Jeremías 11:10 - Bible in Tzeltal Bachajón

¹⁰ Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Bible in Tzeltal de Oxchuc y Tenejapa

¹⁰ Ja' nix ya xcha'pasic te muliletic te neel la spasic te antiguo sme'-statique, ja' te mach'atic ma la sc'an xch'uunbonic jc'op, bajt'ic ta xch'uunel te lotil diosetique. Ta Israel, jich bit'il ta Judá, la xc'axintaybonic te trato la jchap soc te antiguo sme'-statique.

Jeremías 11:10 Referans Kwoze

Deuteronomio 31:16

Te Jehová hich la yalbe te Moisés: Ilawil, ya xchamatix. Te pueblo ini ya me xhahch yac' sbahic ta antsinel c'ohem ta stojol te yantic diosetic yu'un te q'uinal te banti ya xbahtic. Ya me yihquitayon soc ya me sjin te chapbil-c'op jpasoj soc.

Ezequiel 16:59

Pero ay yan bin yaloj te Jehová, te Ajwalil: Ya ca'bat te bin ya sc'an pasel ta atojol, como la ap'aj te bin halbil ta jamal, te bin ut'il la ajin te chapbil-c'ope.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.

Jueces 2:19

Pero te c'alal ya xcham te juez, ya suht ta spatic, c'ax hich a te bin ut'il sme'static; ya st'unic yantic diosetic yu'un ya yac' sbahic ta a'batinel yu'un soc ya squejan sbahic ta stojolic. Ma ba ya yihquitayic te bin yac spasbelic o te tulan stalelique.

Jueces 2:17

Pero ma ba la yich'ic ta cuenta te juecetic yu'unic, la st'unic bahel yantic diosetic, te ha la sch'uhuntayic. Ora nax la yihquitayic hilel te be banti behenic te sme'static te la sch'uhumbeyic te mandariletic yu'un Jehová; yan stuquelic ma hichuc la spasic.

Hebreos 8:9

Ma hichuc te bin ut'il te chapbil-c'op la jchap soc te antiguo sme'static te c'alal la jnit loq'uel ta sc'abic ta sq'uinal Egipto. Como ma ba jun yo'tanic ta stojol te chapbil-c'op, ha yu'un la jquihquitayic hilel, xchi te Cajwaltique.

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

Oseas 6:7

Pero hich te bin ut'il Adán, la sc'axuntayic te chapbil-c'op; ma junuc yo'tanic ta jtojol tey a.

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.

Salmos 78:57

Suht ta spatic, ma junuc yo'tanic ta stojol hich te bin ut'il sme'static, hich howiyic te bin ut'il coxol t'ihmalte'.

Deuteronomio 9:7

Na'a me, ma me xch'ay ta awo'tan te la awac' ilinuc te Jehová te Dios awu'un ta jochol taquin q'uinal. Te bin ora loc'at tal ta sq'uinal Egipto ha to c'alal ochat tal li' ta lugar ini atoyoj aba ta stojol Jehová.

Levítico 26:15

teme yac ap'ajbonic te bintic caloj ta mandar, teme mayuc sc'oblal ta awo'tanic te bintic chapal cu'un, teme ma ba yac awaq'uic c'ohtuc ta pasel te mandariletic cu'un, teme mayuc ta cuenta ya xc'oht awu'unic te chapbil-c'op cu'une,

Zacarías 1:4

Ma me hichuquex te bin ut'il ame'atatic te hich halbotic yu'un te nahil jalwanejetic: Hich yaloj te Jehová te scuentahinej spisil: Ihquitayahic hilel te chopol behetic awu'unic soc te chopol awa'telic, te xchihique, pero ma ba la ya'iyic soc ma ba la yich'onic ta cuenta, xchi te Jehová.

Oseas 7:16

Suhtic, pero ma ha'uc ta stojol te Mach'a mero toyol ay; hich c'ohemic te bin ut'il lo'loywanej t'ihmalte'. Yahlic ta espada te príncipaletic yu'unic ta scaj stoybac'opic; ha ya xtse'layotic yu'un ta sq'uinal Egipto.

Oseas 6:4

Ya yal te Jehová: ¿Bin ya jpasbat ta atojol, Efraín? ¿Bin ya jpasbat ta atojol, Judá? Te sc'uxul awo'tanic hich c'ohem te bin ut'il tocal ta sab, hich c'ohem te bin ut'il te ts'ujul ta sacubel q'uinal te ya xch'ay bahele.

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.

Jueces 2:11

Ta patil, te snich'nab Israel la spasic te bin chopol ta stojol Jehová, la yac' sbahic ta a'batinel yu'un te baaletic.

Jeremías 7:28

Ha yu'un hich yac awalbe: Ha te nación ini te ma ba la sch'uhumbeyic sc'op te Jehová te Dios yu'une, ma ba la sc'anic tojobtesel; ch'ayix te smelelil c'op, loq'uesbilix ta yehic, xchihat me.

Jeremías 9:6

Ay ta yohlil lo'loywanej te snahique; te bin ut'il jlo'loywanejetic ma ba la sc'anic te ya sna'bonic jba, xchi te Jehová.

Jeremías 13:10

Te chopol pueblo ini, te ma sc'an ya ya'iybon jc'op, te ya st'unic bahel te stulanil yo'tanic soc ya st'unic bahel yantic diosetic yu'un ya yac' sbahic ta a'batinel yu'unic soc ya sch'uhuntayic, hich ya xc'ohtic te bin ut'il te chuquil ch'uhtul ini, te jc'axel ma xtuhune.

Jeremías 17:23

Pero ma ba la ya'iyic, ma ba la yac' schiquinic a; la stulanijtes yo'tanic yu'un te ma ba ya ya'iyic soc ma ba ya yich'ic tojobtesel.

Jeremías 44:5

Pero ma la ya'iyic soc ma ba la yich'ic ta cuenta; ma ba la suhtes yo'tanic yu'un schopolilic, yu'un ya scom sbahic ta ya'beyel pom te yantic diosetique.

Jeremías 44:16

Ma ba ya quich'cotic ta cuenta te c'op la awalbotic ta scuenta Jehová.

Ezequiel 5:6

Pero la stoy sbahic ta stojol te bintic halbil cu'un soc te mandariletic cu'une, c'ax hich schopolil a te bin ut'il te nacionetic soc te yantic pueblohetic ta sjoyobal; como la sp'ajbonic te bintic halbil cu'un soc te mandariletic cu'un, ma ba la st'unic.

Zacarías 7:11

Pero ma ba la sc'an la ya'iyic, la swalac'patiyic soc la smac schiquinic.

Zacarías 7:13

Hich la yal: Hich te bin ut'il c'alal la jcawtay, ma ba la ya'iyic, ha nix hich c'alal la yawtayon ma ba la jca'iy, xchi te Jehová te scuentahinej spisil,

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Jeremías 22:9

Hich ya xjac'botic: Como la yihquitayic hilel te chapbil-c'op yu'un te Jehová te Dios yu'unique, la sch'uhuntayic te yantic diosetic soc la yac' sbahic ta a'batinel yu'unic, xchi te Jehová.