Jeremías 14:9 - Bible in Tzeltal Bachajón

⁹ ¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Bible in Tzeltal de Oxchuc y Tenejapa

⁹ ¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Jeremías 14:9 Referans Kwoze

Isaías 63:19

Hich c'ohemotcotic te bin ut'il mach'atic mayuc bin ora la acuentahin, te mayuc bin ora la jquich'batcotic te abihile.

Isaías 59:1

Ilawil, ma ba comuben sc'ab te Jehová yu'un ya xcoltaywan, soc ma ba macal schiquin yu'un ya'iyel c'op;

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Salmos 46:5

Te Dios ay ta yohlil te pueblo, ma ba ya stsalot; Dios me ya xcoltayot yu'un ta sacubel q'uinal.

Números 11:23

Ha yu'un te Jehová la yalbe te Moisés: ¿Yu'un bal xot'bilix sc'ab te Jehová? Yo'tic ya me awil teme ya xc'oht ta pasel o ma ba ya xc'oht ta pasel te jc'ope, xchi.

Hebreos 13:5

Ma me xbaht ta awo'tanic sbic'sitayel taq'uin, junuc me awo'tanic yu'un te bin ay awu'unic, como hich yaloj te Diose: Ma jaymehl ya jpihtesat; mayuc bin ora ya quihquitayat, xchi.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Zacarías 2:5

Ho'on sts'ahcul c'ahc' ya xc'ohon ta sjoyobal, xchi te Jehová, soc ya cac' ta ilel cutsilal ta yohlil, xchi.

Jeremías 8:19

A'iya awa'iy te yaw te yantsil-nich'an te pueblo cu'un te ya xchicnaj tal ta namal q'uinal: ¿Ma bal ayuc ta Sión te Jehová? ¿Ma bal teyuc ay a te ajwalil yu'une? xchi. ¿Bin yu'un la shachbonic quilimba ta scuenta te pasbil loc'ombahetic yu'unic, te jyanlum diosetic te mayuc scuentahil? xchi te Jehová.

Isaías 51:9

¡Hahchan, hahchan, lapa awu'el, ha'at c'abalat yu'un Jehová! Hahchan hich te bin ut'il ta namey, hich te bin ut'il ta cajalcaj ts'umbalil ta namey. ¿Ma bal ha'ucat te la asesen te Rahab, te la alow te dragón?

Isaías 12:6

C'ayojinanic soc awonanic soc yutsil awo'tanic, ha'ex te nahinemex ta Sión, como muc' te Ch'ul Dios yu'un Israel ta awohlilic, xchihat.

Salmos 27:9

¡Ma me xanac' asit awelaw ta jtojol! ¡Ma me socuc awilimba yac ach'ay ta awo'tan te a'bat awu'un, ha'at jcoltaywanejat cu'un! Ma me xawihquitayon soc ma me xapihteson hilel, ha'at Diosat yu'un te jcolele.

1 Samuel 12:22

Te Jehová, ta scuenta te smuc'ul sbihil, ma ba ya spihtes te pueblo yu'une; como la sc'an te Jehová te ha'ex pueblohex ya xc'ohex yu'un.

Deuteronomio 23:14

Como te Jehová te Dios awu'un ya xbehen ta yohlil te acampamento yu'un ya scoltayat soc ya ya'bat ta ac'ab te acontratac; ha scuentahil te ya sc'an ch'ultesbil te campamento awu'un, scuenta yu'un ma ba ya yil tey a te bin ma lecuc, te hich ya yihquitayat hilel.

Hechos 15:17

scuenta yu'un ya slehic te Cajwaltic te yantic ants-winiquetic, soc spisil te jyanlumetic te yich'beyejon jbihil,

Ezequiel 48:35

Ta sjoyobal te muc'ul pueblo ha cha'pic soc ho'bahc' (18,000) xuhc'ubil. Te sbihil te muc'ul pueblo ta hich ora bahel, ha Jehová-sama, xchi te Jehová.

Habacuc 1:2

Jehová, ¿bin to ora te ma ba yac ajac'bon caw, te ya x'awonon ta atojol ta scaj uts'inel, te mayuc coltayel awu'une?

Deuteronomio 28:10

Spisil te nacionetic ta bahlumilal ya me yilic te awich'ojbe sbihil te Jehová, soc ya me xi'at.

2 Crónicas 7:14

teme ya spehc'an sbahic te pueblo cu'un te yich'beyejonic te jbihil, teme ya sc'oponon soc ya slehbon te jsit quelaw, teme ya suhtes yo'tanic yu'un te bintic chopol spasojique, hich ya ca'iybe sc'opic c'alal ta ch'ulchan, ya jpasbe perdón yu'un smulic, soc ya cac' lecubuc te sq'uinalique.

Salmos 10:1

¿Bin yu'un te namal ayat, Jehová, te yac anac' aba ta yorahil uts'inel?

Isaías 43:7

spisil te mach'atic yich'beyejonic te jbihile, te la jchicnajtes yu'un ya xchicnaj a te cutsilale, ha te mach'atic la jpas soc te la jchahpan, xchihon.

Jeremías 51:5

Como te Israel soc te Judá ma ba ihquitaybilic yu'un te Dios yu'unic, te Jehová te scuentahinej spisil, aunque noj ta mulil te sq'uinalic ta scontrahinel te Ch'ul Dios yu'un Israel.

Lamentaciones 5:20

¿Bin yu'un te jc'axel yac ach'ayotcotic ta awo'tan, soc te bayel c'ahc'al yac apihtesotcotic?

Zacarías 8:3

Hich yaloj te Jehová: Ya suhton tal ta Sión soc ya xnahinon ta Jerusalén. Te Jerusalén ha pueblo yu'un bin Smelelil ya xc'oht sbihil, soc te wits yu'un Jehová te scuentahinej spisil, ha Ch'ul Wits ya xc'oht sbihil.