Jeremías 12:17 - Bible in Tzeltal Bachajón

¹⁷ Pero te nación te ma ba ya ya'iyic, ya me jbul loq'uel soc slohp', ya me jlajin, xchi te Jehová.

Bible in Tzeltal de Oxchuc y Tenejapa

¹⁷ Ja'uc me to, te nación te ma xch'uunbon jc'ope, ya me jbul loq'uel, soc ya me jin. Jo'on Ajwalilon, jich ya cal —xi'.

Jeremías 12:17 Referans Kwoze

Isaías 60:12

Como te nación o te ban c'alal cuentahimbil te ma ba ya yac' sba ta a'batinel awu'un ya me xch'ay bahel; spisil ya yich' jinel ta jc'axel.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

San Lucas 19:27

Soc te jcontratac te ma sc'anic te ya x'ochon ta ajwalil yu'unic, ic'ahic tal li'i, ac'a yich' xot'ticlambeyel sjolic ta jtojol, xchi.

Daniel 11:4

Pero te c'alal hahchemix a, ya me yich' jimbeyel te ban c'alal scuentahinej soc ya yich' puhquel ta schanchahpal te ic' yu'un te ch'ulchan; ma ba ya x'a'bot te sts'umbal soc ma ba ya stahbe c'ohel yip te bin ut'il te yu'une, como ya me yich' bulel loq'uel, ha ya x'a'bot ta scuenta yantic.

Ezequiel 19:12

Pero la yich' bulel ta scuenta ilimba, la yich' ch'ojel ta lum. Taquijtesot yu'un te ic' ta stojol banti ya xloc' tal c'ahc'al, la yich' wac'ticlanel te tulan sc'abc'ab, taquijic soc laj ta c'ahq'uel.

Jeremías 31:28

Hich te bin ut'il la jtsahtay ta sbulel loq'uel soc ta jinel cohel, ta slajinel, ch'ayel soc ta ya'beyel swocolic, ha nix hich ya jtsahtay ta spasel soc ta sts'unel, xchi te Jehová.

Jeremías 18:7

Ta jts'ihn nax ya xc'opojon ta scontrahinel jun pueblo o nación yu'un ya yich' bulel, busq'uinel soc jinel.

Zacarías 1:6

Pero te c'opetic soc te mandariletic cu'un te la jcalbe ta mandar te jalwanejetic te a'batetic cu'un, ¿ma bal la stahic te ame'atatique? Ha yu'un la suhtes yo'tanic te ame'atatic, hich la yalic: Te Jehová te scuentahinej spisil hich la spasbotic te bin ut'il la sc'an te behetic soc te a'teliletic cu'untique, xchihic.

Isaías 41:11

Ilawil, spisil te mach'atic ya yilintayat ya me xq'uexawic soc ya xpehc'ajic; te mach'atic ya scontrahinat mayuc sc'oblal ya xc'oht soc ya xch'ayic bahel.

Miqueas 5:14

Ya jbulbat loq'uel ta awohlil te sloc'omba Asera awu'un, soc ya jimbat te pueblohetic awu'une.