Jeremías 14:7 - Bible in Tzeltal Bachajón

⁷ Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

Bible in Tzeltal de Oxchuc y Tenejapa

⁷ La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Jeremías 14:7 Referans Kwoze

Oseas 5:5

Te stoybahil te Israel ya xhalot yu'un ta scontrahinel; te Israel soc Efraín ya sc'ohchin sbahic ta smulic, soc ha nix hich te Judá, pajal ya sc'ohchin sba soc.

Salmos 25:11

Ta scuenta yich'el ta muc' te abihil, Jehová, pasbon perdón, yu'un muc' te jmule.

Jeremías 5:6

Ha yu'un ya xmilotic yu'un choj ta montaña, ya xlajinotic yu'un ha'mal ts'i' ta jochol taquin q'uinal, ay c'an bo'olay choj te ya spahcan sba ta nopol te pueblohetic yu'unic. Mach'ayuc a te ya xloc' tal ya xbutsticlanot yu'un, como bayel te stoybahilic, bayel banti ch'ayemic.

Isaías 59:12

Como bayel toybahil cu'uncotic ta atojol, soc ya yalotcotic te jmulcotique. Ay ta co'tancotic te c'axun-mandar cu'uncotic soc ya jna'cotic te mulil cu'uncotic:

Jeremías 2:19

Ya ya'bat castigo te amule, ya yalbat amul te ma junuc awo'tan. Nopa awa'iy hiche soc na'a me te ha chopol soc ch'a te yac awihquitay hilel te Jehová te Dios awu'un, soc te ma ba ya xiw awo'tan ta jtojol, xchi te Jehová te scuentahinej spisil.

Efesios 1:12

scuenta yu'un ya xhalbot yutsil sc'oblal ta jcuentacotic, ho'otcotic te nahil smuc'ulinej co'tancotic te Cristohe.

Efesios 1:6

scuenta yu'un hich ya yich' halbeyel yutsil sc'oblal te yutsil yo'tan te la sc'uxultayotic a ta scuenta te Mach'a c'ux ta yo'tane.

Oseas 7:10

Te stoybahil Israel ha nix ya xhalot yu'un; pero ma ba ya suhtic tal, ma ba ya slehic te Jehová te Dios yu'unique.

Ezequiel 20:22

Pero la jcom jc'ab ta scaj yich'el ta muc' te jbihile, scuenta yu'un ma ba ya xbohlob sc'oblal ta stojol te nacionetic te la yilic la jloq'uesic tal ta Egipto.

Ezequiel 20:14

Pero ay bin la jpas ta scuenta yich'el ta cuenta te jbihile, scuenta yu'un ma ba ya xbohlob sc'oblal ta stojol te nacionetic te la yilic bin ut'il la jloq'uesic tal ta Egipto.

Ezequiel 20:9

Pero ta scuenta yich'el ta muc' te jbihile, scuenta yu'un ma ba ya xbohlob sc'oblal te jbihil ta stojol te nacionetic te banti nahinemic ta yohlilic, te banti la jcac' jba ta na'ele, ay bin la jpas yu'un ya jloq'uesic tal ta sq'uinal Egipto.

Jeremías 3:6

Ta yorahil ay ta ajwalil a te Josías hich la yalbon te Jehová: ¿Awiloj bal te bin la spas te toyba Israel? Bahemix ta spisil toyol witsiltic soc ta ye'tal spisil pimil ya'binal te'etic, tey la yac' sba ta antsinel a.

Salmos 115:1

Ma ha'uc ta jtojolcotic, Jehová, ma ha'uc ta jtojolcotic, pero ta atojol ac'a yich' halbeyel yutsil sc'oblal te abihil, ta scaj te sc'uxul awo'tan soc te stalel jun awo'tan ta jtojolcotic.

Esdras 9:15

¡Jehová, Dios yu'un Israel, toj awo'tan! Ay mach'atic cuxul hilel cu'uncotic, hich te bin ut'il ta ora ini. Li' ayotcotic ta atojol soc te jmulcotic, ma spas te ya x'ayinotcotic ta atojol ta scaj te jmulcotic, xchi ta sc'oponel Dios.

Josué 7:9

Como te cananeohetic soc spisil te mach'a nahinemic ta q'uinal ya me ya'iyic, ya me sjoytayotcotic soc ya me stup'botcotic jbihilcotic ta bahlumilal. ¿Bin yac apas hiche yu'un te smuc'ul abihile? xchi.

Deuteronomio 32:27

pero ma ba la jc'an te labanel yu'un te contra, te yanuc ya xc'oht ta yo'tan te scontratac, te hichuc ya yalic: Ta scuenta quiptic la jpastic spisil ini; ma ha'uc la spas te Jehová, te xchihuquic.

Jeremías 8:14

¿Bin yu'un huculotic li'i? ¡Ac'a jtsohb jbahtic! ¡Ya x'ochotic bahel ta pueblohetic te joytaybilic ta sts'ahc, tey ya xlajotic a! Como te Jehová te Dios cu'untic ya yac'otic ta ch'ayel, soc la ya'botic cuch'tic ha' te ay svenenohil, como jtahoj jmultic ta stojol Jehová.

Salmos 79:9

Diosat yu'un jcolelcotic, ¡coltayawotcotic ta scuenta yutsil abihil! ¡Ac'awotcotic ta libre soc pasbotic perdón yu'un te jmulcotic ta scuenta te abihile!

Isaías 48:11

Ta jcuenta, ho'on nix ta jcuenta, ya jpas, Como ¿bin ut'il c'an cac' te ya xbohlob jc'oblal? Mayuc yan mach'a ya ca'be te cutsilale.

Jeremías 3:25

Ac'a jmehtsan jbahtic ta jq'uexlaltic, ac'a smucotic te pehc'anel cu'untique; como jtahoj jmultic ta stojol Jehová te Dios cu'untic, ho'otic soc te jme'jtatic, c'alal ta jqueremiltic c'alal ora ini, soc ma ba la jch'uhumbetic sc'op te Jehová te Dios cu'untique, xchihic.

Jeremías 8:5

¿Bin yu'unix a te spisil ora howiyem bahel te pueblo Jerusalén ini? La smech'ic te lo'loyel, ma sc'anic ya suhtic talel.

Amós 7:2

C'alal lajix swe'bel a te ya'malel q'uinal te c'ulubetic, hich la jcal: ¡Cajwal Jehová, pasa perdón! ¿Bin ut'il c'an cuhchuc yu'un te Jacob, te melel ha tut? xchihon yu'un.

Jeremías 5:25

Ta scaj achopolilic te yanijem spisil ini; ta scaj amulic ma ba la atahic bintic lec.

Jeremías 10:19

¡Obol jba yu'un te jwocole! Mero c'ux te quehchene. Pero hich la jcal ta co'tan: Ha chamel cu'un ini, ya sc'an ya xcuhch cu'un.

Miqueas 7:9

Ya xcuhch cu'un te yilimba te Jehová, como jtahoj jmul ta stojol, ha to c'alal ya xchahpanon soc ya spas te bin stojil ta jtojol. Ha ya yic'on bahel ta sacal q'uinal, ya me quil te bin stojil ya spas.