Jeremías 12:1 - Bible in Tzeltal Bachajón

¹ Toj te bin yac apas, Jehová, te c'alal ya calbat te bin ut'il ayon. Pero ay bin ya joc'obat: ¿Bin yu'un te lec ya xc'oht ta loq'uel te mach'atic chopolic, soc te lec ayic te j'ac'awetic ta c'abal?

Bible in Tzeltal de Oxchuc y Tenejapa

¹ Cajwal, teme ay bila ya xjajch' calbate, ja' smelelil ya awalbon atuquel. Ja'uc me to, ay nix bila ya jc'an jojc'obat a ta swenta in bitic to: ¿Bi yu'un lec ayic te mach'atic amenique? ¿Bi yu'un jun nax yo'tanic ta cuxinel te ay bila muquen ya xchapique?

Jeremías 12:1 Referans Kwoze

Malaquías 3:15

Quilojtic te tse'el yo'tanic te jtoybahetic, soc te ma ha'uc nax lec ya xc'ohtic te mach'atic chopol ya'telic, ha ya yilbeyic yo'tan Dios, pero mayuc bin ya xpasbotic yu'un, xchihex.

Salmos 92:7

ha te c'alal ya xch'ihyic te mach'atic chopolic hich te bin ut'il ha'mal, soc te ya xnichinic spisil mach'atic ya spasic bin chopol, ya me xlajic sbahtel q'uinal.

Salmos 37:1

Ma me x'ilinat yu'un te mach'atic chopol yo'tanic, ma me xti'tonuc awo'tan yu'un te mach'atic chopol ya'telique,

Daniel 9:7

Ha'at awu'un, Jehová, te bin toj ta pasel, pero ho'otcotic ayotcotic ta q'uexlal c'alal ora yo'tic, spisil mach'atic yu'un Judá, te mach'atic nahihenic ta Jerusalén soc spisil Israel, te nopol ayic soc te namal ayic, ta spisil q'uinal ta banti la apucticlan bahel ta scaj stoybahilic ta atojol.

Job 12:6

Lec ay snahic te j'eleq'uetic, jun yo'tan cuxajtic te mach'atic ya shachbe yilimba te Diose; te ha a'botic yu'un te jayeb bintic ay yu'unic.

Habacuc 1:4

Ha yu'un mayuc yip te Ley, soc ma stojiluc ya xloc' te chahpanele; te mach'a chopol yo'tan ya sjoytay te mach'a toj yo'tan, hich ma stojiluc ya xc'oht te chahpanele.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Salmos 37:35

Ay quiloj mach'a chopol yo'tan te bayel stoyoj sba, hich slimoj sba te bin ut'il yaxal laurel-te'.

Sofonías 3:5

Ha toj stuquel te Jehová te ay ta yohlil, mayuc bin chopol ya spas; ta jujun sab ya yac' chicnajuc te stojil ya'tel, ma ba ya spas falta; yan te mach'a chopol, ma sna'be sba te q'uexlale.

Jeremías 11:20

Pero, ha'at Jehová te acuentahinej spisil, te stojil yac achahpan, te yac atsahtaybe yo'tan soc te bin snopoj, a'bon quil te yac awac'ticlambe spacol, como cac'oj ta atojol te bin ut'il ayone.

Jeremías 12:6

Te awermanotac soc te mach'atic ay yu'un atat ha'ic nix la yac'at ta c'abal, awonic scontrahimbelat. Ma me xawac' ya smuc'ulinic awo'tan aunque lec bin ya yalbat.

Jeremías 5:11

Te sts'umbal Israel soc te sts'umbal Judá jc'axel ma ba jun yo'tanic ta jtojol, xchi te Jehová.

Job 13:3

Pero ha ya jc'an ya xc'opojon soc te Mach'a spisil ya xhu' yu'un, co'tanuc ya juc ta c'op soc te Diose.

Esdras 9:15

¡Jehová, Dios yu'un Israel, toj awo'tan! Ay mach'atic cuxul hilel cu'uncotic, hich te bin ut'il ta ora ini. Li' ayotcotic ta atojol soc te jmulcotic, ma spas te ya x'ayinotcotic ta atojol ta scaj te jmulcotic, xchi ta sc'oponel Dios.

Oseas 6:7

Pero hich te bin ut'il Adán, la sc'axuntayic te chapbil-c'op; ma junuc yo'tanic ta jtojol tey a.

Isaías 48:8

Mayuc bin ora awa'iyej soc mayuc bin ora ana'beyej sc'oblal, mayuc bin ora jamal achiquin. Como jna'oj te ma junuc awo'tan, soc te toybahat c'ohem abihil c'alal ta awayinab.

Isaías 41:21

Halahic bin ut'il ayex, xchi te Jehová; Ac'a ta ilel bin ut'il ayex, xchi te Ajwalil yu'un Jacob.

Proverbios 1:32

Como te mach'atic mayuc bin sna'ojic ya xmilotic yu'un te mayuc bin sna'ojic; soc te mach'atic ma sna'ic q'uinal ya xlajinotic yu'un te scuyoj te lec ayic.

