Jeremías 14:22 - Bible in Tzeltal Bachajón

²² ¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.

Bible in Tzeltal de Oxchuc y Tenejapa

²² ¿Ay laj bal ta yolilic te lotil diosetic te ay jtuluc te ya xju' yu'un yaq'uel tel te ja'ale? ¿Stuquel nax laj bal ya sticun tel chawuquil ja'al te ch'ulchane? Ma jichuc, Cajwal, Dios cu'untic. Ja'at nax atuquel te ya aticun tele, ja'at nax atuquel te ya apas ta spisile; jich yu'un ya jmaliytic te bi ora ya awac'botique.

Jeremías 14:22 Referans Kwoze

Joel 2:23

Ha nix hichex, yal-snich'nabex Sión, tse'eluc me awo'tanic, ayuc me yutsil awo'tanic ta stojol Jehová te Dios awu'unique, como la ya'beyexix tal te shahchibal ha'al ta yorahil, soc ya me sticon tal ta atojolic te ha'al ta yorahil scomil c'ahc'al soc ta yorahil snahtil c'ahc'al, hich te bin ut'il ta nahil to.

Jeremías 5:24

Ma hichuc la yal ta yo'tanic: Ya quich'cotic ta muc' te Jehová te Dios cu'untic, te ya yac' tal ha'al ta yorahil ya sicub q'uinal soc ta yorahil ya xyaxub q'uinal, soc te ya ya'botic yorahil stsobel sit awal-ts'unubil, ma xchihuquex.

Salmos 135:7

Ya shach tal tocaletic c'alal ta sti'il bahlumilal; ya sticon tal te tsantsehwaletic soc te ha'al, soc ya sloq'ues tal te ic' ta stsobojibal.

Isaías 30:23

Te Cajwaltic ya yac' tal ha'al ta awawal-ts'unub c'alal yac ats'unic, soc te we'elil ya ya'bat te q'uinal ha bayel soc buhts'an. Ta hich ora te wacaxetic awu'un ya me sta swe'elic ta jamal q'uinal.

Deuteronomio 32:21

La yaq'uic xut'etuc co'tan ta scaj te bin ma diosuc, la yaq'uic ilinuc co'tan ta scaj te loc'ombahetic yu'unique. Ha nix ya cac' xut'etuc yo'tanic ta scuenta mach'atic ma pueblohuc, ya cac' ilinuc yo'tanic ta scuenta jun nación te mayuc sp'ijil.

Jeremías 51:16

Ta scuenta te sc'op tulan ya xc'opoj ha'etic ta ch'ulchan yu'un, ha ya yac' mohuc bahel tocal c'alal ta sti'il bahlumilal. Ya yac' tihluc tsantsehwaletic ta yohlil te ha'al soc ya sloq'ues tal ic' ta banti q'uejbil yu'une.

Jeremías 16:19

Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 10:15

Ma xtuhun, tojol a'tel; ta yorahil yich'el castigo, ya xlaj.

Isaías 41:29

Ilawil, mayuc sc'oblalic ta spisilic, soc ma xtuhun te ya'telique. Te loc'ombahetic yu'unic ha nax ic' soc tojol nax.

Salmos 130:5

Ya jmahliy te Jehová, ya smahliy te jch'uhlel, ha ya smuc'ulin co'tan te sc'ope.

Salmos 25:21

Te jun o'tanil soc toj o'tanil ac'a scanantayon, como ha'at smuc'ulinejat co'tan.

1 Reyes 17:14

Como hich yaloj te Jehová te Dios yu'un Israel: Ma ba ya xlaj te harina ay ta oxom soc ma ba ya xlaj te aceite ay ta jarra, ha to c'alal te Jehová ya yac' xan tal ha'al ta bahlumilal, xchi.

1 Reyes 17:1

Te Elías te talem ta Tisbe, te nahinem ta Galaad, hich la yalbe te Acab: ¡Yiloj Jehová, te Dios yu'un Israel, te yacon ta a'batinel yu'un, ma ba ya xtal ha'al o ts'ujul ta ha'biletic bahel, ha to teme ho'on ya cal! la yut.

Deuteronomio 28:12

Te Jehová ya sjambat te yawil lequil c'ulejalil yu'un, ha te ch'ulchan, scuenta yu'un ya yac' tal ha'al ta aq'uinal ta yorahil, soc yu'un ya ya'be bendición spisil te a'tel yac apas. Yac awa'be smajan abiluc bayel nacionetic, pero te ha'ate mayuc bin yac amajambe stuquel.

