Jeremías 11:19 - Bible in Tzeltal Bachajón

¹⁹ Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Bible in Tzeltal de Oxchuc y Tenejapa

¹⁹ Jun nax co'tan ayon, jich bit'il chij te ya yiq'uic bael ta miljibal, mero ma la jna' teme yacalic ta xchapel jc'oplal ta controinele. La yalic: —Ya jbojtic te te' c'oem, te yich'oj yip ta spisil ora; ya jbultic loq'uel ta balumilal ta bay mach'atic te cuxajtique, swenta yu'un ma me ayuc mach'a ya sna' xan —xiic.

Jeremías 11:19 Referans Kwoze

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Salmos 83:4

Hich ya yalic: La, ya jimbetic te nación yu'unic, scuenta yu'un mayuquix ta na'beyel xan te sbihil Israel, xchihic.

Salmos 31:13

Ya ca'iybe te swulwulc'opic tsobolic; ya sjoytayon xiwel, ya schap sc'opic yu'un scontrahimbelonic, soc ya snopic te ya smilonique.

Job 28:13

Te winic ma sna' te ay sc'oblal te p'ijil-o'tanil, soc ma xweht ta lehel ta bahlumilal.

Salmos 27:13

Ch'ayix co'tan te manchuc la jch'uhun te ya me quilbe yutsil yo'tan te Jehová li' ta cuxlejal ini.

Números 1:14

ta Gad: ha te Eliasaf snich'an Deuel;

Isaías 38:11

Hich la jcal: Ma ba ya quilbe xan sit Jehová ta q'uinal yu'un mach'atic cuxulic ta q'uinal; ma ba ya quilix xan ants-winiquetic te nahinemic ta bahlumilale.

Isaías 32:7

Ha chopol te ya'tejib te jlo'loywanej, ha ya snop bin chopol yu'un ya sjin ta scuenta lot te pobrehetic, aunque toj bin yac sc'ambel te pobrehe.

Proverbios 10:7

Ha bendición te sna'ojibal te mach'a toj yo'tan, yan te sbihil te mach'a chopol yo'tan, ya me xc'a'.

Proverbios 7:22

Ora la st'un bahel hich te bin ut'il wacax te ya xbaht ta banti ya yich' milel, hich te bin ut'il chij te ya x'och ta yaquil,

Salmos 116:9

Ya xbehenon ta stojol Jehová ta yohlil mach'atic cuxajtic ta q'uinal.

Salmos 109:13

Ac'a lajuc spisil te sts'umbale, ac'a yich' tup'beyel sbihil ta scha'cajal ts'umbalil.

Daniel 9:26

C'alal ya xc'ax te cheb schanwinic (62) semana, ya yich' milel te mach'a malbil ta aceite, mayuc bintic ya xhil yu'un. Te ants-winiquetic yu'un te príncipal te ya xtal ya me sjinic te pueblo soc te ch'ul awilal; hich ya xtal slajibal te bin ut'il snojel ha', ya xhalaj te jinel ha to c'alal ya xlaj te guerrahe.

Salmos 142:5

Ya cawtayat, Jehová; hich ya cal: Ha'at ahnibalat cu'un soc te bin ay cu'un ta yohlil te mach'atic cuxulic, xchihon.

Salmos 112:6

Hich mayuc bin ora ya xyahl; sbahtel q'uinal na'bil sba te mach'a toj yo'tan.

Salmos 52:5

Dios me ya slajinat sbahtel q'uinal, ya stsacat soc ya sch'ojat loq'uel ta ana; ya sbulat loq'uel ta q'uinal yu'un mach'atic cuxulic. Selah

Salmos 35:15

Pero te c'alal yahlon, tse'el yo'tanic a la stsob sbahic; tal scontrahinonic mach'atic ma ba la jna'beyic sba. Ma ba la scom sbahic slabambelonic.

Jeremías 26:8

C'alal laj yo'tan te Jeremías ta yalel spisil bintic halbot ta mandar yu'un Jehová, te sacerdotehetic, te jalwanejetic soc spisil te pueblo la stsaquic, hich la yalic: ¡Ya me xlajat!

Lamentaciones 3:60

Awiloj spisil te spacol la yaq'uic, spisil te bin schapojic ta jcontra.

Ezequiel 32:24

Tey ay a te Elam soc spisil te yipal ants-winiquetic yu'un ta sjoyobal te smuquenale. Spisilic lajic ta espada, ma ba yich'ojic circuncisión a cohic bahel ta sc'ubulil te q'uinal, yu'un la yaq'uic xiwel ta stojol te mach'atic cuxulic. Pajal ya yich'ic bahel sq'uexlalic soc te mach'atic ya xcohic bahel ta muquenal.

Proverbios 24:15

Ha'at te chopol awo'tan, ma me xamacliy ta sna te mach'a toj yo'tan, ma me xapojbe sbiluc te banti nahinem;

Jeremías 1:19

Ya me ya'bat guerra, pero ma ba ya stsalat, como ya joquinat yu'un ya cac'at ta libre, xchi te Jehová.

Oseas 9:8

Te jalwanej ha j'il-q'uinal yu'un Dios ta stojol Efraín; pero ya sta yaquil ta spisil te behetic yu'un, soc ihlaybil ta sna te Dios yu'une.