Jeremías 13:19 - Bible in Tzeltal Bachajón

¹⁹ Te pueblohetic ta Neguev la yich'ic maquel, mayuc mach'a ya xhu' ya sjam; spisil Judá ic'ot bahel, spisilic ic'otic bahel ta chuquel.

Bible in Tzeltal de Oxchuc y Tenejapa

¹⁹ Te lumetic ta Néguev, joytaybilix yu'un scontro, ma'yuc mach'a ya xju' xc'axix tey a. Spisilic te ants-winiquetic yu'un Judá ic'otic bael ta yan lum, spisil bajt'ic ta jyalel.

Jeremías 13:19 Referans Kwoze

Jeremías 52:27

Te ajwalil yu'un Babilonia la smilticlan tey ta Ribla ta sq'uinal Hamat. Hich te Judá ic'ot loq'uel ta chuquel ta sq'uinal.

Jeremías 52:30

ta oxeb scha'winic (23) ha'bil yu'un te Nabucodonosor, te Nabuzaradán, capitán yu'un te soldadohetic te ya scanantayic ajwalil, la yic' loq'uel ta Judá ho'eb swaxaclajunwinic scha'bahc' (745) ta tuhl. Ta spisil ha lajunwinic slahchaybahc' (4,600) ta tuhl.

Jeremías 39:9

Te Nabuzaradán, capitán yu'un te soldadohetic te ya scanantayic ajwalil, la yic'ticlan bahel ta chuquel ta Babilonia te mach'atic hilemic ta pueblo soc te mach'atic c'axemiquix bahel ta stojol, soc spisil te yantic te hilemique.

2 Reyes 25:21

Te ajwalil yu'un Babilonia tey la yehchenteslan soc la smilticlan ta Ribla ta sq'uinal Hamat. Hich te Judá loq'uesotic bahel ta chuquel ta sq'uinal.

Deuteronomio 28:52

Ya me sjoytaylan ta ya'beyel guerra spisil te pueblohetic awu'un ha to c'alal ya xhemts'uj cohel ta spisil aq'uinal te ts'ahquetic te ha toyol soc te ay yipic, te ha smuc'ulinej awo'tan. Ya sjoytaylan ta ya'beyel guerra spisil te pueblohetic ayic ta aq'uinal te la ya'bat Jehová te Dios awu'une.

Jeremías 33:13

Ta pueblohetic ta witsiltic, ta tsehletic, ta Neguev, ta sq'uinal Benjamín, ta sjoyobal Jerusalén soc ta pueblohetic yu'un Judá, ya me xcha'c'axic xan tuminchijetic ta ye'tal sc'ab te mach'a ya yahtaylan, xchi te Jehová.

Jeremías 20:4

Como hich yaloj te Jehová: Ilawil, ya cac' te ha'at nix tulan yac axiwtes aba soc spisil te mach'atic jun awo'tan soque. Ya me awil ta asit te ya xlajic ta espada yu'un te scontrataque. Ya cac' ta sc'ab te ajwalil yu'un Babilonia spisil Judá, ha ya yic'ticlan bahel ta chuquel ta Babilonia soc ya me smilticlan ta espada.

Jeremías 17:26

Ya xtalic ants-winiquetic ta pueblohetic yu'un Judá soc ta tut pueblohetic ta sjoyobal Jerusalén, ta sq'uinal Benjamín, ta Sefela, ta tut witsiltic soc ta Neguev, ya me yich'ic tal ta sna Jehová scohtol chic'bil mahtaniletic soc milbil mahtaniletic, mahtanil harina soc pom, soc te mahtanil yu'un yalel wocol.

Job 12:14

Te bin ya sjin, mayuc mach'a ya xhu' ya scha'pas xan; teme ya schuc te winique, mayuc mach'a ya xhu' ya xjahm loq'uel.

Josué 18:5

Ya sloq'uesic huc-sehp a te q'uinale. Te Judá ya xhil ta sq'uinal ta sur, soc te sts'umbal José ya xhil ta sq'uinalic ta norte.

Deuteronomio 28:15

Pero teme ma ba yac awa'iybe sc'op te Jehová te Dios awu'un, teme ma ba yac ac'ohtes ta pasel spisil te mandariletic soc te bintic chapal yu'un te yac calbelat ta ora ini, ya me xtal ta atojol soc ya me stahat spisil te chopol c'oblaliletic ini:

Jeremías 32:44

Ya me yich' manel q'uinal, ya yich' pasbeyel shunal, ya yich' sello soc ya yac' sfirmahic te testigohetic li' ta sq'uinal Benjamín, ta sjoyobal Jerusalén, ta pueblohetic ta Judá, ta witsiltic, ta tsehletic soc ta pueblohetic ta Neguev, yu'un ya cac' te ya suhtic tal te jchuqueletic yu'unique, xchi te Jehová, xchi te Jeremías.

Lamentaciones 1:3

Ic'ot bahel ta chuquel te Judá, ay swocol soc ay ta tulan mosohil; nahinemix ta yohlil te nacionetic, ma sta banti ya scux yo'tan. Spisil te jnutsawetic yu'un la stahic c'ohel ta yorahil swocol.

Zacarías 7:7

¿Ma bal ha'uc ini te c'opetic la yal te Jehová ta scuenta te nahil jalwanejetic, te c'alal ay mach'atic nahinemic ta Jerusalén soc te lamal q'uinal a, soc te ay mach'atic nahinemic a ta pueblohetic yu'un ta sjoyobal soc te Neguev soc te Sefela?

1 Crónicas 9:1

Spisil Israel ahtaybilic ta jujuchahp sts'umbalic soc ts'ihbabil hilel ta libro yu'un te ajwaliletic yu'un Israel. Te mach'atic ayic ta Judá chucotic bahel ta Babilonia ta scaj te ma junuc yo'tanic ta stojol Dios.

Jeremías 24:1

Te c'alal te Nabucodonosor ajwalil yu'un Babilonia yic'ojix bahel ta Babilonia a te Jeconías snich'an Joacim, ajwalil yu'un Judá, soc te príncipaletic yu'un Judá, te mach'atic ay bin ya sna'ic spasel soc te jten-taq'uinetic ta Jerusalén, te Jehová la ya'bon quil cheb moch higo te ac'bilic ta stojol te templo yu'un Jehová.

Jeremías 28:4

Soc ya cac' suhtuc tal ta lugar ini te Jeconías snich'an Joacim, ajwalil yu'un Judá, soc spisil te mach'atic yu'un Judá te ic'otic bahel ta Babilonia, xchi te Jehová, yu'un ya jwac'be te yugo yu'un te ajwalil yu'un Babilonia, xchi te Hananías.

Jeremías 52:28

Te jayeb te la yic' bahel te Nabucodonosor hich ay: ta shuquebal ha'bil, lajunwinic swaxacbahc' soc oxeb scha'winic (3,023) ta tuhl winiquetic yu'un Judá;