Jeremías 12:8 - Bible in Tzeltal Bachajón

⁸ Te bin quich'oj hich c'oht ta co'tan te bin ut'il choj ta montaña; awon ta jtojol yu'un scontrahimbelon, ha yu'un la jp'aj.

Bible in Tzeltal de Oxchuc y Tenejapa

⁸ Ja' in lum to, te ja' cu'un ta neelale, jich c'oemix ta co'tan te bit'il león-choj ta ja'mal; awun ta jtojol, jich yu'un la quilay.

Jeremías 12:8 Referans Kwoze

Amós 6:8

Te Jehová yaloj ta jamal ta scuenta stuquel, te Jehová, te Dios te scuentahinej spisil, hich yaloj: Ya quihlay te ya scuy sba ta muc' te Jacob, ya jp'aj te t'ujbil muc'ul nahetic yu'une; ya cac' ta c'abal te muc'ul pueblo soc spisil te bintic ay tey a, xchi.

Oseas 9:15

Spisil te bintic chopol yu'unic chicnaj ta Gilgal, tey la jp'aj a. Ta scuenta te schopol a'telic ya jloq'ues bahel ta jna. Ma ba c'ux ya ca'iyix ta co'tan; spisil te príncipaletic yu'unic ma junuc yo'tanic.

Zacarías 11:8

Ta junax u la jloq'ues oxtuhl jcananetic, como c'ax co'tan yu'unic, soc ha'ic nix la yihlayonic.

Jeremías 51:38

Ta spisilic junax ya x'awonic hich te bin ut'il chojetic, xhilajanic hich te bin ut'il tut chojetic.

Jeremías 2:15

Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Isaías 59:13

ha te toybahil soc te la jmuc ta co'tantic te Jehová, la jsut jpatic ta stojol te Dios cu'untic; ha te yalel uts'inel soc toybahil, soc yalel lot te chicnaj ta co'tantic.

Ezequiel 23:18

Hich la yac' chicnajuc te antsinel yu'un soc te la swahtan sba, ha yu'un la jp'aj ho'on, hich te bin ut'il la jp'ajbe te swixe.

Miqueas 2:8

Te mach'a pueblo cu'un wojey, hahchemix hich te bin ut'il jcontra; yac aloq'uesbeyic smuc'ul-c'u' te mach'atic jun yo'tan ya xc'axic bahel, te mach'atic ya suhtic tal ta guerra.