Jeremías 10:7 - Bible in Tzeltal Bachajón

⁷ ¿Ay bal mach'a ma ba ya xi'at, ha'at te Ajwalilat yu'un te nacionetique? Ha'at awu'un te xi'ele, como ta yohlil spisil mach'atic p'ijic ta nacionetic soc ta spisil slumalic, mayuc mach'a pajalat soc.

Bible in Tzeltal de Oxchuc y Tenejapa

⁷ ¿Ay bal mach'a ma xi'at atuquel, ja'at te muc' ajwalilat yu'un te nacionetique? Awu'un xi'el atuquel. Ta yolilic te mach'a p'ijic soc muc' ajwaliletic ta balumilal, ma'yuc bay jtuluc jich te bit'ilate.

Jeremías 10:7 Referans Kwoze

Apocalipsis 15:4

¿Mach'a a te ma ba ya xi'at, Cajwal, soc te ma ba ya yalbe yutsilal te abihile? como atuquel nax Ch'ul Diosat; spisil te nacionetic ya me xtal sch'uhuntayat, como chicanix te stojil chahpanel, xchihic ta c'ayoj.

Salmos 22:28

como ha yu'un Jehová te ya xcuentahinwan, ha ya spas ta mandar spisil te nacionetique.

Jeremías 10:6

Mayuc mach'a pajalat soc, Jehová, muc'at atuquel, soc ay bayel yu'el te abihile.

Jeremías 5:22

¿Ma bal yac axi'onic? xchi te Jehová. ¿Ma bal ya xnihquex ta jtojol, ho'on te la jcac' te hi' scuenta sti'il te mar, ha te sti'il te stalel ay, te ma xhu' ya xc'ax tey a? Aunque ya xhahch tselajanel, ma xc'ax bahel; aunque ya x'awonic, ma xhu' ya xc'ax tey a.

Salmos 89:6

Como ¿mach'a ay ta ch'ulchan te pajal soc Jehová? ¿Mach'a a te pajal soc Jehová ta yohlil te mach'atic ay yipic?

San Lucas 12:5

Pero ya ca'beyex ana'ic mach'a a te ya sc'an yac axi'ic: Ha me xaxi'ic te mach'a ya xhu' ya slajimbat acuxlejal soc te ya xhu' ya sticonat bahel ta infierno. Ya calbeyex, ha me xaxi'ic stuquel.

Zacarías 2:11

Ta hich ora bayel nacionetic jun ya xc'ohtic soc te Jehová, ha pueblo cu'un ya xc'ohtic, soc ya xnahinon ta awohlil, xchi. Hich yac ana'ic a te ticombilon yu'un te Jehová te scuentahinej spisil.

Isaías 2:4

Ha ya schahpambe te c'op hahchem yu'un te nacionetic soc ya me stsitsticlan tsobol pueblohetic. Ya sc'atp'unic ta arado te espada yu'unic, soc te slanzahic ya sc'atp'unic ta hoz. Mayuc nación ya shach espada ta scontrahinel yan nación, soc ma ba ya schahpanix sbahic ta yaq'uel guerra.

Salmos 86:9

Spisil te nacionetic te apasoj ya me xtalic ta atojol soc ya me sch'uhuntayat, Cajwal, soc ya me yalbat yutsil sc'oblal te abihile,

Salmos 76:7

¡Ha'at xi'bilat atuquel! ¿Mach'a c'an hu'uc yu'un te ya stehc'an sba ta atojol te c'alal ya xtihl awilimba?

Salmos 72:11

Spisil te ajwaliletic ya me squejan sbahic ta stojol; spisil te nacionetic ya me yac' sbahic ta a'batinel yu'un.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

1 Corintios 8:6

pero te ho'otique, jna'ojtic te junax Dios ay, ha te Tatil, te ha talem ta stojol spisil bintic ay soc te ha cuxulotic ta scuenta; soc junax Cajwaltic, ha te Jesucristo, te ha ta scuenta te la yich' pasel spisil bintic ay soc te ha cuxulotic ta scuenta.

Éxodo 8:10

Pajel, xchi te faraón. Hich la sjac' te Moisés: Ya xc'oht ta pasel hich te bin ut'il yac awale scuenta yu'un hich yac ana' a te mayuc yan hich te bin ut'il Jehová te Dios cu'uncotique.

Éxodo 9:14

Yu'un ya jticonix tal spisil te castigohetic ta atojol, ta stojol te a'batetic soc te pueblo awu'un scuenta yu'un hich yac ana' a te mayuc yan mach'a pajalon soc ta spahmal q'uinal.

Josué 4:24

scuenta yu'un spisil te pueblohetic ta bahlumilal ya me sna'ic te ay bayel yu'el te sc'ab te Jehová, soc scuenta yu'un hich yac axi'ic spisil ora a te Jehová te Dios awu'unique, xchi.

Ester 1:13

La sjoc'obe te mach'atic ya sna'ic ta lec te leyetic, como hich c'ahyem ta spasel te ajwalil te ya sjoc'obe spisil te mach'atic ya sna'ic te leyetic soc te bin stojil ta pasel.

Daniel 2:27

La sjac' te Daniel: Mayuc ni jtuhluc p'ijil winic o te mach'a ay bin ya sna' ta scuenta te c'ahc'al, u, eq'uetic, mayuc jpas-senahil o jna'ojel te ya xhu' ya ya'be sna' te ajwalil te bin wocol ta na'ele.

Daniel 2:28

Pero ay jtuhl Dios ta ch'ulchan te ya yac' ta na'el te bintic wocol ta na'el, ha la ya'be sna' te ajwalil Nabucodonosor te bin ya xc'oht ta pasel ta patil. Te awayich soc te anahalsit te la awil te c'alal ayat ta awayib, hich ay:

Habacuc 3:2

¡La jca'iybat ac'oblal, Jehová, xcham co'tan yu'un! Pasa xan awa'tel, Jehová, ta yorahil ayotcotic; ta yorahil ayotcotic ac'a ta na'el te awa'tele; aunque ilinemat, na'a me c'uxultayel.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

2 Reyes 17:39

ya me awich'ic ta muc' te Jehová te Dioson awu'unic; ha me ya scoltayex loq'uel ta sc'ab te acontrahic, xchi.

1 Crónicas 16:25

Como muc' te Jehová, ya sc'an toybeyel yutsilal; c'ax hich ay ta xi'el a te bin ut'il spisil te diosetique.

Salmos 47:3

Ha ya yac' te ya yac' sbahic ta jtojoltic te pueblohetic, ya yac' ta ye'tal coctic te nacionetique.

Salmos 86:8

Cajwal, mayuc yan dios hich te bin ut'il ha'at, mayuc yan a'teliletic hich te bin ut'il te awu'une.

Salmos 147:5

Muc' te Cajwaltic soc bayel yu'el; mayuc ta p'isel te snopojibal yu'une.