Jeremías 15:1 - Bible in Tzeltal Bachajón

¹ Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Bible in Tzeltal de Oxchuc y Tenejapa

¹ Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 15:1 Referans Kwoze

Ezequiel 14:14

te teyuc ay ta yohlilic a te Noé, Danel soc Job, ha nax ya xcolic ta libre ta yoxebalic te hichuque, ta scuenta te toj bin ya spasic, xchi te Jehová, te Ajwalil.

Jeremías 14:11

Hich la yalbon te Jehová: Ma me xac'oponon yu'un te lecuc ya xc'oht te pueblo ini.

Jeremías 11:14

Ha yu'un ha'at Jeremías, ma me xac'opombe Dios yu'un te pueblo ini, ma me x'awonat ta scuentahic o ma me xac'opombe Dios ta stojolic, como ma ba ya ca'iy te bin ora ya yawtayon yu'un te swocolique.

Salmos 106:23

Ha yu'un la yal te Dios te ya slajinlan te manchuc tehc'aj yu'unic ta stojol Dios te Moisés, te tsahbil yu'un, scuenta yu'un ma ba ya xlajinotic yu'un te yilimbahe.

Salmos 99:6

Te Moisés soc Aarón ayic ta yohlil te sacerdotehetic yu'un, te Samuel ha jtuhl ta yohlil te mach'atic la sc'oponic; la sc'oponic te Jehová, jac'bot sc'opic yu'un.

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

2 Reyes 17:20

Ha yu'un te Jehová la sloq'ues ta stojol spisil te sts'umbal Israel, la ya'be swocolic soc la yac' ta sc'ab jpoj-biluquetic ha to c'alal jc'axel la sloq'ues ta stojol.

1 Samuel 7:9

Te Samuel la stsac jcoht alal-tuminchij te ya to schu'un, la ya'be scuenta scohtol chic'bil smahtan te Jehová; soc awon ta stojol Jehová ta scuenta Israel; a'iybot sc'op yu'un Jehová.

Jeremías 52:3

Ta scaj te yilimba Jehová ta stojol Jerusalén soc Judá la sloq'ueslan ta stojol. Te Sedequías la stoy sba ta scontrahinel te ajwalil ta Babilonia.

Jeremías 23:39

ha yu'un ya jch'ayex ta co'tan soc ya jbulex loq'uel ta jtojol, ha'ex soc te pueblo la jca'beyex soc te ame'atatique.

Jeremías 18:20

¿Ya bal yich' tojel ta bin chopol te bin lec, te bin ut'il la sjoc'bonic jch'enal? Na'a me te la jtehc'an jba ta atojol yu'un ya cal te bin lec ta scuentahic, yu'un ya xloc' bahel ta stojolic te awilimba.

Jeremías 15:19

Ha yu'un hich la yal te Jehová: Teme yac asuhtes awo'tan, ya jcha'hahchat, soc yac atehc'an aba ta jtojol. Teme parte yac awac' te bin t'ujbil soc te bin ma lecuque, ha'at ya xc'opojat ta jcuenta. Ac'a suhtuquic tal ta atojol te yantique, ma ha'ucat te ya suhtat bahel ta stojolic.

Proverbios 14:35

Te ajwalil ay yutsil yo'tan ta stojol te a'bat ya sna' q'uinal, pero ya yilintay te mach'a ya x'ac'ot ta q'uexlal yu'une.

Hebreos 9:24

Como te Cristo ma ba och bahel ta ch'ul awilal pasbil ta c'abal, te ha seña te smelelil ch'ul awilal, tey nix och bahel ta ch'ulchan, yu'un ya stehc'an sba ta stojol Dios ta jcuentatic.

Jeremías 35:19

ha yu'un hich yaloj te Jehová te scuentahinej spisil, te Dios yu'un Israel: Te Jonadab snich'an Recab mayuc bin ora ya spas falta jtuhluc sts'umbal te ya x'ayin ta jtojol spisil ora, xchi.

Jueces 5:9

Ayex ta co'tan, jtsobawex yu'un Israel, soc te mach'atic ta yohlil te pueblo te jun yo'tanic la yac' sbahic. ¡Halbeyahic wocol te Jehová!

Génesis 19:27

Sab hahch te Abraham, baht ta banti la stehc'an sba ta stojol Jehová.

Zacarías 3:3

Te Josué teq'uel ta stojol te ch'ul a'bat yu'un Jehová, slapoj c'u'ul te bayel yabacul.

Deuteronomio 9:26

Hich la jcal ta sc'oponel te Jehová: Ay, Cajwal Jehová, ma me xalajin te pueblo awu'un, te bin ay awu'un te la acoltay loq'uel ta scuenta smuc'ul awu'el, te la aloq'ues tal ta Egipto ta scuenta yip ac'ab.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.

Jeremías 9:19

Como ya xchicnaj oq'uel ta Sión: ¡Jihnemotiquix! Bayel quich'ojtic q'uexlaltesel, yu'un la jquihquitaytic hilel te jq'uinaltic, la sjinic te jnatique.

Jeremías 10:18

yu'un hich yaloj te Jehová: Ta ora ini hich ya jch'oj bahel te bin ut'il jihmuch'il te mach'atic nahinemic ta lumq'uinal; ya cac'ticlambe tulan swocolic scuenta yu'un ya ya'iyic, xchi.

Jeremías 16:5

Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.

Jeremías 16:13

Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Jeremías 22:28

Te winic Jeconías, ¿ha bal q'uib te p'ajbil soc wuybil? ¿Ha bal te bin mayuc mach'a ya sc'ane? ¿Bin yu'un te ch'ojot bahel soc snich'nab, te ch'ojotic bahel ta q'uinal te ma sna'beyic sbahe?

Ezequiel 22:30

La jle ta yohlilic mach'a ya spas ts'ahc soc te ya stehc'an sba ta jtojol te banti jamal te ts'ahc yu'un ya xc'opoj yu'un te q'uinal scuenta yu'un ma ba ya jlajin; pero mayuc mach'a la jta.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Oseas 9:15

Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.