Jeremías 10:20 - Bible in Tzeltal Bachajón

²⁰ Jihnemix te nahilpac' cu'un, tuch'emiquix spisil te jchihale; la yihquitayonic hilel te jnich'nab, ch'ayiquix bahel; mayuc mach'a ya shachbon te jnahilpac', mayuc mach'a ya sjohc'ambon te paq'uetic cu'un.

Bible in Tzeltal de Oxchuc y Tenejapa

²⁰ Te nailpac' cu'une jinemix, tuch'emiquix spisil te slazoile. Te jnich'nabe la spijt'esoniquix jilel, melel ma'yuc bay chicaniquix. Ma'yuc mach'a ya xcha'tejc'anbon xan te nailpaq'uetique, te ya xcha'limbon moel te slonaile —xi' te nacione.

Jeremías 10:20 Referans Kwoze

Jeremías 4:20

Ya yich' halbeyel sc'oblal jinel soc yan jinel, spisil te q'uinal jihnemix. Ora nax la yich'ic jinel te nahilpaq'uetic cu'un, ora nax jihn te spac'al te nahilpac' cu'un.

Jeremías 31:15

Hich yaloj te Jehová: Ay chicnaj c'op ta Ramá, mel-o'tan soc bayel oq'uel. Ha te Raquel te yac yoq'uetaybel yalatac, ma sc'an te ya xmuc'ubtesbot q'uinal ya'iy, como ch'ayic bahel te yalatac, xchi.

Isaías 54:2

Muc'ubtesa te yawil te nahilpac' awu'un, lima xan bahel te pac' te banti nahinemat; ma me xacom aba, nahtubtesa te schuhquil, a'beya xan yip te ts'apbil te'etic awu'une.

Lamentaciones 1:5

Te scontratac ha príncipaletic c'ohtic, lec c'ohtic te mach'atic p'ajotic yu'un, como te Jehová la ya'be swocol yu'un bayel te smule. Te yal-snich'nab bahtic ta chuquel ta stojol te contrahe.

Isaías 51:16

La jca'bat ta awe te jc'op soc la jmucat ta yaxinal jc'ab, la jlim bahel te ch'ulchan soc la jca'be yich'o-ip te bahlumilal, soc hich ya calbe te Sión: Ha'at pueblohat cu'un, xchihon.

Proverbios 12:7

Ya xjihnotic yu'un Dios te mach'atic chopol yo'tanic, ma ba ya xchicnajiquix, yan te sna te mach'atic toj yo'tanic, stalel ya xhil stuquel.

Job 7:8

Te mach'atic ya yilonic, mayuc bin ora ya yiloniquix; yac at'ojan asit ta jtojol, ma ba cuxulonix a.

Isaías 51:18

Ta spisil te alaletic te la yalatay, mayuc jtuhluc te ya stojobtes bahel; ta spisil te yalatac te la scoltes, mayuc jtuhluc te ya snit bahel ta sc'ab.

Miqueas 2:9

Yac ach'ojic loq'uel te antsetic yu'un te pueblo cu'un ta snahic te bayel mulambil yu'unic; jc'axel yac aloq'ues bahel te halbeyel cutsilal ta stojol te alaletic yu'unique.

Jeremías 30:17

Pero ya cac' te ya xcha'lecubat xan soc ya jc'asesbat awehchen, xchi te Jehová, como Ch'aybilat, xchi te abihile, yu'un hich la yalic: Ha te Sión te mayuc mach'a ya xna'otix yu'une, xchihic.