich ya me jlajinat; ma ba ya jpasbat perdón, ma ba ya jna'bat yo'bolil aba.

Oseas 9:7

C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.

Isaías 65:7

ta scaj amulic soc smul te ame'atatic, xchi te Jehová, Yu'un la schiq'uic pom ta witsiltic soc la sbohlc'optayonic ta tsehletic; ha yu'un ya cac' ta stojolic te stojol bintic la spasic ta nahil, xchi.

Ezequiel 36:18

Hich la jmal cohel quilimba ta stojolic ta scaj te ch'ich' la smalic ta q'uinal soc ta scaj te loc'ombahetic te la sbohlobtesbe sc'oblal a te q'uinale.