Jeremías 16:16 - Bible in Tzeltal Bachajón

¹⁶ Ya jticon tal bayel jtsac-chayetic, xchi te Jehová, te ya stsacticlanic. Patil ya jticon tal bayel jnutsojeletic, ya me snutsic ta spisil witsiltic, tsehletic soc sc'uhb tontiquil.

Bible in Tzeltal de Oxchuc y Tenejapa

¹⁶ “Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

Jeremías 16:16 Referans Kwoze

Amós 4:2

Te Jehová, te Ajwalil, hich la yal ta jamal ta scuenta te ha Ch'ul Dios: Ya xtal yorahil, antsetic, te ya yiq'uex bahel ta ganchohetic, soc te ats'umbalic ya x'ic'otic bahel ta slucojibal chay.

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.

1 Samuel 26:20

Ma me xyich' malel jch'ich'el ta namal ta stojol Jehová, como te ajwalil yu'un Israel loc' slehbel jcoht ch'ac, hich te bin ut'il mach'a ya snuts nacow ta wits, xchi.

Génesis 10:9

Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

1 Samuel 24:11

Ilawil, jtat, te sti'il anahtil-c'u' quich'oj ta jc'ab. La jset'bat loq'uel pero ma ba la jmilat. Na'a me te mayuc bin chopol o aq'uel ta c'abal te jnopoje. Mayuc jtahoj jmul ta atojol, pero ha'at yac alehbelon yu'un yac amilon.

Isaías 2:21

Ya x'ochic ta ch'entiquil soc ta banti jamajtic tontiquil ta scuenta te xi'el te Jehová soc te sts'anabul te smuc'ul yutsilal, te c'alal ya xhahch ya'be castigo te lumq'uinale.

Isaías 7:19

Ya xtalic ta nahinel ta sjuclejetic, ta sc'ub tontiquil, ta ch'ixileltic soc ta spisil banti ya yuch'ic ha' te chambahlametique.

Jeremías 4:29

Ta scuenta yawic te mach'atic mohemic ta cawu soc te mach'atic ya yaq'uic t'ihmalte', spisil te pueblohetic ya xloq'uic ta ahnel; ya snac' sbahic ta pimil q'uinal, ya xmohic bahel ta toyol tontiquil; spisil te pueblohetic ihquitayotic hilel, mayuc mach'a ya xnahin tey a.

Jeremías 6:9

Hich la yal te Jehová te scuentahinej spisil: Lehahic hich te bin ut'il ts'usubil te mach'atic yu'un Israel te hilemic; c'asesa xan ac'ab ta sc'abc'ab ts'usub, hich te bin ut'il ya spas te mach'a ya stsobe te site, xchi.

Jeremías 49:5

Ilawil, ya quic' tal xiwel ta atojol te ya xtal ta stojol spisil mach'atic ayic ta ajoyobal, xchi te Jehová te scuentahinej spisil. Jujutuhl toj ya yich'ic tenel bahel, mayuc mach'a ya stsob talel te mach'atic loq'uic ta ahnel.

Lamentaciones 4:18

La stsahtay yilic te jujujihm coctic hich ma ba hu' ya xbehenotic ta callehetic. Nohpoj tal te slajibal cu'untic, ts'acay te corahiltic, c'ohtix te jlajibaltique.

Oseas 10:10

Ya ca'be castigo te bin ora ya sc'an co'tan; ya stsob tal sbahic te nacionetic ta scontrahinel te c'alal ya yich'ic castigo yu'un te cha'chahp smulique.

Sofonías 1:12

Ta hich ora ya jtsahtay quil ta tsumbil c'ahc' te Jerusalén, soc ya ca'be castigo te mach'atic slahmanej sbahic hich te bin ut'il vino te slahmoj sba, te hich ya yal ta yo'tanic: Te Jehová ma ba ya spas te bin lec o te bin ma lecuc, te xchihique.

Lamentaciones 4:19

Te jnutsawal cu'untic c'ax hich ya x'ahnimajic a te bin ut'il jxic ya xwihl ta ch'ulchan; la snutsotic ta witsiltic, la smacliyotic ta jochol taquin q'uinal.