Jeremías 15:21 - Bible in Tzeltal Bachajón

²¹ Ya cac'at ta libre ta sc'ab te mach'atic chopol yo'tanic, ya jcoltayat loq'uel ta sc'ab te j'uts'inwanejetic, xchi.

Bible in Tzeltal de Oxchuc y Tenejapa

²¹ Ya cac'at ta libre yu'un yipic te mach'atic amen yo'tanique; ya jcoltayat yu'un yipic te mach'atic bayal ya yuts'inate —xi'.

Jeremías 15:21 Referans Kwoze

2 Corintios 1:10

Ha nix la scoltayotcotic ta muc'ul lajel soc ya scoltayotcotic ta ora ini, soc ha smuc'ul co'tancotic te ya to scoltayotic xan ta patil.

Jeremías 50:34

Pero te j'ac'aw ta libre yu'unic ha te mach'a ay yip; ha Jehová te scuentahinej spisil te sbihile. Ha me ya xc'opoj yu'unic scuenta yu'un ya ya'be scux yo'tan te q'uinal soc yu'un ya ya'be xiwel te mach'atic nahinemic ta Babilonia, xchi.

Isaías 54:17

Mayuc a'tejibal yu'un guerra te ya xhu' ya stsalat, soc ya xhu' awu'un scomel te mach'a ya slehat ta c'op. Ha ini te bin ya yich'ic te a'batetic yu'un Jehová, ha ini te tsalaw te ya c'abe, xchi te Jehová.

Isaías 29:20

Como ya me xlaj te j'uts'inwanej, soc ya xch'ay bahel te jlabanwanej; ya xlajic spisil mach'atic ma xwayic yu'un spasel te bin chopole,

Salmos 37:40

Te Jehová ya me scoltaylan soc ya me yac'ticlan ta libre; ya yac' ta libre ta stojol mach'atic chopol yo'tanic soc ya scoltay, como snac'oj sbahic ta stojol.

Salmos 27:2

Te c'alal hahch scontrahinon te mach'atic chopol yo'tanic, te mach'atic ya ya'bonic jwocol soc te jcontratac, yu'un ya slajimbonic jbaq'uetal, la sc'ohchin yoquic soc yahlic.

Génesis 48:16

ha te Ch'ul A'bat te la scoltayon loq'uel ta spisil te bintic chopol, ac'a ya'be bendición te queremetic ini. Ac'a yich'bonic hilel te jbihil soc te sbihil te Abraham soc Isaac te tatiletic cu'un, soc bayel ac'a p'ohlicuc ta bahlumilal, xchi.

Romanos 16:20

Te Dios yu'un lamal q'uinal nopolix ya ya'beyex ats'o'ic ta teq'uel te Satanás. Ac'a sjoquinex te yutsil yo'tan te Cajwaltic Jesucristo.

San Mateo 6:13

Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Isaías 29:5

Pero te bayel acontratac hich ya xc'ohtic te bin ut'il ts'u'lum, te bayel j'uts'inwanejetic hich ya xc'ohtic te bin ut'il suhlil trigo te ya xlichot ta ic'. Ora nax ya xc'oht ta pasel, jts'ihn nax.

Salmos 97:10

Ha'ex te c'ux ta awo'tanic te Jehová, ihlayahic te bin chopol; ha ya scanantaybe scuxlejalic te mach'atic yu'un te ch'uhltesbilic; ha ya yac' ta libre ta sc'ab te mach'atic chopolique.

Isaías 49:26

Te mach'atic la yuts'inat ya cac' te ha nix ya sti' te sbaq'uetalic, soc hich ya xyacubic yu'un te sch'ich'elic te bin ut'il vino. Hich me ya sna'ic spisilic te ho'on Jehovahon, Jcoltaywanejon awu'un soc J'ac'awon ta libre awu'un, te Mach'a yu'un Jacob te ay yip.

Isaías 60:16

Yac awuch'be te leche yu'un te nacionetic, soc yac achu'umbe te schu' ajwaliletic; hich me yac ana' a te ho'on, Jehovahon, ha Jcoltaywanejon awu'un, te J'ac'aw ta libre awu'un, te Mach'a yu'un Jacob te ay yip.

Jeremías 16:1

Tal ta jtojol te sc'op Jehová, hich la yalbon:

Jeremías 20:13

¡C'ayojtayahic te Jehová, halbeyahic yutsil sc'oblal! como la ya'be ta libre te scuxlejal te pobre ta sc'ab te mach'atic chopolique.

Jeremías 31:11

Como te Jehová la yic' loq'uel ta libre te Jacob, la yac' ta libre ta sc'ab mach'atic bayel xan yipic.

Jeremías 38:28

Te Jeremías hil ta yamaq'uil te cárcel ha to c'alal ochintayot te Jerusalén.

Jeremías 39:11

Te Nabucodonosor ajwalil yu'un Babilonia spasojix mandar te Nabuzaradán, capitán yu'un te soldadohetic te ya scanantayic ajwalil, hich la yalbe sc'oblal te Jeremías:

Jeremías 39:12

Ic'a ta atojol soc canantaya, ma me ayuc bin chopol xapasbe, pasa te bin ya sc'ambat, xchi.

Daniel 3:17

Te Dios cu'uncotic, te cac'oj jbahcotic ta a'batinel yu'une, ya xhu' ya scoltayotcotic loq'uel ta horno banti yac ta tihlel c'ahc', soc ya xhu' ya scoltayotcotic loq'uel ta ac'ab, ajwalil.

Daniel 3:25

Pero ya quil chantuhl winiquetic te colemic, te ayic ta behel ta yohlil te c'ahc', pero mayuc bin ya xpasbotic yu'un; soc te schantuhlul hich yilel te bin ut'il snich'an te diosetic, xchi te ajwalil.

Jeremías 26:24

Pero te Ahicam snich'an Safán c'opoj ta scoltayel te Jeremías scuenta yu'un ma ba ya x'och ta sc'ab te pueblo yu'un ya smilic.