Jeremías 15:6 - Bible in Tzeltal Bachajón

⁶ Ha'at la awihquitayon, xchi te Jehová, suhtat bahel ta apat; ha yu'un ya jach jc'ab ta atojol, ya jinat. ¡Luhbenonix yu'un jna'belat yo'bolil aba!

Bible in Tzeltal de Oxchuc y Tenejapa

⁶ Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 15:6 Referans Kwoze

Jeremías 7:24

Pero ma ba la sch'uhunic, ma ba la yich'ic ta cuenta; ha la st'unic bahel te bintic snopojic ta scuenta tulan schopolil yo'tanic. Suht ta spatic, ma ba behenic xan bahel,

Sofonías 1:4

Ya jach jc'ab ta scontrahinel te Judá soc ta scontrahinel spisil te mach'atic nahinemic ta Jerusalén. Jc'axel ya jlajin ta lugar ini jayeb xan hilem yu'un Baal soc te sbihilic te mach'atic ya x'a'tejic ta stojol te loc'ombahetic soc te sacerdotehetic yu'unique.

Zacarías 7:11

Pero ma ba la sc'an la ya'iyic, la swalac'patiyic soc la smac schiquinic.

Oseas 11:7

Te pueblo cu'un hich yo'tan te ya stoy sba ta jtojol. Aunque ya yalbonic Mach'a mero toyol ay, mayuc mach'a ya stoybon jc'oblal.

Isaías 1:4

¡Obol aba, jmulawil nación, ha pueblo te bayel smul, ha jcaj ts'umbalil yu'un mach'atic chopol ya'telic, bohl al-nich'anex! ¡La yihquitayic te Jehová, la sp'ajic te Ch'ul Dios yu'un Israel, suht ta spatic ta stojol!

Oseas 13:14

Ya cac' ta libre ta sc'ab te stsobojibal mach'atic chamenic, ya jcoltay loq'uel ta lajel. Ho'on, jlajinwanejon awu'un, lajel; ho'on, jinawalon awu'un, stsobojibal mach'atic chamenic. Ma ba ya jna'be yo'bolil sbahic.

Ezequiel 25:7

ya jach jc'ab ta acontra soc ya cac'at ta sc'ab nacionetic yu'un ya spojbat abiluc. Ya jloq'uesat ta yohlil te pueblohetic soc ya jlajinat ta yohlil te q'uinaletique. Jc'axel ya jlajinat; ya me ana'ic te ho'on Jehovahon, xchi.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Jeremías 6:11

Ha yu'un nojel co'tan ta yilimba Jehová, luhbenonix yu'un scomel jba. La yal te Jehová: Mala bahel ta stojol te alaletic ta calle soc ta stojol te queremetic banti stsoboj sbahic; como ya me yich'ic chuquel te winiquetic soc yihnamic, te mamaletic soc te mach'atic c'ax mamalixe.

Jeremías 2:17

¿Ma bal ha'uc hich pasbotat yu'un te la awihquitay hilel te Jehová te Dios awu'un te c'alal la stojobtesat bahel ta be?

Jeremías 1:16

Ya cal te castigo ya xc'oht ta stojolic ta scaj spisil schopolilic yu'un te la yihquitayon ta yo'tanic, la schic'beyic pom yantic diosetic soc la sch'uhuntayic te bintic la spas ta sc'abic.

Oseas 4:16

Te Israel tulan yo'tan, hich te bin ut'il wacax te ma ba c'ahytesbil. Te Jehová ¿ya bal ya'be swe'elic hich te bin ut'il tuminchijetic ta jamal q'uinal aquiltic?

Ezequiel 14:9

Teme ay jalwanej te ya xlo'loyot soc ay bin ya yal, ho'on Jehovahon la jlo'loy te jalwaneje. Ya jach jc'ab ta scontrahinel soc ya jlajin ta yohlil te pueblo Israel cu'une.

Jeremías 20:9

Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Jeremías 8:5

¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Isaías 28:13

Ha yu'un te sc'op Jehová hich ya xc'oht ta scuentahic: Tsaw latsaw, tsaw latsaw, caw lakaw, caw lakaw, jtebuc li'i, jtebuc lume, xchi; ha to c'alal ya xyahlic ta spatic c'alal yaquic ta behel a, ya x'ehchenajic, ya x'ochic ta yaquil, soc ya xchucotic.

Isaías 31:3

Te egipciohetic winiquetic nax, ma ha'uc Dios; baq'uet nax te cawuhetic yu'unic, ma ha'uc espíritu. Te c'alal ya shach sc'ab te Jehová ya xyahl te mach'a ya xcoltaywan soc ya xyahl te mach'a coltaybil; ta spisilic pajal ya xlajic.

Jeremías 6:12

Te snahic, sq'uinalic soc yihnamic ya x'ich'otic yu'un yantic, como ya me jach jc'ab ta stojol te mach'atic nahinemic ta q'uinal, xchi te Jehová.

Jeremías 7:16

Ha yu'un, Jeremías, ma xac'oponon yu'un te pueblo ini, ma me xhahchat ta aw yu'un yac ac'oponon, ma me xawalbon wocol yu'un, como ma ba ya ca'iybat ac'op.

Jeremías 8:9

Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Ezequiel 35:3

hich me xawalbe: Ilawil, ya jcontrahinat, wits Seir, ya jach jc'ab ta scontrahimbelat soc ya jc'atp'ujat ta jochol jimbil q'uinal.

Jeremías 13:14

Ya cac' te ya sbutsticlan sbahic ta tuhlultuhl, te tatiletic soc te al-nich'anetic, xchi te Jehová. Ma ba ya jna'be yo'bolil sbahic, ma ba ya jc'uxultay, ya me jlajinlan, xchi te Jehová.

Jeremías 44:22

Te Jehová ma ba cuhchix yu'un te schopolil awa'telic soc te bintic ilobtic sba te la apasique; ha yu'un te jihnemix te aq'uinalic, te sutp'ij ta bin xiweltic sba soc ta bin chopol c'oblalil, te mayuquix mach'a nahinemic tey a, hich te bin ut'il ay c'alal ora ini.