Jeremías 13:23 - Bible in Tzeltal Bachajón

²³ ¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Bible in Tzeltal de Oxchuc y Tenejapa

²³ ¿Ya bal xju' yu'un ya sacubtes sba te ijc'al winique? ¿Ya bal xju' ya xch'aytes spintoil te leopardo-choje? Ja' nix jich te ja'exe, awat'elinejic spasel te bila amene, ma xju'ix awu'unic spasel te bila leque.

Jeremías 13:23 Referans Kwoze

Jeremías 2:22

Aunque yac apoc aba ta lejía soc yac atuhun bayel xapon, stalel ay ta jtojol te yabaquil te amule, xchi te Cajwaltic Jehová.

Jeremías 9:5

Jujutuhl ya slo'loy te mach'a sjoc sba soc, mayuc mach'a ya yal te bin smelelil. La ya'beyic snop yalel lot te yehique, ya ya'telinic spasel te bintic chopol.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Jeremías 5:3

Jehová, ¿ma bal yacuc yil asit te bin melele? La amajticlan, pero ma ba c'ux la ya'iyic; la alajinlan, pero ma ba la sc'anic tojobtesel. La stulantes sit yelawic c'ax hich a te bin ut'il ton, ma ba la sc'an la suhtes yo'tanic.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Isaías 1:5

¿Bin yu'un te yac ac'an yac awich'ic xan castigo? ¿Ya to bal atoy abahic? Ay ta chamel swohlol ajol, ay ta wocol spisil awo'tan.

Proverbios 27:22

Aunque yac aten ta juch'el te mach'a ma sna' q'uinal, hich te bin ut'il ya yich' juch'el te trigo, ma ba ya yihquitay te sonsohile.

Jeremías 4:22

Ha sonso te pueblo cu'un, ma sna'bon jba; ha al-nich'anetic te mayuc bin ya sna'ic, ma sna'ic q'uinal. Ay sp'ijilic ta spasel te bin chopol, pero ma sna'ic spasel te bin leque, xchi te Jehová.

1 Samuel 19:21

C'alal hich la ya'iy te Saúl, la sticon yan winiquetic, pero ha nix hich hahchic ta c'op ta sc'op-jalwanej. Te Saúl la sticon yan winiquetic scuenta yoxebal buelta, ha nix hich hahchic ta c'op ta sc'op-jalwanej.

2 Reyes 17:40

Pero ma ba la yich'ic ta cuenta, ha nix la spasic bahel te bintic yac spasbelic ta nahil to.

Eclesiastés 1:15

Te bin ts'otol ma xhu' ta tojobtesel; te bin ma ts'acaluc ma xhu' ta ahtayel.