Jeremías 11:11 - Bible in Tzeltal Bachajón

¹¹ Ha yu'un hich yaloj te Jehová: Ya cac' wocol ta stojolic te ma xhu' ya xloq'uic ta ahnel ta stojole. Aunque ya yawtayonic, ma ba ya ca'iybeyic.

Bible in Tzeltal de Oxchuc y Tenejapa

¹¹ Jich yu'un yo'tic, ya jticun tel te bila amen, te ma'yuc mach'a ya xju' scoltay sba jtuluc yu'une. Manchuc me ya yawtayonic ta sc'anbelonic scoltayel, ma me xcaiybey stojol. Jo'on Ajwalilon, jich ya cal.

Jeremías 11:11 Referans Kwoze

Ezequiel 8:18

Ha yu'un ya me x'a'tejon soc sc'ahc'al quilimba; ma ba ya jpasbe perdón, ma ba ya jna'be yo'bolil sbahic. Aunque tulan ya x'awonic ta jchiquin, ma ba ya ca'iybe sc'opic, xchi te Jehová.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

Proverbios 1:28

Ta hich ora ya sc'opononic, pero ma ba ya jac'be; ya me slehonic, pero ma ba ya stahonic;

Zacarías 7:13

Hich la yal: Hich te bin ut'il c'alal la jcawtay, ma ba la ya'iyic, ha nix hich c'alal la yawtayon ma ba la jca'iy, xchi te Jehová te scuentahinej spisil,

Miqueas 3:4

Ya me sta yorahil te yac awawtayic te Jehová, pero ma ba ya sjac'beyex ac'opic; ta hich ora ya me snac' sit yelaw ta atojolic ta scaj te chopol awa'telique.

Jeremías 14:12

Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

2 Reyes 22:16

Hich ya yal te Jehová: Ya cac' taluc ta stojol te lugar ini soc ta stojol te mach'atic nahinemic tey a spisil te wocol te ya yal te libro ini, te la yilix te ajwalil yu'un Judá,

Jeremías 11:17

Te Jehová te scuentahinej spisil, te mach'a la sts'unat, yalojix mandar te ay bin chopol ya xc'oht ta atojol, ta scaj te bintic chopol spasojic te sna Israel soc te sna Judá, te hich la shachbonic quilimba yu'un te la schic'beyic pom te Baal, xchi.

Jeremías 6:19

A'iya awa'iy, lumq'uinal: Ya quich' tal bin chopol ta stojol te pueblo ini, ha te sit te bin snopojic, como ma ba la ya'iybonic jc'op soc la sp'ajbonic te ley cu'une.

Isaías 24:17

¡Xiwel, hotbil ch'en soc yaquil ya xc'ohtic ta atojol, ha'at te nahinemat ta q'uinal!

Salmos 18:41

Awonic, pero mayuc mach'a coltayotic yu'un; la yawtayic te Jehová, pero ma ba a'iybot sc'opic yu'un.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

Amós 5:19

Hich ya xc'oht te bin ut'il mach'a ya x'ahn loq'uel ta stojol choj, ya sta sba soc oso; o hich te bin ut'il te mach'a ya x'och ta sna soc ya yich' yip sc'ab ta pahc', ya xti'ot ta chan.

Ezequiel 7:5

Hich yaloj te Jehová, te Ajwalil: ¡Ay me wocol, ilawil, ya me xtal wocol!

Jeremías 36:31

Ya ca'be castigo soc te sts'umbal soc te a'batetic yu'un ta scaj te smulique. Ya cac' ta stojolic soc te mach'atic nahinemic ta Jerusalén soc te winiquetic yu'un Judá spisil te bin chopol la jcalbe sc'oblal, te ma ba la yich'ic ta cuenta, xchi.

Jeremías 35:17

Ha yu'un hich yaloj te Jehová, te Dios te scuentahinej spisil, te Dios yu'un Israel: Ilawil, ya cac' ta stojol Judá soc spisil te mach'atic nahinemic ta Jerusalén spisil te bintic chopol calbeyejix ta scontrahinel, como la jc'opon pero ma ba la ya'iybonic jc'op, la jquic'ticlan, pero ma ba la sjac'bonic te jc'ope, xchi.

