Jeremías 13:18 - Bible in Tzeltal Bachajón

¹⁸ Halbeya te ajwalil soc te ajwalil-ants: Huclanic ta banti peq'uel, como ch'ayemix cohel ta ajol te t'ujbil corona awu'unic, xchihat me.

Bible in Tzeltal de Oxchuc y Tenejapa

¹⁸ La yalbon te Cajwaltic: —Albeya te muc' ajwalil soc sme': “Coanic ta amuc'ul nactijibic, naclanic ta lum, melel ch'ayemix coel ta ajol te acorona te xch'alojate”, uta me.

Jeremías 13:18 Referans Kwoze

Jeremías 22:26

Ya cac' te yac awich' chuquel bahel, ha'at soc anan te la yayintesat, ta yan q'uinal ta banti ma ba tey ayinex a, tey ya xchamex a.

2 Reyes 24:12

Te Joaquín ajwalil yu'un Judá, te snan, te a'batetic yu'un, te príncipaletic soc te mach'atic ay ya'telic yu'un, la yac' sbahic ta sc'ab te ajwalil yu'un Babilonia. Ta swaxaquebal ha'bil yochel ta ajwalil a chucot bahel yu'un te ajwalil yu'un Babilonia.

2 Reyes 24:15

Ha nix hich la yic' bahel ta chuquel ta Babilonia te Joaquín, te snan, te antsetic yu'un, te mach'atic ay ya'telic yu'un soc te mach'atic ay yipic ta q'uinal.

2 Crónicas 33:19

Te bin la yal ta sc'oponel Dios soc te bin ut'il a'iybot sc'op yu'un, spisil te smul soc te ma junuc yo'tan, soc te bantic la spasticlan te toyol awilaletic soc te la stehc'an loc'ombahetic yu'un Asera soc yantic loc'ombahetic, te c'alal ma to ba spehc'anej sba a, ha ts'ihbabil hilel ta hun yu'un te jalwanejetique.

Isaías 47:1

Cohan, huhcana aba ta ts'ubil lum, ha'at yantsil-nich'anat Babilonia. Huhcana aba ta lum ta banti mayuc huctajibal, yantsil-nich'anat caldeohetic, yu'un ma ba ya xhalotix ac'oblal te uhnenat soc jteb atahel.

2 Crónicas 33:12

Pero te c'alal ay ta wocol, la sc'opon te Jehová te Dios yu'un, mero peq'uel la yac' sba ta stojol te Dios yu'un te sme'state.

1 Pedro 5:6

Ha yu'un pehc'ana me abahic ta stojol sc'ab Dios te bayel yu'el, scuenta yu'un ha ya stoybeyex ac'oblalic te c'alal ya sta yorahil yu'une.

Santiago 4:10

Pehc'ana abahic ta stojol te Cajwaltic, ha me ya stohytesbeyex ac'oblalic.

San Mateo 18:4

Ha yu'un mach'ayuc a te peq'uel ya yac' sba hich te bin ut'il te alal ini, ha muc' sc'oblal ya xc'oht yu'un spisil yantic ta banti ay te cuentahinel yu'un te ch'ulchane.

Jonás 3:6

Te c'alal c'oht te c'op ta stojol te ajwalil yu'un Nínive, la stehc'an sba ta banti hucul, la schol loq'uel te sc'u', la slap pac' scuenta mel-o'tan soc la shuhcan sba ta tan.

Isaías 3:26

Te ochibaletic yu'un Sión ya me x'oq'uic soc ya me smel yo'tanic, te bin ut'il ch'aybil ta o'tanil, ya shuhcan sba ta lum.

2 Crónicas 33:23

Pero mayuc bin ora la spehc'an sba ta stojol Jehová, hich te bin ut'il la spehc'an sba te Manasés te state; bayel xan mulil la spas.

Éxodo 10:3

Ha yu'un te Moisés soc Aarón bahtic ta stojol faraón, hich la yalbeyic: Te Jehová te Dios yu'un te hebreohetic, hich la yal: ¿Bin to ora yac apehc'an aba ta jtojol? Ac'a loq'uel te pueblo cu'un, yu'un ya xbaht sch'uhuntayonic.