Miqueas 7:7

Pero te ho'one ya cac' jsit ta stojol te Jehová, ha ya jmahliy te Dios yu'un te jcolele; ya ya'iybon jc'op te Dios cu'une.

Amós 4:7

Ha nix hich la jcom ha'al oxeb u te ma to sta yorahil a te ya xloc' sit te awal-ts'unubil; la jcac' tal ha'al ta jun pueblo, ma ba la jcac' ta yan pueblo; jsehp nax q'uinal banti la yac' ha'al, soc jsehp banti ma la ya yac', hich taquij.

Jeremías 10:13

C'alal ya xc'opoj, xju'et ya xc'opoj ha'etic ta ch'ulchan; ya yac' te ya xmo bahel tocal c'alal ta sti'il bahlumilal. Ya yac' te ya xtihl tsantsehwaletic ta yohlil te ha'al, soc ya sloq'ues tal ic' ta yawil.

Isaías 30:18

Pero te Jehová yac ta smahliyel te ya sc'uxultayex; tse'el yo'tan te ya ya'beyex awilic te sc'uxul yo'tan, como te Jehová ha Dios te toj ya xchahpanwan. ¡Bayel me yutsilic spisil mach'atic ha ya smahliyic!

Salmos 147:8

Ha ya smac ta tocal te ch'ulchan, ya yac' tal ha'al ta bahlumilal, ya yac' coluc aquiltic ta witsiltic.

Salmos 27:14

¡Mahliya te Jehová! ¡Ac'a fuerza, ayuc me yip awo'tan! ¡Hich, mahliya te Jehová!

Salmos 25:3

Melel mayuc mach'a te smuc'ulinejat yo'tan te ya xq'uexawan; ha ya stahic q'uexlal te mach'atic tojol nax ya stoy sbahique.

Job 5:10

Ha ya yac' tal ha'al ta sba te bahlumilal, ya sticon tal ha' ta q'uinal.

1 Reyes 18:1

C'axix bayel c'ahc'al a, c'oponot yu'un Jehová te Elías ta yoxebal ha'bil ma ba tal ha'al, hich la yalbe: Bahan ta stojol te Acab, yu'un ya cac' taluquix ha'al ta bahlumilal, xchi.

1 Reyes 8:36

a'iybeya sc'opic c'alal ta ch'ulchan, pasbeya perdón te smulic te a'batetic awu'un, ha te pueblo Israel. A'beya snopic te lequil be te ya xbehenic bahel a, soc a'beya tal ha'al li' ta aq'uinal te la awa'be sq'uinalin te pueblo awu'une.

San Mateo 5:45

scuenta yu'un yal-snich'an ya xc'ohex a te Atatic ay ta ch'ulchan, te pajal ya yac' loc'uc tal c'ahc'al ta stojol mach'atic chopol yo'tanic soc ta stojol mach'atic lec yo'tanic, soc pajal ya yac' taluc ha'al ta stojol mach'atic toj yo'tanic soc ta stojol mach'atic ma tojuc yo'tanic.

Jeremías 5:12

La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Jeremías 10:3

Como ma xtuhun te stalel te pueblohetic: Ya sts'etic te' ta tohyem te'etic, te mach'a ya sna', ya schahpan ta cincel;

Oseas 2:7

Ya st'un te mach'atic ya xmulanot yu'un, pero ma ba ya sta; ya sle, pero ma ba ya sta ta lehel. Hich me ya yal: Ya suhton bahel ta stojol te jmamalal ta nahilal, como ha lec xan ayon a te bin ut'il ta ora ini, xchi.

Job 28:26

te c'alal la yalbe mandar te ha'al, soc la ya'be sbe te tsantsehwal,

Jeremías 10:12

Dios la spas ta yu'el te lumq'uinal, ta scuenta sbihil la ya'be yich' yip te bahlumilal soc ta scuenta sp'ijil yo'tan la slim bahel te ch'ulchane.

Miqueas 5:6

te ya scuentahinic ta espada te sq'uinal Asiria, te sq'uinal Nimrod ta scuenta ye te espada. Ya scoltayotic ta sc'ab te asiriahetic c'alal ya xtal scontrahinic te jq'uinaltic, c'alal ya yochintaybotic te sti'il te jq'uinaltique.