Jeremías 14:13 - Bible in Tzeltal Bachajón

¹³ Hich la jcal: ¡Ah, Cajwal Jehová! hich ya xhalbotic yu'un te jalwanejetic: Ma ba yac awilic te espada soc ma ba ya xtal wi'nal ta atojolic, ho'on ya ca'beyex te smelelil lamal q'uinal ta lugar ini, xchihic.

Bible in Tzeltal de Oxchuc y Tenejapa

¹³ Te jo'one la sujt'esbey te sc'ope: —Ja'uc me to, Cajwal, te j'alwanejetic yacalic ta yalel ta stojol te lume te ma xtal guerra ni wi'nal. Ya yalic te ja'at ya awac'bey xlamaj q'uinal yaiyic bayal c'aal tey ta bay q'uinal to —la cut.

Jeremías 14:13 Referans Kwoze

Jeremías 6:14

Sba nax ya spoxtaybeyic yehchen te pueblo cu'une, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Jeremías 23:17

Spisil ora hich ya yalbeyic te mach'atic ya sp'ajonic: Ya yal te Jehová te ay me lamal q'uinal ta atojolic, xchihic. Soc hich ya yalbeyic te mach'atic ya st'unic te tulan yo'tanique: Ma ba ya xtal ta atojolic te bin chopol, xchihic.

Jeremías 4:10

Hich la jcal: Ay, Jehová, Dios, mero la alo'loy te pueblo ini soc te Jerusalén, yu'un hich la awal: Ay me lamal q'uinal awu'unic, xchihat, pero ay ta jnuc'cotic te espadahe, xchihon.

Jeremías 8:11

Ta sba nax ya spoxtaybeyic yehchen te pueblo cu'un, hich ya yalic: Lamal q'uinal, lamal q'uinal, xchihic, c'alal mayuc lamal q'uinal.

Ezequiel 13:22

Te bin ut'il yac awa'beyic smel yo'tan ta scuenta lot te mach'a toj yo'tan, te ma ho'ucon la jca'be smel yo'tan, soc te la awa'beyic yip sc'ab te mach'a chopol yo'tan scuenta yu'un ma ba ya yihquitay te chopol be, ha te la awa'beyic xan yip yo'tan,

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 5:12

La smuc ta yo'tanic te Jehová; la yalic: Mayuc te Diose. Mayuc bin chopol ya xtal ta jtojoltic, ma ba ya quiltic espada o wi'nal, xchihic.

Jeremías 1:6

Hich la jcal: ¡Ay, Cajwal Jehová! Ma jna' c'op, como queremon to, xchihon.

Isaías 56:10

Ha ts'o'sitetic te j'il-q'uinaletic yu'unique, spisilic ma sna'ic q'uinal; spisilic uma' ts'i'etic, ma xhu' yu'unic wohwonel; metselic a ya ya'iyic wayich, ya smulanic te wayele.

Jeremías 5:13

Te jalwanejetic hich ayic te bin ut'il ic', ma ba yich'ojic te c'ope; te bin hich ya yalic hich ac'a c'ohtuc ta pasel ta stojolic.

Ezequiel 12:24

Como mayuquix nahalsitil te ya xlo'loywan o jna'ojel te biluc nax ya yal ta yohlil te sna Israel.

Jeremías 20:6

Soc ha'at, Pasur, soc spisil mach'atic ayic ta ana ya me xbahex ta chuquel ta Babilonia. Tey ya xchamat a soc tey ya xmucat soc spisil a te mach'atic jun awo'tan aba soc, te la awalbe slotil-c'op jalwanej, xchi te Jeremías.

Jeremías 37:19

¿Banti ayic te jalwanejetic awu'un te hich la yalbeyex: Ma ba ya xtal te ajwalil yu'un Babilonia yu'un ya yac' guerra ta atojolic soc ta q'uinal ini, te xchihique?