Jeremías 12:10 - Bible in Tzeltal Bachajón

¹⁰ Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Bible in Tzeltal de Oxchuc y Tenejapa

¹⁰ Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Jeremías 12:10 Referans Kwoze

Jeremías 23:1

¡Obol sbahic te jcanan-tuminchijetic te ya slajinlanic soc ya spucticlanic bahel te tuminchijetic cu'un! xchi te Jehová.

Isaías 63:18

Te ch'ul pueblo awu'un ma ba hal c'ahc'al la yu'untay te ch'ul awilal awu'un, pero yo'tic te jcontratac sts'o'ojix ta teq'uel.

Jeremías 6:3

Ya xtal ta contrahinel yu'un jcanan-tuminchijetic soc te tsohbotsohb tuminchijetic yu'unique. Ya me spas nahilpaq'uetic ta sjoyobal, jujutuhl ya ya'be swe'el stuminchijic tey ta banti ayic, xchi te Diose.

Jeremías 3:19

Hich la jcal: Mero la jc'an te ya caq'uex ta al-nich'anetic cu'un soc te ya ca'beyex t'ujbil q'uinal, ha te q'uinal te c'ax hich yutsil a te bin ut'il te yich'ojic yantic nacionetic. La jcal te, Jtat, xchihuquex ta jtojol, te ma ba yac awihquitay aba at'umbelon.

Apocalipsis 11:2

Yan te yamaq'uil te templo ma me xap'is stuquel, como a'bibilix ta sc'ab te jyanlumetique. Cheb yoxwinic (42) u ya me sts'o'ts'o'teq'uic te ch'ul pueblo.

San Lucas 21:14

Na'ahic me te ma nahiluc yac anopic bin yac awalic ta scoltayel abahic,

Jeremías 39:3

Spisil te príncipaletic yu'un te ajwalil yu'un Babilonia ochic bahel, la slahman sbahic ta Ochibal ay ta ohlil, ha'ic te Nergal-Sarezer, Samgar-nebo, Sarsequim te jtsobaw yu'un te eunucohetic, Nergal-Sarezer te ay tulan ya'tel, soc spisil te yantic yu'un te ajwalil yu'un Babilonia te tulan ya'telique.

Jeremías 25:9

ya jticon tal spisil ta chahp ants-winiquetic ta stojol norte soc te ca'bat Nabucodonosor ajwalil yu'un Babilonia, xchi te Jehová, ya quic'ticlan tal ta scontrahinel te q'uinal ini soc te mach'atic nahinemic tey a, soc ta scontrahinel spisil te nacionetic te ayic ta sjoyobal. Ya jinticlan ta jc'axel, soc ya cac' ta tse'layel, ta labanel soc te stalel jimbil ya xhilic.

Isaías 43:28

Ha yu'un la jbohlobtesbe sc'oblal te príncipaletic yu'un te templo, la jcac' te jc'axel ya xjihn te Jacob soc te ya yich' p'ajel te Israel.

Jeremías 9:10

Ya x'oc'on soc ya x'ahcanajon yu'un te witsiltic, ya jc'ayojtay mel-o'tan c'ayoj yu'un te aquiltic ta jochol taquin q'uinal, como la yich'ic jinel, mayuc mach'a ya xc'axix tey a, soc ma ba ya xchicnajix yoq'uel wacaxetic; te mutetic ta ch'ulchan soc te chambahlametic ta q'uinal bahtic ta ahnel.

Ezequiel 34:2

Snich'anat winic, hala sc'op-jalwanej ta scontrahinel te jcanan-tuminchijetic yu'un Israel, hich me xawalbe te jcanan-tuminchijetic: Hich yaloj te Jehová, te Ajwalil: ¡Obol sbahic te jcanan-tuminchijetic yu'un Israel te ha nax ya smac'lin sbahique! ¿Ma bal yacuc smac'linic te jtsohb tuminchijetique?

Daniel 8:13

Patil la jca'iy te c'opoj jtuhl mach'a ch'ultesbil, ay yan mach'a ch'ultesbil hich la sjoc'obe te mach'a c'opoj: ¿Bin to ora ya xlaj te nahalsitil sc'oblal te milbil mahtanil scuenta jujun c'ahc'al, sc'oblal te toybahil te ya yac' jinel, soc te ya x'ac'otic ta ts'o'ts'o'teq'uel te tsobolic soc te ch'ul awilal? xchi.

Zacarías 7:14

ha la jpucticlan bahel ta sutu-ic' ta stojol spisil te nacionetic te ma ba sna'beyejic sbahe. Jimbil hil te q'uinal c'alal ihquitayot yu'unic, mayuc mach'a xtal xc'ax tey a; hich la sc'atp'unic ta jochol taquin q'uinal te t'ujbil q'uinale, xchi.

Isaías 3:14

Te Jehová ya xtal schahpan te mamaletic soc te príncipaletic yu'un te pueblo: Ha'ex te la alajinic te ts'usubil cu'un, soc ay ta anahic te bin la apojbeyic te pobre.

Jeremías 25:37

Te t'ujbil aquiltic ya yich'ic lajinel ta scaj sc'ahc'al yilimba te Jehová.

Jeremías 25:38

Hich loc' tal te bin ut'il choj ta sch'en, jc'axel jihn te q'uinal yu'unic ta scaj yilimba te j'uts'inwanej, ta scaj sc'ahc'al te yilimbahe.

Ezequiel 34:5

Bayuc ya xbahtic ta scaj te mayuc jcanan yu'unic, soc ya xlajic ta ti'el yu'un spisil te ti'awal chambahlametic ta q'uinal. ¡Puhquemic bahel!