Jeremías 15:9 - Bible in Tzeltal Bachajón

⁹ Laj yip te mach'a ay huqueb yalatac, loc' sch'uhlel; mahl te c'ahc'al yu'un aunque ay to te c'ahc'ale; la yich' q'uexlaltesel soc pehc'anel. Te mach'atic yu'un te cuxul hilic ya cac' te ya xlaj ta espada ta stojol te scontrahic, xchi te Jehová.

Bible in Tzeltal de Oxchuc y Tenejapa

⁹ Te me'iletic bayal yalatac ya xcom q'uinal yaiyic, ma xyich'iquix ic'; ya xq'uexawic soc ya xpejc'ajic, te xojobil c'aal ya sujtp'ej ta ijc' q'uinal ta stojolic. Teme ay to mach'a cuxul ya xjilique ya me cac' milotuc yu'un te scontroique. Jo'on Ajwalilon, ya cal te jc'ope —xi'.

Jeremías 15:9 Referans Kwoze

1 Samuel 2:5

Te mach'atic nojel sch'uhtic ya yac' sbahic ta jle-a'tel scuenta we'elil, yan te mach'atic ayic ta wi'nal, mayuquix swi'nalic. Te ants te ma x'alaj, ayinix huctuhl yal; yan te mach'a ay bayel yalatac, ay ta mel-o'tan.

Isaías 47:9

Ta schebal ini ya xc'oht ta atojol, ta ora nax, ta junax c'ahc'al: ya xch'ay awalatac soc ya xhilat ta me'ba' ants. Soc yip ya xtalic ta atojol, aunque bayel yac apas na'ojel soc te bayel yipic te jmonawetic awu'une.

Lamentaciones 1:1

¡Mero stuquel hil te Jerusalén, te nojel ta ants-winiquetic ta nahil to! Te mach'a muc' ta yohlil te nacionetic hich c'ohem te bin ut'il me'ba' ants; te ants ich'bil ta cuenta ta jsehpelsehp q'uinal ochix ta mosohil.

Ezequiel 5:12

Ya me xlaj jun ta yoxebal ta jmilawal-chamel soc ya me xchamic ta wi'nal ta awohlil; jun ta yoxebal ya xlaj ta espada ta ajoyobal; soc jun ta yoxebal ya jpuc bahel ta ic'; soc ya jloq'ues te espada ta sna, ya jnuts bahel a.

Lamentaciones 4:10

Te antsetic te ay sc'uxul yo'tanic, ta sc'abic nix la spayic te yalataque; ¡ha nix te yalatac tuhun yu'un swe'elic, ta yorahil sjinel te jlumale!

Jeremías 44:27

como yacon ta yilel ta stojolic te ya ca'be te bin chopol, ma ha'uc te bin leque. Spisil te winiquetic yu'un Judá te ayic ta sq'uinal Egipto ya me xlajic ta espada soc ta wi'nal, ha to c'alal ya xlaj spisilic.

Jeremías 21:7

Ta patil, xchi te Jehová, ya cac' ta c'abal te Sedequías ajwalil yu'un Judá, te a'batetic yu'un soc te mach'atic cuxul hilic yu'un te jmilawal-chamel, te espada soc wi'nal, ya cac' ta sc'ab te Nabucodonosor ajwalil yu'un Babilonia, ta sc'ab te scontratac te ya slehbe scuxlejalic. Ha ya smilticlan ta espada; ma ba ya spasbe perdón, ma ba ya sc'uxultay, ma ba ya sna'be yo'bolil sbahic.

Jeremías 6:4

¡Chahpana guerra ta stojol! ¡Hahchanic, ochucotic ta ohlil c'ahc'al! Pero obol jbahtic, mahlelix c'ahc'al, muq'uix bahel te axinale.

Jeremías 7:19

¿Ho'on bal te ya shachbonic quilimba? ¿Ma bal ha'uquic nix te ya yac' sbahic ta q'uexlal?

Jeremías 19:7

Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

Jeremías 50:12

pero bayel ya xq'uexaw te ananic, ya xpehc'anot te mach'a la yayintesex. Ha peq'uel ya xc'oht yu'un spisil te nacionetic, ha taquin q'uinal, taquin lum, jochol taquin q'uinal ya xc'oht.

Ezequiel 5:13

Hich ya xlaj te quilimba, ya cac' c'ohtuc ta stojolic te sc'ahc'al co'tan, hich ya xlahmaj a. Hich me ya sna'ic a te ho'on Jehovahon c'opojonix soc xut'et co'tan, c'alal ya jts'acaytes ta stojolic te quilimbahe.