Jeremías 15:11 - Bible in Tzeltal Bachajón

¹¹ ¡Ac'a c'ohtuc ta pasel yu'unic te sbohlc'opic, Jehová, teme ma ba la jc'oponat yu'un lec ya xc'ohtic teme ma ba la jcalbat wocol yu'un yac ac'uxultay ta yorahil wocol soc mel-o'tan!

Bible in Tzeltal de Oxchuc y Tenejapa

¹¹ Ac'a c'otuc ta pasel yu'unic te sbol-c'opic, Cajwal, teme ma ba lec cac'oj jba ta abatinel awu'une, teme ma ba calojbat wocol ta xc'uxtayel te jcontrotac, c'alal ayic ta wocol soc mel-o'tan.

Jeremías 15:11 Referans Kwoze

Proverbios 16:7

Te c'alal lec yo'tan Jehová yu'un te behetic yu'un te winic, ya yac' te ya xlahmaj yo'tanic te scontratac ta stojol.

Salmos 106:46

Ha la yac' te ya xc'uxultayotic yu'un spisil mach'atic chucotic yu'un.

Jeremías 37:3

Te ajwalil Sedequías la sticon bahel te Jucal snich'an Selemías soc te sacerdote Sofonías snich'an Maasías yu'un hich ya yalbeyic te jalwanej Jeremías: Awocoluc, c'opombotic Jehová te Dios cu'untic, xchihic.

Eclesiastés 8:12

Aunque te jmulawil ya sta smul ho'winic (100) buelta, soc ya xnahtij scuxlejal, pero jna'oj te lec ya xc'oht te mach'atic ya yich'ic ta muc' te Diose, te mach'atic ya xiwic ta stojol;

Jeremías 42:2

ta stojol te jalwanej Jeremías, hich la yalbeyic: A'iya awa'iy bin ya jc'ambatcotic; c'opombotic Jehová te Dios awu'un yu'un spisil te mach'atic hilemique. Ta nahil tsobolotcotic, ta ora ini mayucotic tsobol, hich te bin ut'il yac awile.

Jeremías 21:2

Joc'obeya te Jehová ta jcuentacotic, como te Nabucodonosor ajwalil yu'un Babilonia yac ya'belotic guerra. Te Jehová ya wan spasbotic jchahp a'teliletic yu'un, te hich ya yihquitayotic hilel, xchihic.

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Salmos 138:3

Te c'alal la jcawtayat, la ajac'bon jc'op; la awa'bon xan yip co'tan.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Jeremías 37:17

Te ajwalil Sedequías la sticon ta iq'uel tal, muquen la sjoc'obe ta sna: ¿Ay bal bin yaloj te Jehová? xchi. Ay, xchi te Jeremías, ya me x'ochat ta sc'ab te ajwalil yu'un Babilonia, xchi.

Jeremías 38:14

Patil, te ajwalil Sedequías la sticon ta iq'uel tal te jalwanej Jeremías ta yoxebal ochibal yu'un te sna Jehová. Te ajwalil hich la yalbe te Jeremías: Ay bin ya joc'obat, ma me ayuc bin xamuc ta awo'tan, xchi.