Jeremías 16:11 - Bible in Tzeltal Bachajón

¹¹ Hich me yac ajac'be: Como la yihquitayon te ame'atatic, xchi te Jehová, soc la st'unic bahel yantic diosetic soc la yac' sbahic ta a'batinel yu'unic soc la sch'uhuntayic. La yihquitayonic soc ma ba la sch'uhunic spasel te Ley cu'une.

Bible in Tzeltal de Oxchuc y Tenejapa

¹¹ Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.

Jeremías 16:11 Referans Kwoze

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

Ezequiel 11:21

Pero te mach'atic ay ta yo'tanic st'unel te loc'ombahetic soc te bintic ilobtic sba yu'unic, ya cac' ta sjolic te bintic spasojic, xchi te Jehová, te Ajwalil.

Jeremías 22:9

Hich ya xjac'botic: Como la yihquitayic hilel te chapbil-c'op yu'un te Jehová te Dios yu'unique, la sch'uhuntayic te yantic diosetic soc la yac' sbahic ta a'batinel yu'unic, xchi te Jehová.

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

1 Reyes 9:9

Hich ya xhalbotic: Scaj te la yihquitayic te Jehová te Dios yu'unic te loq'uesotic tal yu'un ta Egipto te sme'static, och sch'uhuntayic yantic diosetic, la yich'ic ta muc' soc la yac' sbahic ta a'batinel yu'unic, ha yu'un te Jehová la yac' taluc ta stojolic spisil bintic chopol ini, xchi te Jehová.

Jeremías 9:14

Ha la st'unic te bin la snop ta yo'tanic soc la st'unic bahel te baaletic, hich te bin ut'il a'bot snopic yu'un te sme'statique.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

2 Crónicas 7:22

Hich me ya sjaq'uic: Como la yihquitayic te Jehová, te Dios yu'un te sme'static te loq'uesotic tal yu'un ta sq'uinal Egipto, hahch sch'uhunic yantic diosetic, la sch'uhuntayic soc la yac' sbahic ta a'batinel yu'unic. Ha yu'un te la yac' taluc ta stojolic spisil te wocol ini, xchi te Jehová.

Amós 2:4

Hich yaloj te Jehová: Ta scuenta oxchahp mulil yu'un Judá, ta scuenta chanchahp, ma ba ya jcom te castigo yu'une; como la sp'aj te ley yu'un Jehová, ma ba la sch'uhumbe te mandariletic yu'un, howiyic yu'un slotic, te ha nix la st'unic te sme'statique.

Malaquías 3:7

C'alal ta yorahil ame'atatic la awihquitayic hilel te leyetic cu'un, ma ba la acanantayic. ¡Suhtanic tal ta jtojol, hich ya suhton tal ta atojolic! xchi te Jehová te scuentahinej spisil. Pero yac awalic: ¿Bin ut'il ya suhtotic? xchihex.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jeremías 13:22

Teme hich yac awal ta awo'tanic: ¿Bin yu'un te hich c'oht ta jtojol? teme xchihate, ha ta scaj bayel mulil awu'un te la yich' mohtesel atsec, soc la awich' uts'inel.

Jeremías 44:3

ta scaj te bintic chopol la spasic, te la yac' ilinucon yu'un, ha te la ya'beyic smahtanin pom soc la sch'uhuntayic yantic diosetic te ma ba sna'beyejic sba, ni ha'uquex ni ha'uc te ame'atatique.

Lamentaciones 5:7

La sta smulic te jme'jtatcotic soc wayemix sbaq'uetalic, pero ho'otcotic ya jcuchbecotic te castigo yu'unique.