Jeremías 13:27 - Bible in Tzeltal Bachajón

²⁷ ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Bible in Tzeltal de Oxchuc y Tenejapa

²⁷ Quiloj te toyol awo'tan yu'un te mulweje, q'uexlaltic sba te awat'el yu'un te chijil jolobele, ma lecuc awat'el ta witstiquil soc ta aquiltic. Obol aba, Jerusalén. ¿Jayeb to c'aal ya xbolob bael te ac'oplale? ¿Jayeb to c'aal ya apasulay bael te bila ilaybile? —xi' te Cajwaltique.

Jeremías 13:27 Referans Kwoze

Oseas 8:5

Samaria, te jcolel toro awu'un la yac' te q'uejel bahat. Tihlemix quilimba ta stojolic: ¿Bin to ora yac atahic lecubtesel?

Ezequiel 24:13

Te abohlil ha te bin chopol yac amulan. La jc'an la jpocat pero ma ba pocbil c'ohat yu'un abohlil; ma ba pocbil ya xc'ohat ha to c'alal ya xc'ax co'tan te quilimba ta atojol.

Ezequiel 6:13

Ya me ana'ic te ho'on Jehovahon, c'alal limilic te schamen baq'uetalic ta yohlil te loc'ombahetic yu'unic, ta sjoyobal te scajtajib ta chiq'uel mahtanil yu'unic, ta spisil te toyol tsehletic, ta spisil te ba witsetic, ta ye'tal spisil te'etic te pimic ya'binal, soc ta ye'tal spisil jihte'etic te bayel sc'abc'ab, ha te banti la schic'beyic pom te loc'ombahetic yu'unique.

Isaías 65:7

ta scaj amulic soc smul te ame'atatic, xchi te Jehová, Yu'un la schiq'uic pom ta witsiltic soc la sbohlc'optayonic ta tsehletic; ha yu'un ya cac' ta stojolic te stojol bintic la spasic ta nahil, xchi.

Oseas 4:2

Ha nax ma jamaluc bin ya yal, ay lot, milaw, elec', antsiwej, soc bayel miltamba.

Ezequiel 36:37

Hich yaloj te Jehová, te Ajwalil: Ya to cac' te ya sc'ambon te sna Israel te hich ya jpasbe: ha te ya cac' p'ohluc te ants-winiquetic hich te bin ut'il ya xp'ohl te jtsohb tuminchijetique.

Proverbios 1:22

Ha'ex te ma xana'ic q'uinal, ¿bin to ora te yac amulanic te mayuc bin yac ana'ic? ¿Bin to ora ya smulanic labanwanej te jlabanwanejetic soc te mach'atic mayuc sp'ijil yo'tanic te ya sp'ajic bin ay ta na'el?

Apocalipsis 8:13

La jquil ay jxic yac ta wihlel ta po'tal ch'ulchan, tulan yac ta c'op la jca'iy: ¡Ay me swocolic, ay me swocolic, ay me swocolic te mach'atic nahinemic ta bahlumilal, ta scaj te yan oq'uesinel corneta yu'un te oxeb xan ch'ul a'batetique! xchi.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

2 Corintios 12:21

C'alal ya xcha'talon, ya jxi' te ya spehc'anon ta atojolic te Diose, soc te ya x'oc'on yu'un tsobol te stahojic smulic pero ma ba suhtem yo'tanic yu'un te bin bohlobtesbil sc'oblal, yu'un antsiwej soc antsinel, soc te bintic chopol ya smulan sbaq'uetal te spasojique.

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

San Mateo 11:21

¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

Sofonías 3:1

¡Obol sba te toyba pueblo, te bohloben sc'oblal soc te ha j'uts'inwanej!

Oseas 1:2

Ha te shahchibal te sc'op Jehová te la yal ta scuenta Oseas. Hich la yalbe te Oseas: Bahan, ic'a jtuhl j'antsinel ants soc ac'a awal-anich'nab soc te ayic ta scuenta mulil, como yac ta antsinel te pueblo te la yihquitay hilel te Jehová, xchi.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Ezequiel 24:6

Como hich yaloj te Jehová, te Ajwalil: ¡Ay me swocol te pueblo te ya smal ch'ich', te oxom te ay ya'baquil, te oxom te ma ba loq'uem te ya'baquile! Loq'uesa ta jujun nohl te ti'bale, ma ha'uc ta scuenta spasel seña ta na'el.

Ezequiel 20:28

Como te c'alal la jcac' te ya x'ochic ta q'uinal te la jcal ta jamal te ya ca'beyic, la yilic toyol tsehletic o te'etic te ay bayel ya'binal, tey la yaq'uic a te milbil mahtaniletic yu'unic, tey la yaq'uic a mahtaniletic te la shahchbon quilimba; tey la yaq'uic a bintic sumet yic' soc tey la smalic a te malbil mahtaniletic yu'unique.

Ezequiel 2:10

La slim ta jtojol, ts'ihbabil ta jehch ta jehch. Tey ts'ihbabil a te sc'op oq'uel, mel-o'tan soc wocoletic.

Isaías 57:7

La awac' awayib ta sba toyol wits, soc tey mohat bahel a ta yaq'uel milbil mahtaniletic.

Salmos 94:4

Ya xloc' bayel toyba-c'op ta yehic, ya stoy sbahic spisil mach'atic ya spasic bin chopol.

Jeremías 3:6

Ta yorahil ay ta ajwalil a te Josías hich la yalbon te Jehová: ¿Awiloj bal te bin la spas te toyba Israel? Bahemix ta spisil toyol witsiltic soc ta ye'tal spisil pimil ya'binal te'etic, tey la yac' sba ta antsinel a.

Salmos 94:8

¡Na'beya scuentahil, ha'ex ta pueblo te ma xana'ic q'uinal! Ha'ex sonsohex, ¿bin to ora yac atahic sp'ijil awo'tanic?

Jeremías 11:15

¿Bin ya spas ta templo cu'un te mach'a c'ux ta co'tan, te bin ut'il bayel la spas te bintic ihlaybile? ¿Ach'uhunej bal te ya xhu' ya sloq'uesbat te castigo awu'un te chic'bil mahtaniletic soc te ti'bal te ch'ultesbile, te hich yutsil q'uinal yac awa'iy a?

Ezequiel 16:23

¡Ay me awocol! xchi te Jehová, te Ajwalil. Ma ha'uc nax la apas te bin chopol,

Ezequiel 24:12

Tojol ay luhbel, ma ba loc' te bayel schuxubenal, ha nax ya xloc' ta c'ahc'.