Jeremías 12:11 - Bible in Tzeltal Bachajón

¹¹ Jochol taquin q'uinal c'ohem, jochol hil, la yoq'uetay sba ta jtojol. Spisil te q'uinal jochol hil, mayuc mach'a ay sc'oblal yu'un.

Bible in Tzeltal de Oxchuc y Tenejapa

¹¹ Jochol taquin q'uinal la yijq'uitaybonic, soc t'axal a jil, oq'ueltic sba ya quil. Spamal te lumq'uinale, jochaj jilel ta jyalel, ma'yuc mach'a ya xc'opoj yo'tan yu'un.

Jeremías 12:11 Referans Kwoze

Jeremías 23:10

Como nojel ta j'antsiwejetic te q'uinale; ta scaj te halbil chopol sc'oblal, taquij te q'uinal soc taquij te aquiltic ta jochol taquin q'uinal. Chopol te be yu'un te jalwanejetic soc ma stojiluc ya stuhunic te yipique.

Isaías 42:25

Ha yu'un la smal cohel ta stojolic te sc'ahc'al yilimba soc te yip te guerra. La ya'be sc'ahc'al ta bayuc, pero ma ba c'oht ta yo'tanic; lajinotic yu'un, pero ma ba la yich'ic ta cuenta.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Malaquías 2:2

Teme ma ba yac awa'iyic soc teme ma ba yac anop ta awo'tanic te yac awalbe yutsil sc'oblal te jbihil, xchi te Jehová te scuentahinej spisil, ya jticombeyex chopol c'oblalil ta atojolic, ya calbe ma lecuc sc'oblalic te bendicionetic awu'unique; calbeyejix te ma lecuc sc'oblalic como ma ba anopojic ta lec ta awo'tanic.

Zacarías 7:5

Halbeya spisil te ants-winiquetic ta spahmal te q'uinal soc te sacerdotehetic: Te c'alal la acom awe'elic soc oq'uex ta yo'ebal u soc ta shuquebal u ta lajuneb schanwinic (70) ha'bil ini, ¿la bal acom awe'elic ta jcuenta?

Jeremías 19:8

Ya cac' te xiweltic sba ya xc'oht te pueblo ini soc te ya xlabanot. Spisil te mach'atic ya xc'axic tey a xcham yo'tanic yu'un soc ya slabanic ta scaj spisil te jinel yu'une.

Jeremías 10:25

Mala cohel awilimba ta stojol te nacionetic te ma sna'bat aba, ta stojol te pueblohetic te ma ba ya sc'oponat ta abihile; como la slajinic te Jacob, jc'axel la sbiq'uic soc la sjochambeyic hilel te slumale.

Jeremías 10:22

¡A'iya awa'iyic, ay bin hul ta halel! Bayel xjuyet yac ta talel ta q'uinal ta stojol norte, yu'un ya sutp'inic ta jochol q'uinal te pueblohetic yu'un Judá, ha sna ha'mal ts'i'etic ya xc'oht.

Jeremías 9:11

Te Jerusalén ya jsutp'in ta busul tontiquil, sna ha'mal ts'i'etic ya xc'oht; soc ya jsutp'in ta jihnem q'uinal te pueblohetic yu'un Judá, mayuc mach'a ya x'ayin tey a, xchi te Jehová.

Jeremías 6:8

Tojobtesa aba, Jerusalén, scuenta yu'un ma ba ya quihquitayat, scuenta yu'un ma ba ya jsutp'inat ta jochol taquin q'uinal, ta q'uinal te mayuc yajwal, xchi.

Isaías 57:1

Ya xlaj te mach'a toj yo'tan, pero mayuc mach'a ay ta cuenta yu'un. Ya xlajic te mach'atic jun yo'tanic ta stojol Dios, pero mayuc mach'a c'ohem ta yo'tan te ta scaj te bin chopol ya yich' loq'uesel te mach'a toj yo'tan.

Eclesiastés 7:2

Ha lec xan a te bahel ta na ta ban ay mel-o'tan yu'un mach'a cham te bin ut'il bahel ta na ta ban ay we'elil yu'un q'uin, como te lajel ha slajib spisil ants-winiquetic, soc te mach'a cuxul ya ya'be sna' ta yo'tan.

Romanos 8:22

Jna'ojtic te yac ta ahcan spisil te bintic pasticlambil, soc c'alal ora yac ta c'axel bayel swocol hich te bin ut'il ants te ya yayintes alal.

Levítico 26:32

Ya jin te lumq'uinal, mero xcham yo'tanic yu'un te acontratac te ya xnahinic tey a.

Jeremías 4:20

Ya yich' halbeyel sc'oblal jinel soc yan jinel, spisil te q'uinal jihnemix. Ora nax la yich'ic jinel te nahilpaq'uetic cu'un, ora nax jihn te spac'al te nahilpac' cu'un.

Jeremías 4:27

Hich la yal te Jehová: Spisil te q'uinal ya me yich' jinel, pero ma ba ya jin ta jc'axel.

Jeremías 4:28

Ha yu'un ya me smel yo'tan te lumq'uinal, soc te ch'ulchan ta toyol ya me x'ihc'ub, como c'opojemon, la jnopix, ma ba ya jsut te jc'ope, ma ba ya suhton ta jpat.

Jeremías 25:11

Spisil te q'uinal ini ya xc'atp'uj ta jimbil q'uinal; soc te nacionetic ini ya me yac' sbahic ta a'batinel ta stojol te ajwalil yu'un Babilonia lajuneb schanwinic (70) ha'bil.

Joel 1:10

Jimbilix te c'altic, ay ta mel-o'tan te q'uinale, como laj te trigo, taquijix te yach'il vino, ch'ayix te aceite.

Jeremías 9:9

¿Ma bal yacuc cac'ticlambe castigo yu'un spisil ini? ¿Ma bal yacuc ca'be stoj te nación te hich ya spas? xchi te Jehová.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.