Jeremías 13:21 - Bible in Tzeltal Bachajón

²¹ ¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Bible in Tzeltal de Oxchuc y Tenejapa

²¹ “¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Jeremías 13:21 Referans Kwoze

Isaías 13:8

Bayel me ya xiwic, ya xcuentahinotic yu'un wocol soc sc'uxul; hich sc'uxul te bin ut'il ya x'ayin yal te antse. Xcham yo'tanic jujutuhl te c'alal te ya yil sbahic, stsacoj c'ahc' te sit yelawic.

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Jeremías 38:22

Spisil te antsetic te ya xhilic ta sna te ajwalil yu'un Judá ya me yich'ic loq'uesel bahel ta stojol te príncipaletic yu'un te ajwalil yu'un Babilonia; hich ya yalbat te antsetic: La slo'loyat, la stsalat te mach'atic jun awo'tan aba soc. Co bahel ta ahch'al te awoque, suht ta spatic te mach'atic jun awo'tan aba soc, xchihic.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Isaías 10:3

¿Bin yac apasic ta yorahil ich'el ta c'op, te c'alal namal ya xtal te jinele? ¿Mach'a yac ac'ambe coltayel? ¿Banti yac awaq'uic hilel te ac'ulejalique?

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Ezequiel 28:9

¿Hich bal ya xc'opojat ta stojol te mach'a ya smilat: Ho'on dioson, xchihat bal? Ha'at winicat, ma diosucat ta sc'ab te mach'a ya smilate.

Jeremías 48:41

Ya yich'ic ochintayel te pueblohetic, soc tsalbilic te toyol ts'ahquetic. Ta hich ora hich ya xc'oht te yo'tanic te soldadohetic yu'un Moab te bin ut'il te yo'tan ants te ya x'alaje.

Jeremías 30:6

Joc'oya awa'iyic soc ilawilic, teme ay winic te ya x'alaje. ¿Bin yu'un te ya quil spisil te winiquetic te hich stsacojic sch'uhtic te bin ut'il ants te ya x'ayinix yal, te ch'ayem sch'ich'el spisil sit yelawic?

Jeremías 22:23

Ha'at te nahinemat ta Líbano, te apasoj apechech ta cedrohetic, ya me x'ahcanajat te c'alal ya xtal te sc'uxule, ha te sc'uxul hich te bin ut'il ants ya x'alaj.

Jeremías 6:24

La jca'iybetiquix sc'oblal, mayuc yip te jc'abtique. La yu'untayotic pich'il-o'tanil, hich te bin ut'il sc'uxul ya ya'iy te ants ya x'alaj.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

2 Reyes 16:7

Ha yu'un te Acaz la sticon bahel winiquetic ta stojol te Tiglat-pileser ajwalil yu'un Asiria, hich la yal: Ho'on awa'baton soc anich'anon. La', coltayawon ta sc'ab te ajwalil yu'un Siria soc te ajwalil yu'un Israel, te yac ya'belonic guerra, xchi.

San Mateo 24:8

Pero ta spisil ini shahchibal to nax te sc'uxule.

Jeremías 2:25

Ma me xbehenat te mayuc atep soc ma me xawac' ya xtaquij anuc'. Pero hich la awal: Mayuc bin ya xhu' ta pasel, como ha c'ux ta co'tan te yan diosetic, ya me jt'un bahel, xchihat.

Jeremías 4:30

Ha'at te jihmbilat, ¿bin yacat ta spasel? Aunque yac alap tsajal c'u'ul, aunque yac ach'al aba ta oro, aunque yac abon te asite, tojol yac ach'al aba, como ya sp'ajat te mach'atic smulanejat, ya slehbat acuxlejal.