Jeremías 12:14 - Bible in Tzeltal Bachajón

¹⁴ Hich yaloj te Jehová: Te chopol jpat-xuhc te ya yich'beyic te q'uinal la jca'be te Israel te pueblo cu'une, ya jbulticlan loq'uel ta sq'uinalic, soc ya jbulticlan loq'uel ta yohlilic te sna Judá.

Bible in Tzeltal de Oxchuc y Tenejapa

¹⁴ Te Cajwaltic jich ya yalbey sc'oplal te lumetic te amene, te jun sts'acan soc Israel, te la sjinic te q'uinal te la yac'bey yu'unin Israel te lum yu'une: —Jo'on ya jbul loq'uel ta sq'uinalic, soc ya jloq'ues ta yolilic te Judae.

Jeremías 12:14 Referans Kwoze

Zacarías 2:8

Hich yaloj te Jehová te scuentahinej spisil, te la sticonon bahel ta stojol te nacionetic te la spojbeyex abiluquic: Te mach'a ya spiquex, hich c'ohem te ya spicbe sch'uhlel jsit.

Jeremías 3:18

Ta hich ora te sna Judá ya sjoquin te sna Israel, soc pajal ya xloq'uic tal ta q'uinal ta norte, ya xc'ohtic ta q'uinal te la jca'be yich'ic hilel te ame'atatique.

Jeremías 49:7

Hich ay sc'oblal te Edom. Hich yaloj te Jehová te scuentahinej spisil: ¿Ma bal ayuquix p'ijil-o'tanil ta Temán? ¿Laj balix te j'ac'-o'tanil yu'un te mach'atic p'ijique? ¿Jihn balix te sp'ijilique?

Jeremías 2:3

Ch'ultesbil a te Israel ta stojol Jehová, ha sba sit sts'unubil. Spisil te mach'atic la slajinic la sta smulic yu'un; chopol bin c'oht ta stojolic, xchi te Jehová.

Salmos 106:47

Coltayawotcotic, Jehová, Dios cu'untic, tsobawotcotic loq'uel ta yohlil te nacionetic, scuenta yu'un ya calcotic wocol ta stojol ach'ul bihil, soc scuenta yu'un ay yutsil co'tancotic ta yalel yutsil ac'oblal.

Deuteronomio 30:3

hich te Jehová ya me yic' suhtel tal te mach'atic chucajtic bahel awu'un, ya sna'bat yo'bolil aba, ya scha'tsobat loq'uel tal ta yohlil te nacionetic ta banti la spucat bahel te Jehová te Dios awu'une.

Zacarías 1:15

Pero bayel ilinemon ta stojol te nacionetic te jun yo'tan ayique; como te c'alal jteb nax ilinon, muc' c'oht yu'unic te bin chopole.

Oseas 1:11

Ya me stsob sbahic te snich'nab Judá soc Israel, soc ya me slehic jtuhl jtsobaw yu'unic; soc ya me xhahchic ta q'uinal, como muc' ya xc'oht sc'ahc'alel te Jezreel.

Ezequiel 37:21

hich xawalbe: Hich yaloj te Jehová, te Ajwalil: Ya jloq'ues tal te israeletic ta yohlil te nacionetic te banti c'ohemic; ya jtsobic ta bayuc ayic, ya cac' te ya xcha'suhtic tal ta sq'uinalic.

Ezequiel 36:24

Ho'on ya jloq'uesex tal ta nacionetic, ya jtsobex talel ta spisil te q'uinaletic, ya quiq'uex tal ta alumalic.

Ezequiel 28:25

Hich yaloj te Jehová, te Ajwalil: Te c'alal ya jtsob tal te sna Israel ta nacionetic banti puhquemic bahel, ya cac' ta ilel ta scuentahic ta stojol te nacionetic te ho'on Ch'ul Dioson, hich ya xnahinic ta sq'uinalic te la jca'be Jacob te a'bat cu'une.

Jeremías 48:1

Hich ay sc'oblal te Moab. Hich yaloj te Jehová te scuentahinej spisil, te Dios yu'un Israel: ¡Obol sba te Nebo, la yich'ix jinel! ¡Pehc'anot soc tsalot te Quiriataim; te joyob ts'ahc yu'un la yich' pehc'anel soc jinel!

Jeremías 32:37

Ya me jtsobticlan tal ta spisil q'uinal banti la jpucticlan bahel ta scuenta quilimba soc smuc'ul c'ahc'al co'tan; ya cac' suhtuc tal ta lugar ini soc jun yo'tan ya x'ayinic tey a.

Salmos 105:15

Ma me xapiquic te mach'atic tsahbil cu'un, ma me xawuts'imbonic te jalwanejetic cu'un, te xchihe.

Deuteronomio 28:63

Hich te bin ut'il tse'el yo'tan Jehová te la ya'beyex awutsilalic soc te la yac' p'ohluquex, ha nix hich tse'el yo'tan ya sjinex soc ya slajinex; yac awich'ic bulel loq'uel tey ta q'uinal banti ya x'och awu'untayic.

Jeremías 48:47

Pero ta patil bahel ya cac' suhtuc xan tal te jchuqueletic yu'un Moab, xchi te Jehová. Li' ya xlaj sc'oblal te castigo yu'un Moab.

Jeremías 49:1

Hich ay sc'oblal te amonetique. Hich yaloj te Jehová: ¿Ma bal ayuc snich'nab te Israel? ¿Ma bal ayuc mach'atic ya x'ich'bot hilel yu'un te bintic ay yu'une? ¿Bin yu'un te Milcom la yich' hilel te Gad, soc te nahinemic ta pueblohetic yu'un te ants-winiquetic yu'une?

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Ezequiel 28:26

Jun yo'tanic ya xnahinic tey a, ya me spas snahic soc ya me sts'un sts'usubilic. Jun yo'tan ya xnahinic tey a, te c'alal ya ca'be castigo spisil te mach'atic ayic ta sjoyobal te pojbot sbiliquic yu'unique. Ya me sna'ic te ho'on Jehovahon te Dios yu'unic, xchi te Jehová.

Ezequiel 36:5

ha yu'un hich yaloj te Jehová, te Ajwalil: C'opojon soc xut'et co'tan ta scontrahinel te yantic nacionetic soc spisil Edom, te ta scuenta tse'el yo'tanic soc sc'ahc'al yo'tanic la yich'bonic te q'uinal cu'un, scuenta yu'un ya yu'untayic te mach'atic tembilic loq'uel tey a.