Jeremías 15:16 - Bible in Tzeltal Bachajón

¹⁶ La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Bible in Tzeltal de Oxchuc y Tenejapa

¹⁶ C'alal la ac'oponon, la jwe'elinbat te ac'ope; jamal q'uinal la caiy yu'un soc bin nax co'tan yu'un, melel jo'on awu'uninejon, Cajwal, te Diosat te Spisil ya xju' awu'une.

Jeremías 15:16 Referans Kwoze

Job 23:12

Mayuc bin ora la jquihquitay jba ta stojol te mandariletic te yaloje, la jq'uej ta co'tan te bintic yaloj.

Salmos 19:10

C'ax hich mulambil a te bin ut'il oro, c'ax hich a te bin ut'il bayel lequil oro; c'ax hich schi'il a te bin ut'il chab, ha te chab te ya x'oquin loq'uel ta schabec'al.

Salmos 119:111

Te testigo-c'op awu'un ha te bin a'boton quich' scuenta sbahtel q'uinal; ha ya stse'ejin co'tan yu'un.

Salmos 119:97

¡Mero c'ux ta co'tan te ley awu'un! Sjunal c'ahc'al ya jna'ulan.

Salmos 119:72

Te ley te ya xloc' ta awe, c'ax hich lec a te bin ut'il bayel ta mil oro soc plata.

Jeremías 14:9

¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Ezequiel 2:8

Pero ha'at, snich'anat winic, a'iya awa'iy ta lec te bin ya calbate; ma me xatoy aba hich te bin ut'il te pueblo te stoyoj sbahe; jama awe, we'an te bin ya ca'bat awe'e, xchi.

Miqueas 2:7

Ha'at te hich yac awal, sna Jacob, ¿Yu'un bal lajemix yo'tan te Jehová? ¿Ha bal te a'teliletic yu'un ini? ¿Ma bal lecuc bin ya spas te jc'op ta stojol te mach'a toj ya xbehen?

Nehemías 8:12

Ha yu'un spisil te pueblo bahtic ta we'el uch'el soc ta sq'uebenel we'eliletic, mero tse'el yo'tanic, como c'oht ta yo'tanic te bin a'bot snopique.

Salmos 119:16

Tse'el co'tan yu'un te halbil mandariletic awu'un, ma ba ya xch'ay ta co'tan te ac'ope.