Jeremías 14:18 - Bible in Tzeltal Bachajón

¹⁸ Teme ya xloc'on bahel ta aquiltic, ya quilticlan te mach'atic lajic ta espada; teme ya x'ochon bahel ta pueblo, ya quilticlan te jchameletic ta scaj wi'nal. Te jalwanej soc te sacerdote bayuc ya xbehenic ta q'uinal, mayuc bin ya sna'ic, xchi.

Bible in Tzeltal de Oxchuc y Tenejapa

¹⁸ Ya xloc'on bael ta aquiltic, ya quilbey te sbaq'uetalic lajem te mach'atic lajic ta guerra; ya x'ochon bael ta lum, ya quil te ants-winiquetic te yacalic ta lajel ta wi'nale. Ja' nix jich te j'alwanejetic soc te sacerdoteetic, ya xbajt'ic ta yan lum te ma xyilique”, uta me —xi' te Cajwaltique.

Jeremías 14:18 Referans Kwoze

Ezequiel 7:15

Ta sti'il te pueblo ay espada, ta yutil ay jmilawal-chamel soc wi'nal. Te mach'a ay ta aquiltic ya xlajic ta espada, te mach'a ay ta pueblo ya xlajinot ta wi'nal soc jmilawal-chamel.

Lamentaciones 1:20

Ilawil, Jehová, te bayel ayon ta mel-o'tan; ya stij sba te jch'uht, ya syuc' sba te co'tan, como bayel la jtoy jba. Ta fuera ya yac' mel-o'tan yu'un lajel ta espada, ta yutil ya xcuentahinwan te lajele.

Jeremías 8:10

Ha yu'un te yihnamic ya cac' ta sc'ab yan winiquetic, soc yan yajwalic ya xc'oht te sq'uinalique. Como ta spisilic, muc' biq'uitetic, ya xbic'taj yo'tanic ta stahel taq'uin; te jalwanejetic soc sacerdotehetic, spisilic ya ya'iyic lo'loywanej.

Jeremías 6:13

Spisilic, muc' biq'uitetic, ya xbic'taj yo'tanic yu'un stahel taq'uin; jalwanejetic soc sacerdotehetic, spisilic jlo'loywanejetic.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Deuteronomio 28:36

Te Jehová ya me yic'at bahel soc te ajwalil awac'oj scuentahinat ta jun nación te ma xana'be sba, ni ha'uc la sna'be sba te ame'atat; tey yac awac' aba ta a'batinel yu'un yantic diosetic te pasticlambilic ta te' soc ta ton.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Lamentaciones 4:9

Ha lec xan a te mach'atic lajic ta espada te bin ut'il te mach'atic ya xlajic ta wi'nal, como c'unc'un chamic ta scaj te mayuc sit awal-ts'unubil ta q'uinal.

Jeremías 23:21

Ma ho'ucon jticonej te jalwanejetic ini, pero ahnimajic bahel; ma ba la jc'oponlan, pero la yalic sc'op-jalwanej.

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Isaías 28:7

Ha nix hich ini xhanlajan ya xbehenic yu'un te vino soc ya sschucticlan sba yoc yu'un te tulan uch'abil; te sacerdote soc te jalwanej xhanlajan ya xbehenic yu'un te tulan uch'abil, soc ya sonsohubic ta scaj te vino; ya schucticlan sba yoquic yu'un te tulan uch'abil, ya xhowiyic te c'alal ya yilic snahalsitic, ma xtojob sc'opic te c'alal ya ya'iyic chahpanwanej.

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.

Isaías 22:2

Ha'at te bayel ayat ta c'op, ha'at pueblohat te xjuyet soc yutsil q'uinal yac awa'iy; te mach'atic chamic awu'un ma ba lajic ta espada soc ma ba lajic ta guerra.

Jeremías 6:25

¡Ma me xloc'at bahel ta aquiltic, ma me xbehenat ta behbetic, como ay espada yu'un te contra, soc bayuc ay xiwel!

Amós 4:6

Ho'on la jcac' taluc wi'nal ta stojol spisil te muc'ul pueblohetic awu'unic, soc te mayuc we'elil ta spisil te pueblohetic awu'unique, pero ma ba suhtex tal ta jtojol yu'un, xchi te Jehová.

Lamentaciones 2:19

¡Hahchan, awonan ta ahc'abal, c'alal ya xhahch jcanan! Mala cohel ta stojol Cajwaltic te bintic ay ta awo'tan, toya mohel ac'ab ta yalbeyel wocol yu'un te scuxlejal te alaletic awu'un, te ya xch'ay q'uinal ya ya'iy yu'un wi'nal ta yochibal spisil te callehetique.