Jeremías 12:12 - Bible in Tzeltal Bachajón

¹² Ta spisil te toyol jochol q'uinal talic jinawetic, como te espada yu'un Jehová ya me slajin ta jehch ta jehch te q'uinale, mayuc mach'a lamal q'uinal ya ya'iy.

Bible in Tzeltal de Oxchuc y Tenejapa

¹² Spisilic te ch'in witsetic te jocholixe, talic j'ixta-winiquetic tey a. Melel jo'on Ajwalilon, ay puñal cu'un te ya jin a te lum ta xcha'jejch'el, soc ma me ayuc lamal q'uinal yaiy ni jtuluc.

Jeremías 12:12 Referans Kwoze

Amós 9:4

Teme ya x'ic'otic bahel ta chuquel yu'un te scontratac, tey ya jticon bahel a te espada te ya xmilotic yu'un. Ya cac' jsit ta stojolic yu'un ya jpasbe te bin ma lecuc, ma ha'uc te bin leque.

Jeremías 47:6

Ha'at espadahat yu'un Jehová, ¿bin ora yac acux awo'tan? ¡Cha'ochan ta ana, quechajan soc ch'aban!

Ezequiel 14:17

O teme ya cac' taluc espada ta stojol te q'uinal, teme hich ya cal: ¡Espada, c'axan bahel ta q'uinal! teme xchihone, soc teme ya cac' lajuc ants-winiquetic soc chambahlametic tey a,

Isaías 34:6

Te espada yu'un Jehová ya'tinej ch'ich' soc potsbil te sjuhp'el, ha te sch'ich'el tuminchijetic soc tentsunetic, te sjuhp'el sriñon te tat tentsunetique, como te Jehová ay milbil mahtanil yu'un ta Bosra, soc bayel miltamba ta sq'uinal Edom.

Apocalipsis 6:4

Hich loc' tal jcoht tsajal cawu. Te mach'a cajal tey a a'bot yip ta sjinel te lamal q'uinal ta bahlumilal soc te talel c'axel ya smil sbahic te ants-winiquetic. Soc a'bot yich' muc'ul espada.

Sofonías 2:12

Ha nix hichex te ayex ta Etiopía, ya me xlajex ta espada cu'un.

Ezequiel 5:2

C'alal ya sts'acay te joytayel ta guerra, chic'a ta yohlil te pueblo jun ta yoxebal te stsotsel ajol. Ich'a jun xan ta yoxebal, set'ticlana ta espada ta sjoyobal te pueblo. Te jun xan ta yoxebal puca bahel ta ic', ho'on ya jloq'ues te espada ta sna, ya jnuts bahel a.

Jeremías 48:2

¡Ma ba ya xhalbotix yutsil sc'oblal te Moab! ta Hesbón la schahpambeyic chopol sc'oblal, hich la yalic: La'ic, jc'axel ac'a jlajintic ta yohlil te nacionetic. Ha nix hichat, Madmén, yac awich' jinel, ya me snutsat te espada.

Jeremías 34:17

Ha yu'un hich yaloj te Jehová: Ma ba la ach'uhumbonic jc'op, ma ba la awaq'uic ta libre te alumalic, te amohloltaque. Ha yu'un ya cac'at ta libre, xchi te Jehová, ha te libre ya xlajat ta espada, ta jmilawal-chamel soc ta wi'nal. Ya cac' te xiweltic sba ya xc'ohex ta stojol spisil te nacionetic ta bahlumilal.

Jeremías 15:2

Teme hich ya sjoc'obat: ¿Banti ya xbohotcotic? teme xchihique, halbeya te hich yaloj te Jehová: Te mach'a chapal sc'oblal ta lajel, ya xlaj; te mach'a ya xlaj ta espada, ya xlaj ta espada; te mach'a chapal ya xlaj ta wi'nal, ya xlaj ta wi'nal; te mach'a ya x'ic'ot bahel ta chuquel, ya x'ic'ot bahel ta chuquel.

Jeremías 3:2

Toya mohel asit ta toyol t'axal q'uinal, ilawil teme ay banti ma ba la awac' aba ta antsinel. La ahuhcan aba ta ti'be ta smahliyel te mach'a yac awac' aba ta antsinel yu'un, hich te bin ut'il jtuhl árabe ta jochol taquin q'uinal. La abohlobtes te q'uinal ta scuenta te antsinel awu'un soc achopolil.

Isaías 57:21

Mayuc lamal q'uinal yu'un te mach'atic chopolic, xchi te Dios cu'une.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Deuteronomio 32:42

Ya jyacubtes ta ch'ich' te ya'tejibalul jt'ihmalte', ya slajin baq'uet te espada cu'un; ha te sch'ich'el mach'atic lajic soc te jchuqueletic, te sjolic te jtsobawetic yu'un jcontrahinwanejetic, xchi te Jehová.

Jeremías 3:21

Chicnaj aw ta toyol t'axal witsiltic, ha te oq'uel yu'un sc'anel coltayel te israeletic, como la showiytesic te be yu'unic, la sch'ay ta yo'tanic te Jehová, te Dios yu'unique.

Jeremías 4:27

Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

Jeremías 16:5

Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Jeremías 30:5

Hich yaloj te Jehová: ¡Chican awetic yu'un xiwel, tulan xiwel, ma ha'uc sc'op lamal q'uinal!

Jeremías 46:10

Pero ha sc'ahc'alel yu'un Jehová, te Dios te scuentahinej spisil, ha sc'ahc'alel yu'un castigo, yu'un ya'beyel spacol te scontratac. Ya x'ehchenteswan te espada ha to c'alal ya xc'ax yo'tan, ha to c'alal ya xch'ay staquinti'il yu'un te ch'ich'e. Como ha milbil mahtanil ya xc'oht yu'un Jehová, te Dios te scuentahinej spisil, ta q'uinal ta norte, ta sti'il te muc'ul-ha' Éufrates.

Lamentaciones 3:17

Namal baht ta jtojol te lamal q'uinal, ch'ayix ta co'tan te bin lec ta a'iyele.

Ezequiel 21:4

Te bin ut'il ya sc'an te ya jboj loq'uel ta awohlil te mach'a toj yo'tan soc te mach'a chopol yo'tan, ha yu'un ya xloc' ta sna te espada cu'un, ya scontrahin spisil bintic cuxajtic c'alal ta sur c'alal ta norte.

Ezequiel 21:28

Ha'at, snich'anat winic, hich me xawal ta sc'op-jalwanej: Hich yaloj te Jehová, te Ajwalil, sc'oblal te amonetic soc te ixta'c'optayel yu'unique; hich yac awal: ¡Te espada, te espada te loq'uemix ta sna, ch'ulbilix yu'un ts'ayts'on a ya xmilawan!

Jeremías 8:15

La jmahliytic lamal q'uinal, pero mayuc bin lec te tale, la jmahliytic yorahil poxtayel, pero ha nax ay tulan xiwel.

Ezequiel 21:8

Tal ta jtojol te sc'op Jehová, hich la yal:

Ezequiel 21:9

Snich'anat winic, hala sc'op-jalwanej, hich yac awal: Hich yaloj te Jehová, te Ajwalil: ¡Te espada, te espada huxbilix ye, soc ch'ulbilix!