Jeremías 10:21 - Bible in Tzeltal Bachajón

²¹ Te jcanan-tuminchijetic ma sna'ic q'uinal, ma ba ya slehic te Jehová; ha yu'un ma ba ya stahic yutsil slequilic soc puhquemiquix bahel spisil te tuminchijetic yu'unique.

Bible in Tzeltal de Oxchuc y Tenejapa

²¹ Te j'alwanej ya yal: —Te jcanan-chijetic yu'un te lum, ma sna'ic q'uinal; ma sleic te Cajwaltique. Ja' swentail te la staiquix falta, melel pujq'uemiquix bael ta spisil te chijetic yu'unique.

Jeremías 10:21 Referans Kwoze

Jeremías 12:10

Bayel jcanan-tuminchijetic la sjimbonic te ts'usubil cu'un, la sts'o'ic ta teq'uel te bin quich'oje; la sutp'inic ta jochol taquin q'uinal te jq'uinal te mero t'ujbil.

Zacarías 13:7

¡Hahchan, espada, ta scontrahinel te jcanan cu'un, ta scontrahinel te winic te ha jmohlol! xchi te Jehová te scuentahinej spisil. Mila te jcanan, hich ya xpuhquic bahel te tuminchijetique, ya cac' jc'ab ta scontrahinel te tut tuminchijetique.

Zacarías 10:3

Tihl hahchel sc'ahc'al co'tan ta stojol te jcananetic, ya ca'be castigo te jtsobawetique. Te Jehová te scuentahinej spisil ya scanantay te jtsohb tuminchijetic yu'un, ha te sna Judá, ha tulan cawu yu'un guerra ya xc'ohtic yu'un.

Ezequiel 34:12

Hich te bin ut'il bayel sc'oblal ta yo'tan te jcanan-tuminchij te ya stsob tal te jtsohb tuminchijetic yu'un te puhquemic, hich bayel sc'oblal ta co'tan te tuminchijetic cu'un soc ya cac'ticlan ta libre ta bayuc banti puhquemic bahel ta yorahil macal q'uinal soc yihc'al q'uinal.

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Jeremías 8:9

Ya x'ac'otic ta q'uexlal te mach'atic ay sp'ijilic, ya xlaj yip yo'tanic soc ya x'ochic ta yaquil. La sp'ajic te sc'op Jehová, ¿banti ay te sp'ijilique?

Jeremías 2:8

Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Jeremías 50:17

Te Israel ha jtsohb tuminchijetic te puhquemic ta bayuc yu'un chojetic. Ha nahil lajinotic yu'un te ajwalil yu'un Asiria; ta slajibal wac'ticlambot sbaquel yu'un Nabucodonosor ajwalil yu'un Babilonia.

Jeremías 49:32

Ya xpojbot te camellohetic yu'un soc te bayel schansbahlamic. Ya jpucticlan bahel ta ic' te mach'atic ya squits'be stsotsel sjol ta xuhc schiquin; ta jujujehch ya ca'be tal jinel ta stojolic, xchi te Jehová.

Jeremías 10:14

Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

Jeremías 22:30

Hich yaloj te Jehová: Hich xats'ihbabe hilel sc'oblal te winic ini te bin ut'il mach'a mayuc snich'an, te bin ut'il winic te mayuc bin ya sta ta scuxlejal, como mayuc jtuhluc sts'umbal ya xc'oht shuhcan sba ta shuctajib David, ma x'och ta ajwalil yu'un Judá, xchi te Jehová.