Lamentaciones 2:10

Te mamaletic yu'un te yantsil-nich'an Sión ya shuhcan sbahic ta lum soc ma ba ya xc'opojic; ya yaq'uic tan ta sjolic soc ya slapic pac' yu'un mel-o'tan. Te ach'ixetic yu'un Jerusalén ya snijan sbahic c'alal ta lum.

Éxodo 39:28

la spasic te spohtsil sjol ta t'ujbil lino, te schuhquil ta t'ujbil lino, soc te scomil wexic ta t'ujbil ts'otbil lino;

Proverbios 27:24

como ma spisiluc ora ya xhalaj te c'ulejalil, soc te corona ma ba ya xhalaj ta cajalcaj ts'umbalil.

Isaías 3:20

te sbehch'il sjolic soc sch'ahlel snuc' yoquic, te schuhquil ch'uhtic, yawil perfume, soc te smahquil bintic chopol,

Jeremías 29:2

(Ic'otiquix bahel a te ajwalil Jeconías, te snan, te mach'atic ayic ta sna ajwalil, te príncipaletic yu'un Judá soc Jerusalén, te mach'atic ay bin ya sna'ic spasel soc te ingenierohetic ta Jerusalén.)

Jeremías 36:16

C'alal la ya'iyic spisil te bintic la yal, talel c'axel la yilbe sbahic soc xiwel, hich la yalbeyic te Baruc: Ya sc'an te ya calbetic ya'iy spisil te ajwalil, xchihic.

Lamentaciones 1:6

Ch'ay spisil st'ujbilal te yantsil-nich'an Sión; te príncipaletic yu'un hich c'ohemic te bin ut'il ha'mal chijetic te ma ba ya sta swe'elic; mayuc yipic a ahnic bahel ta stojol te mach'atic nutsotic yu'unique.

Lamentaciones 1:9

Te sbohlil ay ta stsec; ma ba la snop bin ut'il ya xc'oht ta loq'uel. Wocol ta ch'uhunel bin ut'il yahl, mayuc mach'a ya smuc'ubtesbe q'uinal ya'iy yu'un. Ilawil, Jehová, te jwocole, como toyol yac'oj sba te jcontrahe, xchi.

Lamentaciones 5:16

Ch'ay cohel ta joltic te corona. ¡Obol jbahcotic como jtahoj jmulcotic!

Ezequiel 16:12

La jca'bat sch'ocowil ani', staq'uinal achiquin soc buen t'ujbil corona ta ajol.

Ezequiel 21:26

hich yaloj te Jehová, te Ajwalil: ¡Loq'uesbeya te spohtsil sjol, loq'uesa te corona! ¡Ma hichuc ya xc'oht te bin ut'il ay ta nahil to! Te mach'a peq'uel, ya xtohybot sc'oblal, soc te mach'a toyol, ya xpehc'ambot sc'oblal.

Ezequiel 24:17

Ahcanajan ta muquen, ma me x'oc'at yu'un te mach'a chamene. Chuca spohtsil ajol, lapa atep, ma me xamac awelaw soc ma me xawe' te pan yu'un mel-o'tan, xchi.

Ezequiel 24:23

ay me ta ajolic te spohtsil ajolic soc alapoj atepic; ma ba yac amel awo'tanic soc ma ba ya x'oq'uex, pero ya xlajex ta scaj te achopolilic soc talel c'axel ya x'ahcanajex.

Ezequiel 44:18

Potsbil sjolic ta lino, soc ya me slapic scomil wexic pasbilic ta lino. Ma me ayuc bin ya schuc sch'uhtic a te ya chiq'uin yu'une.

Daniel 5:20

Pero c'alal la stoy sba soc te tulan la yac' sba yu'un te stoybahil, la yich' loq'uesel ta shuctajib soc la yich' pojbeyel te yutsilale.

Jeremías 22:24

¡Cuxulon, xchi te Jehová, aunque ha jch'ocow ta jwa'el-c'ab te Jeconías snich'an Joacim, ajwalil yu'un Judá, ya jloq'ues tey a!