Salmos 145:17

Te Jehová toj spisil bintic ya spas soc ya sc'uxultay spisil bintic spasoj.

Salmos 119:137

Toj awo'tan, Jehová, soc toj ayic te bintic chahpambil awu'une.

Salmos 119:75

Jna'oj, Jehová, te toj bintic achapoj, soc te la awa'bon jwocol ta scuenta te stalel jun awo'tan ta jtojol.

Deuteronomio 32:4

Ha Muc'ul Ton stuquel, c'ax lec te ya'tel, como toj spisil te behetic yu'une. Ha Dios te stalel jun yo'tan soc mayuc schopolil; ha toj soc lec stuquel.

Génesis 18:25

Ma hichuc ay ta pasel awu'un te pajal yac awac' lajuc soc te mach'a chopol yo'tan te mach'a toj yo'tan, te pajal bin ya xc'oht ta stojol te mach'a toj yo'tan soc te mach'a chopol yo'tan. ¡Mayuc bin ora te hich yac apas! Te Jchahpanwanej yu'un swohlol te bahlumilal ¿ma bal ha'uc ya spas te bin toj ta pasele? xchi.

Nehemías 9:33

Pero te ha'at, toj awo'tan yu'un spisil te bintic c'oht ta jtojolcotic; como toj bin la apas, yan te ho'otcotic chopol bin jpasojcotic.

Salmos 116:5

Te Jehová lec yo'tan soc toj yo'tan; bayel sc'uxul yo'tan te Dios cu'untique.

Eclesiastés 8:14

Ay bin tojol nax te ya yich' pasel ta ye'tal ch'ulchan: Ay mach'atic toj yo'tanic te ya xc'oht ta stojolic te bin ya sc'an ya xc'oht ta stojol te mach'atic chopol ya'telic, soc ay mach'atic chopolic te ya xc'oht ta stojolic te bin ya sc'an ya xc'oht ta stojol te mach'atic toj yo'tanique. Ho'on ya cal te ha nix hich tojol nax.

Jeremías 3:7

Hich la jcal: C'alal pasbilix yu'un spisil ini, ya me suht tal ta jtojol, xchihon; pero ma ba suht talel. Te yihts'in, ha te toyba Judá,

Jeremías 3:20

Pero hich te bin ut'il jtuhl ants te ma junuc yo'tan ta stojol te smamalal, hich ma junuc awo'tanic ta jtojol, ha'ex pueblo Israel, xchi te Jehová.

Jeremías 9:2

¡Te ayuc cu'un ta jochol taquin q'uinal wayibal na yu'un mach'atic ya xbehenic, scuenta yu'un ya quihquitay hilel te jlumal, te namal ya xbohon ta stojolic! Como spisilic j'antsiwejetic soc jchahp j'ac'awetic ta c'abal.

Jeremías 32:16

C'alal la jca'be Baruc snich'an Nerías te shunal ta chonel, patil hich la jcal ta sc'oponel Jehová:

Lamentaciones 1:18

Pero te Jehová toj yo'tan stuquel, como la jtoy jba ta stojol te sc'ope. A'iya awa'iy apisilic, pueblohetic, ilawilic te jwocole: Te queremetic soc te ach'ixetic cu'un, ic'otic bahel ta chuquel.

Ezequiel 18:25

Teme hich yac awalic: Ma stojiluc te be yu'un te Cajwaltic, teme xchihexe, a'iya awa'iy, sna Israel: ¿Ma bal stojiluc te be cu'une? ¿Ma bal ha'uc te ma tojuc te behetic awu'unique?

Job 8:17

ya schucticlan sba slohp' ta banti busul ton, soc ya x'och bahel ta c'ub tontiquil.

Job 24:12

C'alal ta yutil pueblo ya x'ahcanajic te mach'atic chameliquix, soc ya x'awonic te mach'atic ehchenajic scuenta lajel, pero ma x'a'iybotic sc'opic yu'un te Diose.

Job 24:23

Dios ya yac' te jun yo'tanic ya x'ayinic, pero q'uelel sit ta yilbeyel te sbehique.

Salmos 51:6

Ha'at yac ac'an te bin melel ay ta o'tanil; ta yutil co'tan la awa'bon jna' p'ijil-o'tanil.

Daniel 9:14

Ha yu'un te Jehová la schahpan te bin chopol, la yac' tal ta jtojolcotic; como te Jehová te Dios cu'untic, stojil ay spisil bintic ya spas, pero ho'otcotic ma ba la jch'uhumbecotic te sc'ope.

Malaquías 2:17

La awaq'uic luhbuc te Jehová ta scaj te c'opetic awu'unique. Hich yac ajoc'oyic: ¿Bin la jluhbtesatcotic a? xchihex. Yu'un hich yac awalic: Mach'ayuc a te ya spas bin chopol, lec ta stojol Jehová, lec yo'tan ta stojol, xchihex, o te hich yac awalic: ¿Banti ay te Dios te toj ya xchahpanwan? xchihex.