Jeremías 10:24 - Bible in Tzeltal Bachajón

²⁴ ¡Tojobtesawon, Jehová, pero soc stojil chahpanel, ma socuc awilimba, yu'un ma ba yac alajinon!

Bible in Tzeltal de Oxchuc y Tenejapa

²⁴ Tojtesawotic ta swenta stojil awo'tan, ma me socuc awilimba. Teme jich ya apase, jc'axel ya ajinotic abi.

Jeremías 10:24 Referans Kwoze

Salmos 38:1

Jehová, ma me socuc awilimba yac atsitson, soc ma me xawa'bon castigo soc sc'ahc'al awo'tan.

Salmos 6:1

Jehová, ma me socuc awilimba yac awuton, ma me socuc sc'ahc'al awo'tan yac awa'bon castigo.

Jeremías 30:11

Como ho'on joquinejat yu'un ya jcoltayat, xchi te Jehová. Ya jlajinlan spisil te nacionetic te banti la jpucticlanex bahele, yan te ha'ate ma ba ya jlajinat atuquel, aunque stojil ya ca'bat castigo; ma yu'unuc ma ba ya ca'bat castigo, xchi.

Isaías 40:23

Ha ya sutp'in ta bin mayuc sc'oblal te mach'atic ay yipic, soc ya yac' te mayuc scuentahil ya xc'ohtic te jcuentahinwanejetic ta bahlumilal.

Job 6:18

Ya showiyic bahel ta be te jbeheletic; ya xch'ayic ta jochol taquin q'uinal.

Habacuc 3:2

¡La jca'iybat ac'oblal, Jehová, xcham co'tan yu'un! Pasa xan awa'tel, Jehová, ta yorahil ayotcotic; ta yorahil ayotcotic ac'a ta na'el te awa'tele; aunque ilinemat, na'a me c'uxultayel.

Jeremías 46:28

Ha'at, Jacob, a'bat cu'un, ma xiwat, como joquinejat, xchi te Jehová. Ya jinticlan spisil te nacionetic te banti la jpuquex bahele. Pero te ha'ate ma ba jc'axel ya jinat; stojil ya ca'bat castigo, ma me hichuc nax ya quihquitayat, ya me ca'bat castigo, xchi te Jehová.

Salmos 6:2

C'uxultayawon, Jehová, yu'un ayon ta chamel; lecubtesawon, Jehová, yu'un ya snihc sbahic te jbaquele.

Isaías 28:28

Te sit trigo ya yich' juch'el, pero ma ba ya yich' juch'el ta c'axel; ya xc'ax carreta ta sba soc te cawuhetic yu'un, pero ma ba ya swuyticlan ta jc'axel.