Jeremías 16:13 - Bible in Tzeltal Bachajón

¹³ Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Bible in Tzeltal de Oxchuc y Tenejapa

¹³ Jich yu'un ya jloq'uesex bael li' ta bay lumq'uinal to. Ya xbaex ta banti ni ja'ex ni antiguo ame'-atatic awilojic. Tey me ya awich'ic abatinel c'aal ajc'ubal yu'un te lotil diosetique. Ma ba ya jna'beyex yo'bolil abaic’, xi' te Cajwaltic”, uta me.

Jeremías 16:13 Referans Kwoze

Deuteronomio 28:36

Te Jehová ya me yic'at bahel soc te ajwalil awac'oj scuentahinat ta jun nación te ma xana'be sba, ni ha'uc la sna'be sba te ame'atat; tey yac awac' aba ta a'batinel yu'un yantic diosetic te pasticlambilic ta te' soc ta ton.

Jeremías 15:14

Ya cac'at ta mosohil yu'un acontratac ta q'uinal te ma xana'be sba, como ta scuenta te quilimba tsumbilix c'ahc' te ya xtihl ta atojolic, xchi te Jehová.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

2 Crónicas 7:20

ho'on ya jbulat loq'uel ta jq'uinal te ca'beyejex soc ya jch'oj loq'uel ta jtojol te Na te ch'ultesbilix cu'un yu'un te jbihile, soc ya cac' ta labanel soc ta tse'layel yu'un spisil pueblohetic.

Jeremías 22:28

Te winic Jeconías, ¿ha bal q'uib te p'ajbil soc wuybil? ¿Ha bal te bin mayuc mach'a ya sc'ane? ¿Bin yu'un te ch'ojot bahel soc snich'nab, te ch'ojotic bahel ta q'uinal te ma sna'beyic sbahe?

Jeremías 15:4

Ya cac' te xiweltic sba ya xc'ohtic ta stojol te nacionetic ta q'uinal ta scaj te bin la spasic ta Jerusalén te Manasés snich'an Ezequías, ajwalil yu'un Judá.

Jeremías 14:8

Ha'at smuc'ulat-o'tanil yu'un Israel, ha Jcoltaywanejat yu'un ta yorahil wocol, ¿bin yu'un te hich c'ohemat te bin ut'il jyanlum ta q'uinal, te hichat te bin ut'il jbehyom te junax ahc'abal ya xwayat?

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 5:19

C'alal ya sjoc'oyic: ¿Bin yu'un te hich la spasbotic te Jehová te Dios cu'untic? teme xchihique, hich yac awalbe: Hich te bin ut'il la awihquitayonic soc la awac' abahic ta a'batinel ta stojol yan diosetic ta aq'uinalic, hich yac awac' abahic ta a'batinel ta stojol jyanlumetic ta yan q'uinal, uta me, xchi.

Salmos 81:12

Ha yu'un la jquihquitay yu'un ya spasic te bin la sc'an yo'tanic, yu'un ya st'unic te snopojibal yu'unique.

Deuteronomio 29:28

Te Jehová, la sbul loq'uel ta sq'uinalic ta scuenta yilimba, sc'ahc'al yo'tan soc smuc'ul yilimba; la sch'ojticlan bahel ta yan q'uinal, hich te bin ut'il ay ta ora ini, xchihic sc'oblalic.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Jeremías 22:26

Ya cac' te yac awich' chuquel bahel, ha'at soc anan te la yayintesat, ta yan q'uinal ta banti ma ba tey ayinex a, tey ya xchamex a.

2 Reyes 25:21

Te ajwalil yu'un Babilonia tey la yehchenteslan soc la smilticlan ta Ribla ta sq'uinal Hamat. Hich te Judá loq'uesotic bahel ta chuquel ta sq'uinal.

Jeremías 10:18

yu'un hich yaloj te Jehová: Ta ora ini hich ya jch'oj bahel te bin ut'il jihmuch'il te mach'atic nahinemic ta lumq'uinal; ya cac'ticlambe tulan swocolic scuenta yu'un ya ya'iyic, xchi.

Jeremías 16:5

Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.