Jeremías 23:12

Ha yu'un te be yu'unic hich ya xc'oht te bin ut'il bilil be ta yihc'al q'uinal, ya yich'ic tsulq'uinel, ya xyahlic tey a; yu'un ya quich'be tal bin chopol ta stojolic te bin ha'bil ya xtal te castigo yu'unique, xchi te Jehová.

Jeremías 19:15

Hich yaloj te Jehová te scuentahinej spisil, te Dios yu'un Israel: Ya jticon tal ta stojol te pueblo ini soc spisil te tut pueblohetic ta sjoyobal spisil te tulan wocol te calbeyejix sc'oblale, como tulan yac'oj te yo'tanic yu'un ma ba ya ya'iybon te jc'ope, xchi.

Jeremías 19:3

Hich me xawal: Ajwaliletic yu'un Judá soc te mach'atic nahinemic ta Jerusalén, a'iybeya awa'iyic sc'op te Jehová. Hich ya yal Jehová te scuentahinej spisil, te Dios yu'un Israel: Ilawil, ya jticon tal tulan wocol ta stojol te lugar ini, spisil te mach'atic ya ya'iyic, xch'inet schiquinic yu'un,

Jeremías 15:2

Teme hich ya sjoc'obat: ¿Banti ya xbohotcotic? teme xchihique, halbeya te hich yaloj te Jehová: Te mach'a chapal sc'oblal ta lajel, ya xlaj; te mach'a ya xlaj ta espada, ya xlaj ta espada; te mach'a chapal ya xlaj ta wi'nal, ya xlaj ta wi'nal; te mach'a ya x'ic'ot bahel ta chuquel, ya x'ic'ot bahel ta chuquel.

Jeremías 11:14

Ha yu'un ha'at Jeremías, ma me xac'opombe Dios yu'un te pueblo ini, ma me x'awonat ta scuentahic o ma me xac'opombe Dios ta stojolic, como ma ba ya ca'iy te bin ora ya yawtayon yu'un te swocolique.

Proverbios 29:1

Te mach'a tulan ya yac' sba, teme ya yich' comel, ora nax ya yich' jinel, soc mayuc spoxil yu'un.

Salmos 66:18

Te ayuc bin chopol jnopoj ta co'tan, ma ba la ya'iybon jc'op te Cajwal te hichuque.

2 Crónicas 34:24

te hich ya yal te Jehová: Ya cac' taluc wocol ta stojol te lugar ini, ha spisil bintic chopol sc'oblal te ts'ihbabil hilel ta libro te la yich' ilel ta stojol te ajwalil yu'un Judá;

Job 35:13

Melel Dios ma ba ya ya'iy te tojol c'op; te Mach'a spisil ya xhu' yu'un ma ba ya yich' ta cuenta.

Jeremías 14:2

Yac ta oq'uel te Judá, te ochibaletic yu'un ya xlaj yipic; huculic ta lum ta mel-o'tan soc ya xtohy mohel yawic te Jerusalén.

Jeremías 18:11

Halbeya hiche te ants-winiquetic ta Judá soc te mach'atic nahinemic ta Jerusalén: Hich yaloj te Jehová: Yacon ta schahpanel te bin chopol ta atojolic, yacon ta schahpanel te bin ya scontrahinex. Jujutuhl, ihquitayahic hilel te chopol behetic awu'unic; tojobtesahic te behetic awu'unic soc te awa'telic, xchihat.

Jeremías 25:35

Te jcanan-tuminchijetic mayuc banti ya x'ahnic, te jtsobawetic yu'un te jtsohb tuminchijetic mayuc banti ya x'ahnic bahel.

Lamentaciones 2:22

La awic'ticlan tal ta bayuc te jcontratac, hich te bin ut'il ta sc'ahc'alel q'uin. Ta sc'ahc'alel yilimba Jehová mayuc mach'a col, mayuc mach'a cuxul hil. Te mach'atic la jcoltes soc te la jcanantay, ¡lajinot yu'un te jcontrahe!

Ezequiel 14:3

Snich'anat winic, te winiquetic ini yac'oj ta yo'tanic te loc'ombahetic yu'unic soc yac'ojic te bintic chopol yu'unic scuenta sc'ohchinojibal ta stojolic. ¿Lec bal teme ay bin ya xtal sjoc'obonique?