Jeremías 14:8 - Bible in Tzeltal Bachajón

⁸ Ha'at smuc'ulat-o'tanil yu'un Israel, ha Jcoltaywanejat yu'un ta yorahil wocol, ¿bin yu'un te hich c'ohemat te bin ut'il jyanlum ta q'uinal, te hichat te bin ut'il jbehyom te junax ahc'abal ya xwayat?

Bible in Tzeltal de Oxchuc y Tenejapa

⁸ Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?

Jeremías 14:8 Referans Kwoze

Jeremías 17:13

Jehová, te smuc'ulat yo'tan Israel, spisil te mach'atic ya yihquitayat ya x'ac'otic ta q'uexlal. Te mach'atic ya spit sbahic ta atojol, ya yich'ic ts'ihbayel ta ts'ubil lum ta scaj te la yihquitayic hilel te Jehová, te cuxul sloq'uib-ha'e.

Jeremías 50:7

Lajinotic yu'un spisil te mach'atic tahotic yu'une; hich la yalic te scontratac: Ma jmulticuc ho'otic, como ha la sta smulic ta stojol Jehová, te banti ya xnahin te bin stojil ta pasel, te ha smuc'ul yo'tanic te sme'static, xchihic.

Isaías 43:3

Como ho'on Jehovahon, te Dioson awu'unic, te Ch'ul Dios yu'un Israel, te Jcoltaywanej awu'unique; la jcac' te Egipto scuenta stojol te colat ta libre, te Etiopía soc Sabá scuenta ajelol.

Salmos 50:15

C'oponawon te c'alal ayat ta wocol; ya cac'at ta libre, soc ya me awich'on ta muc', xchi te Jehová.

Joel 3:16

Ya x'awon te Jehová c'alal Sión, ya yac' ta a'iyel sc'op c'alal Jerusalén, ya xnihc te ch'ulchan soc te lumq'uinale; pero te Jehová ha ahnibal yu'un te pueblo yu'un, ha toyol ts'ahc yu'un ahnibal yu'un te snich'nab Israel.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Isaías 43:11

Ho'on, ho'on nax jtuquel te Jehová, mayuc yan mach'a ya xcoltaywan.

1 Timoteo 1:1

Pablo, jpuc-c'op yu'un te Jesucristo ta scuenta smandar Dios te Jcoltaywanej cu'untic, soc te Cajwaltic Jesucristo te ha smuc'ul co'tantic,

Hechos 28:20

Ha scuentahil te la jticonex ta iq'uel talel yu'un ya quilex soc ya jc'oponex, yu'un ha nax ta scaj te bin smuc'ulinej yo'tan te Israel te ayon ta chuquel ta cadena, xchi te Pablo.

Isaías 45:15

Melel ha'at Diosat te yac anac' aba, Diosat yu'un Israel, te ya xcoltaywanat.

Salmos 138:7

Te c'alal ya xc'axon ta yohlil wocol, ha'at yac awac' cuxajucon; yac ahach ac'ab ta scontrahinel te yilimba te jcontratac, yac acoltayon ta awa'el-c'ab.

Salmos 91:15

Ya sc'oponon, ya me jac'be sc'op; ya joquin c'alal ay ta wocol, ya cac' ta libre soc ya cac' ta ich'el ta muc'.

Salmos 46:1

Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

Salmos 9:9

Te Jehová ha ahnibal yu'un te pobre, ha ahnibal ta yorahil wocol.

Salmos 10:1

¿Bin yu'un te namal ayat, Jehová, te yac anac' aba ta yorahil uts'inel?

Jueces 19:17

Te mamal, c'alal la yil te jbehyom ta plaza yu'un te pueblo, la sjoc'obe: ¿Banti ya xbahat soc ban talemat? xchi.

Salmos 71:5

Como ha'at, Cajwal Jehová, smuc'ulat co'tan soc yipat co'tan c'alal ta jqueremil to.

Isaías 63:8

Hich la yal: Melel ha pueblo cu'un, ha al-nich'anetic te ma xlo'loywanic, xchi. Hich Jcoltaywanej c'oht yu'unic.

Jeremías 30:7

¡C'ax wocol ya xc'oht te sc'ahc'alel; mayuc yan pajal soc! Ha yorahil wocol yu'un Jacob; pero ya xcol ta libre ta stojol.

Zacarías 9:12

Suhtanic talel ta ahnibal ts'ahc, ha'ex jchuquelex te ayix smuc'ul awo'tanic; yo'tic nix ya calbeyex te ya jsuhtbeyex cheb buelta abiluquic.

Salmos 46:2

Ha yu'un ma ba ya xiwotic, aunque ya xyanij yawil te lumq'uinal, aunque ya xmuhl ta mar te witsetique,

Isaías 33:2

Jehová, na'botic yo'bolil jbahtcotic, ha smuc'ulat co'tancotic. Ha'uc quipat ta jujun sab, ha'uc jcoltaywanejat cu'uncotic ta yorahil wocol.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.