Jeremías 15:14 - Bible in Tzeltal Bachajón

¹⁴ Ya cac'at ta mosohil yu'un acontratac ta q'uinal te ma xana'be sba, como ta scuenta te quilimba tsumbilix c'ahc' te ya xtihl ta atojolic, xchi te Jehová.

Bible in Tzeltal de Oxchuc y Tenejapa

¹⁴ Ya cac'at ta mosoil yu'un te acontrotac, ta yan q'uinal te bay ma ba awiloj; melel te quilimba tilemix jich bit'il c'ajc' te ya slajinate —xi' te Cajwaltique.

Jeremías 15:14 Referans Kwoze

Jeremías 16:13

Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Deuteronomio 32:22

Como tihlix hahchel sc'ahc'al quilimba, ya me schic' c'alal ta sc'ubulil yawil mach'atic chamenic; ya slajin te q'uinal soc te bintic ya sitin tey a, ya yac'ticlambe sc'ahc'al te yich'o-ip te witsiltique.

Jeremías 17:4

Ya me xch'ay te bin la jca'bat awich' soc ya cac' smosohinat acontratac ta q'uinal te ma xana'be sba, como ta quilimba atsunoj c'ahc' te spisil ora ya xtihl, xchi te Jehová.

Salmos 21:9

Yac awac' te hich ya xc'ohtic te bin ut'il horno te ay sc'ahc'al ta yorahil awilimba; te Jehová ya me slajinlan ta yilimba, soc ya me xlajinotic ta c'ahc'.

Deuteronomio 28:36

Te Jehová ya me yic'at bahel soc te ajwalil awac'oj scuentahinat ta jun nación te ma xana'be sba, ni ha'uc la sna'be sba te ame'atat; tey yac awac' aba ta a'batinel yu'un yantic diosetic te pasticlambilic ta te' soc ta ton.

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.

Hebreos 12:29

Como te Dios cu'untic, hich ay te bin ut'il c'ahc' te ya xlajinwan.

Amós 5:27

Ha yu'un ya caq'uex bahel ta chuquel ta sjehchelul Damasco, xchi te Jehová, te ha Dios te scuentahinej spisil te sbihile.

Jeremías 52:27

Te ajwalil yu'un Babilonia la smilticlan tey ta Ribla ta sq'uinal Hamat. Hich te Judá ic'ot loq'uel ta chuquel ta sq'uinal.

Jeremías 15:4

Ya cac' te xiweltic sba ya xc'ohtic ta stojol te nacionetic ta q'uinal ta scaj te bin la spasic ta Jerusalén te Manasés snich'an Ezequías, ajwalil yu'un Judá.

Jeremías 14:18

Teme ya xloc'on bahel ta aquiltic, ya quilticlan te mach'atic lajic ta espada; teme ya x'ochon bahel ta pueblo, ya quilticlan te jchameletic ta scaj wi'nal. Te jalwanej soc te sacerdote bayuc ya xbehenic ta q'uinal, mayuc bin ya sna'ic, xchi.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

Isaías 42:25

Ha yu'un la smal cohel ta stojolic te sc'ahc'al yilimba soc te yip te guerra. La ya'be sc'ahc'al ta bayuc, pero ma ba c'oht ta yo'tanic; lajinotic yu'un, pero ma ba la yich'ic ta cuenta.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Deuteronomio 28:25

Te Jehová ya me yac' te ya stsalat te acontra; ta ch'ix nax be ya xloc'at bahel ta ya'beyel guerra, ta huc-ch'ix be ya me x'ahnat bahel ta stojolic; xiweltic aba ya xc'ohat ta stojol spisil te nacionetic ta bahlumilal.