Jeremías 13:25 - Bible in Tzeltal Bachajón

²⁵ Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Bible in Tzeltal de Oxchuc y Tenejapa

²⁵ Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.

Jeremías 13:25 Referans Kwoze

Job 20:29

Hich chapal yu'un Dios ta stojol te mach'a chopol, hich ay te bin ya x'a'bot yich' ta scuenta bin ya yal te Diose, xchi te Zofar.

San Mateo 24:51

ya me x'a'bot tulan castigo yu'un, soc ya x'a'bot sjoquin te jchebal-o'tanetic, tey ya xc'oht yoq'uetay sba soc tey ya xc'oht sc'uxuxan ye a.

Jeremías 2:32

¿Ya bal xch'ay ta yo'tan te ach'ix te sch'ahlele? o te ach'ix te ya xnuhpun, ¿ya bal xch'ay ta yo'tan te sch'ahlel sc'u'e? Pero te pueblo cu'un bayelix c'ahc'al te ch'ayon ta yo'tane.

Salmos 11:6

Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

Salmos 9:17

Te mach'atic chopolic ya x'ic'otic bahel ta muquenal, spisil te nacionetic te ya sch'ay ta yo'tanic te Diose.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.

Jeremías 10:14

Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Jeremías 2:13

Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Isaías 28:15

Hich la awalic: Jchapoj jc'optic soc te lajele, jchapoj jc'optic soc te muquenale. Te c'alal ya xtal tulan wocol ma ba ya stahotic; como ha cac'ojtic ta ahnibal cu'untic te lote, ya jnac' jbahtic ta stojol te bin ma meleluque, xchihex.

Isaías 17:4

Ta hich ora ya xtup' te yutsilal Jacob, soc ya xjayub sjuhp'el te sbaq'uetal.

Romanos 1:25

La sjelic ta lotil te bin smelelil yu'un Dios, la sch'uhuntayic soc la yac' sbahic ta a'batinel yu'un te bintic pasticlambil, ma ha'uc yu'un te Jpaswanej, te ay ta ich'el ta muc' sbahtel q'uinal stuquel. Hichuc.

Isaías 34:17

Ha la yac' seña ta na'el ta stojolic, ta sc'ab la sp'is bahel. Ha yu'unic ya xc'oht sbahtel q'uinal, tey ya xnahinic a ta cajalcaj ts'umbalil.

Isaías 65:7

ta scaj amulic soc smul te ame'atatic, xchi te Jehová, Yu'un la schiq'uic pom ta witsiltic soc la sbohlc'optayonic ta tsehletic; ha yu'un ya cac' ta stojolic te stojol bintic la spasic ta nahil, xchi.

Jeremías 3:21

Chicnaj aw ta toyol t'axal witsiltic, ha te oq'uel yu'un sc'anel coltayel te israeletic, como la showiytesic te be yu'unic, la sch'ay ta yo'tanic te Jehová, te Dios yu'unique.

Sofonías 3:2

Ma ba la ya'iy c'op soc ma ba la yich' tojobtesel; ma ba la smuc'ulin yo'tan te Jehová, ma ba nohpoj ta stojol te Dios yu'une.

Jeremías 18:15

¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Ezequiel 23:35

Ha yu'un hich yaloj te Jehová, te Ajwalil: Te bin ut'il la ach'ayon ta awo'tan soc la awalac'patiyon, ha yu'un ya me awil awocol yu'un te castigo yu'un te bin chopol la amulan soc te la awac' aba ta antsinel, xchi.