Jeremías 13:17 - Bible in Tzeltal Bachajón

¹⁷ Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Bible in Tzeltal de Oxchuc y Tenejapa

¹⁷ Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

Jeremías 13:17 Referans Kwoze

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

Jeremías 14:17

Ya me awalbe te c'op ini: Ac'a maluc loq'uel ya'lel jsit ta c'ahc'al ahc'abal, ma xquehchaj, como te ach'ix yu'un te pueblo cu'un c'ax xiweltic sba swocol, como bayel sc'uxul te yehchene.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Salmos 80:1

Jcananat yu'un Israel, a'iya me awa'iy; ha'at te yac awic' bahel te José hich te bin ut'il jchahp tuminchijetic; ha'at te huculat ta yohlil te querubinetic, sacubtesa q'uinal.

Ezequiel 34:31

Ha'ex tuminchijex cu'un, tuminchijex yu'un te aquiltic cu'un, ha ants-winiquetiquex, soc Ho'on Dioson awu'unic, xchi te Jehová, te Ajwalil.

Lamentaciones 2:18

Te yo'tanic te ants-winiquetic ya x'awonic ta stojol te Cajwaltique. ¡Yantsil-nich'anat Sión, maluc ya'lel asit c'ahc'al ahc'abal hich te bin ut'il be-ha'! ¡Ma me xacux awo'tan, ma xawa'be scux yo'tan te asite!

Lamentaciones 1:16

Ha scuentahil te yacon ta oq'uel; ha scuentahil te ya xloc' te ya'lel jsite, como namal ay te mach'a ya smuc'ubtesbon co'tan soc te ya ya'bon jcux co'tan. La yich'ic jinel te jnich'nab, como ha la ya'iy tsalaw te jcontrahe.

Salmos 119:136

Muc'ul ha' ya xloc' ta jsit, yu'un ma ba ya sch'uhunic spasel te Ley awu'une.

1 Samuel 15:35

Te Samuel tey mayuquix bin ora la yilbe xan sit a te Saúl; pero la yoq'uetay te Saúl, como te Jehová la smel yo'tan yu'un te la yotses ta ajwalil ta Israel te Saúl.

Ezequiel 36:38

Te jihnem pueblohetic ya xnojic ta ipal ants-winiquetic hich te bin ut'il te tuminchijetic te ya yich'ic aq'uel ta stojol Dios, hich te bin ut'il te tuminchijetic ta Jerusalén ta yorahil te q'uinetique. Hich me ya sna'ic a te ho'on Jehovahon, xchi.

Lamentaciones 1:2

Pich'il yo'tan ta oq'uel ta ahc'abal, sch'alet ya'lel sit ta scho. Ta spisil te mach'atic antsinot c'ohem yu'un mayuc jtuhluc te ya xmuc'ubtesbot q'uinal ya'iy yu'un; ihquitayot yu'un spisil yamigotac, c'atp'ujemix ta scontratac.

Jeremías 23:1

¡Obol sbahic te jcanan-tuminchijetic te ya slajinlanic soc ya spucticlanic bahel te tuminchijetic cu'un! xchi te Jehová.

Jeremías 22:5

Pero teme ma ba yac awich'ic ta cuenta te c'op ini, ho'on ya cal ta jamal, xchi te Jehová, te jimbil ya xhil te sna ajwalil ini, xchi.

Jeremías 17:16

Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Isaías 63:11

Pero la sna'ic bin ut'il ayic ta namey, ha te Moisés soc te pueblo yu'une, hich la yalic: ¿Banti ay te mach'a la yic'ticlan c'axel ta mar soc te jcanantaywanej yu'un te tuminchijetic yu'une? ¿Banti ay te mach'a la yac' te ch'ul espíritu yu'un ta yohlilic,

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

Jeremías 15:17

Ma ba la joquin ta huclej te mach'atic ha nax ya spasic te bin ya smulanic, ma ba la joquinlan ta tse'ej; jtuquel huculon ta scaj te ay ta atojol te ac'ab soc la anojesbon co'tan ta ilimba.

Jeremías 23:2

Ha yu'un te Jehová, te Dios yu'un Israel, hich ya yalbe te jcanan-tuminchijetic te ya scanantaybonic te pueblo cu'un: Ha'ex la apucticlanic bahel te tuminchijetic cu'un soc la axiwteslanic; ma ba la acanantayic. Ha yu'un ya ca'bat castigo yu'un te schopolil awa'telique, xchi te Jehová.

Lamentaciones 1:9

Te sbohlil ay ta stsec; ma ba la snop bin ut'il ya xc'oht ta loq'uel. Wocol ta ch'uhunel bin ut'il yahl, mayuc mach'a ya smuc'ubtesbe q'uinal ya'iy yu'un. Ilawil, Jehová, te jwocole, como toyol yac'oj sba te jcontrahe, xchi.

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

Ezequiel 24:16

Snich'anat winic, ya jloq'uesbat ta ora nax te mach'a mero mulambil awu'un; pero ma me xamel awo'tan, ma me x'oc'at, ma me x'oquin ya'lel asit.

Lamentaciones 3:48

Yac ta loq'uel ya'lel jsit hich te bin ut'il muc'ul ha', yu'un te la yich' jinel te jlumale.