Jeremías 10:25 - Bible in Tzeltal Bachajón

²⁵ Mala cohel awilimba ta stojol te nacionetic te ma sna'bat aba, ta stojol te pueblohetic te ma ba ya sc'oponat ta abihile; como la slajinic te Jacob, jc'axel la sbiq'uic soc la sjochambeyic hilel te slumale.

Bible in Tzeltal de Oxchuc y Tenejapa

²⁵ Ac'a bael awilimba ta stojol te nacionetic te ma sna'bat abae, ta stojol te lumetic te ma ba ya sc'oponate. Melel la sbic' c'oem te lum yu'un Jacob, jc'axel la sjinic ta jyalel; mero ma'yuc yutsil la yijq'uitayic te lume —xi' te j'alwaneje.

Jeremías 10:25 Referans Kwoze

Jeremías 8:16

C'alal ta Dan chicnaj yic'al sni' scawuhic; c'alal x'ilajanic te scawuhic te ay yipic ya xnihc spisil te lumq'uinale. Tal sjinic te q'uinal soc spisil bintic ay tey a, te muc'ul pueblo soc te mach'atic nahinemic tey a, xchihic.

Salmos 14:4

¿Ma bal yacuc sna'ic stsahtayel spisil te mach'atic chopol bin ya spasic, te hich ya slajimbonic te pueblo cu'un te bin ut'il ya swe'ic pan, soc te ma ba ya sc'oponic te Jehová?

Job 18:21

Melel hich ay te sna te mach'a chopol yo'tan, hich ay yawil te mach'a ma sna'be sba te Diose, xchi te Bildad.

2 Tesalonicenses 1:8

yu'un ya ya'be castigo te mach'atic ma ba la sna'beyic sba te Dios soc ma ba ya sch'uhunic spasel te lec yach'il c'op yu'un te Cajwaltic Jesucristo.

1 Tesalonicenses 4:5

ma ha'uc soc chijil-o'tanil, hich te bin ut'il ya spasic te jyanlumetic te ma ba ya sna'beyic sba te Diose;

Zacarías 1:15

Pero bayel ilinemon ta stojol te nacionetic te jun yo'tan ayique; como te c'alal jteb nax ilinon, muc' c'oht yu'unic te bin chopole.

Sofonías 1:6

te mach'atic ya yihquitayic st'unel te Jehová, te mach'atic ma ba ya slehic te Jehová o te ya sjoc'oyic.

Jeremías 50:17

Te Israel ha jtsohb tuminchijetic te puhquemic ta bayuc yu'un chojetic. Ha nahil lajinotic yu'un te ajwalil yu'un Asiria; ta slajibal wac'ticlambot sbaquel yu'un Nabucodonosor ajwalil yu'un Babilonia.

Jeremías 50:7

Lajinotic yu'un spisil te mach'atic tahotic yu'une; hich la yalic te scontratac: Ma jmulticuc ho'otic, como ha la sta smulic ta stojol Jehová, te banti ya xnahin te bin stojil ta pasel, te ha smuc'ul yo'tanic te sme'static, xchihic.

Salmos 27:2

Te c'alal hahch scontrahinon te mach'atic chopol yo'tanic, te mach'atic ya ya'bonic jwocol soc te jcontratac, yu'un ya slajimbonic jbaq'uetal, la sc'ohchin yoquic soc yahlic.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

Hechos 17:23

Como te c'alal c'axon bahel ta yilel banti ya yich' ch'uhunel te diosetic awu'unic, la jta jun scajtajib ta chiq'uel mahtanil ta banti hich ts'ihbabil: TE DIOS MA NA'BILUC SBA, te xchihe. Te bin yac ach'uhunic te ma xana'beyic sba, ha te ya calbeyex sc'oblale.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

Sofonías 3:8

Ha yu'un mahliyawonic, xchi te Jehová, te bin c'ahc'alil ya xhahch jchahpanex, como jnopoj te ya jtsob te nacionetic, te ya jtsobticlan ban c'alal cuentahimbilic yu'un ya jmal cohel ta stojolic te quilimba, spisil te sc'ahc'al te quilimbahe; te sc'ahc'al te xut'et co'tan ya slajin spisil te q'uinale.

Lamentaciones 2:22

La awic'ticlan tal ta bayuc te jcontratac, hich te bin ut'il ta sc'ahc'alel q'uin. Ta sc'ahc'alel yilimba Jehová mayuc mach'a col, mayuc mach'a cuxul hil. Te mach'atic la jcoltes soc te la jcanantay, ¡lajinot yu'un te jcontrahe!

Isaías 64:7

Mayuc mach'a te ya sc'oponat ta abihil, o te ya spas tulan te ya sc'ambat coltayel; como la anac' asit ta jtojolcotic, soc la awac' te sayubotcotic yu'un te yip te jmulcotique.

Isaías 43:22

Pero ma ba la ac'oponon, Jacob, luhbat ta jtojol, Israel.

Apocalipsis 16:1

La jca'iy loc' tal tulan c'op ta templo te hich la yalbe te huqueb ch'ul a'batetic: Bahanic, malahic ta bahlumilal te sbahl te huqueb copahetic yu'un te yilimba Dios, xchi.

Salmos 69:24

Mala awilimba ta stojolic; ac'a tahotuc yu'un te yip sc'ahc'al awo'tan.

Salmos 147:20

Mayuc hich spasbeyej te yantic nacionetic, ma sna'ic te bintic schapoj ta yo'tane. ¡Aleluya!

Isaías 9:12

ha te siriahetic ta banti ya xloc' tal c'ahc'al soc te filisteohetic ta smahlib c'ahc'al; jamal yehic ya me sbiq'uic cohel te Israel. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Jeremías 11:1

Ha ini te sc'op Jehová te tal ta stojol Jeremías:

Jeremías 30:16

Pero ya xlajinot spisil te mach'atic ya slajinat; soc spisil acontratac ya x'ic'otic bahel ta chuquel; ya yich' pojel sbiluquic spisil te mach'atic ya spojbat abiluc, spisil te mach'atic ya yelc'anat ya cac' te ya yich'ic elc'anel.