Jeremías 16:12 - Bible in Tzeltal Bachajón

¹² Pero te ha'exe c'ax hich chopol apasojic a te bin ut'il ame'atatique. Como ilawil, tuhlultuhlex la at'unic bahel te bin snopoj te achopol-o'tanic, ma ba la awa'iybonic te jc'ope.

Bible in Tzeltal de Oxchuc y Tenejapa

¹² Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

Jeremías 16:12 Referans Kwoze

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Jeremías 7:26

Pero ma ba la ya'iybonic jc'op, ma ba la yac' schiquinic, la stulanijtes yo'tanic, c'ax hich chopol c'ohtic a te bin ut'il te sme'statique.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

San Marcos 7:21

como ta yo'tan te winic ya xhahch tal te bin chopol ya snopic, te spasel mulil, elec', milaw, antsiwej,

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

1 Samuel 15:23

Como te toybahil ha pajal mulil soc te bin ay ta lom-na'el, te tulan-o'tanil ha pajal mulil soc sch'uhuntayel loc'ombahetic. Te bin ut'il la ap'ajbe sc'op te Jehová, ha nix hich la sp'ajat te ma ba ya xhilatix ta ajwalil, xchi.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

Hebreos 3:12

Ha yu'un tsahtaya me abahic, quermanotac, te ma me ayuc mach'a ay chopol yo'tan te ma sch'uhun, te ya spit sba ta stojol te cuxul Dios.

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Deuteronomio 29:19

te c'alal ya'iyejix a te bin ya yal te chopol c'oblalil ini, ha nix ya ya'be sba smuc'ul yo'tan, te hich ya yal: Ya me ca'iy lamal q'uinal, aunque ya jt'un bahel te co'tan te tulan ay, teme xchihe, ha ya xjihn spisilic ta scuenta.

Deuteronomio 9:27

Na'a me te awa'bat Abraham, Isaac soc Jacob; ma me xawich'be ta cuenta te stulanil yo'tan te pueblo ini soc te sbohlil soc te smule.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Jeremías 18:12

Pero ya me yalic: ¡Tojol! como ya me jt'uncotic bahel te loc'ombahetic cu'uncotic, jujutuhlotcotic ya jpascotic te bin ya snop te chopol co'tancotic, ya me yutic.

Lamentaciones 5:7

La sta smulic te jme'jtatcotic soc wayemix sbaq'uetalic, pero ho'otcotic ya jcuchbecotic te castigo yu'unique.

Ezequiel 20:30

Ha yu'un hich xawalbe te sna Israel: Hich yaloj te Jehová: ¿Ma bal hichuc yac abohlobtes abahic te bin ut'il ame'atatic soc yac awac' abahic ta antsinel ta stojol te bintic ilobtic sba yu'unique?

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

Malaquías 3:7

C'alal ta yorahil ame'atatic la awihquitayic hilel te leyetic cu'un, ma ba la acanantayic. ¡Suhtanic tal ta jtojol, hich ya suhton tal ta atojolic! xchi te Jehová te scuentahinej spisil. Pero yac awalic: ¿Bin ut'il ya suhtotic? xchihex.

Jeremías 22:28

Te winic Jeconías, ¿ha bal q'uib te p'ajbil soc wuybil? ¿Ha bal te bin mayuc mach'a ya sc'ane? ¿Bin yu'un te ch'ojot bahel soc snich'nab, te ch'ojotic bahel ta q'uinal te ma sna'beyic sbahe?