Jeremías 10:14 - Bible in Tzeltal Bachajón

¹⁴ Spisil ants-winiquetic sonsohic, ma sna'ic q'uinal; spisil te j'ultesej-taq'uin ya xq'uexawanic yu'un te loc'omba yu'une; como lotil te bin spasoje, ma ba cuxul.

Bible in Tzeltal de Oxchuc y Tenejapa

¹⁴ Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Jeremías 10:14 Referans Kwoze

Jeremías 10:8

Spisilic sonsohetic soc ma sna'ic q'uinal; nohptesbilic yu'un loc'ombahetic pasbil ta te' te ma xtuhunique.

Isaías 42:17

Ya me suht ta spatic soc q'uexlal te mach'atic smuc'ulinej yo'tanic te loc'ombahetique, te hich ya yalbeyic te loc'ombahetic te uhltesbilic: Ha'ex diosex cu'uncotic, te xchihique.

Isaías 45:16

Spisil te mach'atic ya spasic loc'ombahetic ya me xq'uexawic soc ya me xpehc'anotic; pajal pehc'ambilic ya xc'axic bahel.

Salmos 97:7

Ya xq'uexawic spisil mach'atic ya sch'uhuntayic loc'ombahetic, ha te mach'atic stoyoj sbahic yu'un te loc'ombahetique. Spisil te diosetic ya squejan sbahic ta stojol.

Isaías 44:11

Spisil te mach'atic ay yu'unic ya stahic q'uexlal, como winiquetic nax te mach'atic ya sna'ic spasel. Ya stsob sba spisilic, ya stehc'an sbahic, ya xiwic soc ya me xq'uexawic.

Salmos 14:2

Te Jehová ya yil c'alal ta ch'ulchan te ants-winiquetic, yu'un ya yil teme ay mach'a ya sna' q'uinal te ya sle te Diose.

Salmos 92:6

Te mach'a ma sna' q'uinal ma sna'be scuentahil, te sonso ma xc'oht ta yo'tan ini:

Salmos 94:8

¡Na'beya scuentahil, ha'ex ta pueblo te ma xana'ic q'uinal! Ha'ex sonsohex, ¿bin to ora yac atahic sp'ijil awo'tanic?

Proverbios 30:2

Ho'on te c'ax mayuc bin ya jna' ta spisil winiquetic; mayuc bin jna'oj scuenta ants-winic.

Romanos 1:25

La sjelic ta lotil te bin smelelil yu'un Dios, la sch'uhuntayic soc la yac' sbahic ta a'batinel yu'un te bintic pasticlambil, ma ha'uc yu'un te Jpaswanej, te ay ta ich'el ta muc' sbahtel q'uinal stuquel. Hichuc.

Jeremías 10:5

Te loc'ombahetic yu'unic ma xc'opojic hich te bin ut'il xutax ta banti ts'umbil melón; ya x'ich'otic bahel yu'un ma xhu' ya xbehenic. Ma me xaxi'ic, mayuc bin chopol soc mayuc bin lec ya xhu' ya spasic, xchi te Jehová.

1 Samuel 5:4

Pero c'alal hahchic ta sab ta yan c'ahc'al pacal ta lum yan buelta te Dagón ta stojol te scaxahul te chapbil-c'op yu'un Jehová, soc te sjol te Dagón soc schebal sc'ab waq'uemic ta smarcohil te puerta; ha xanix wolol hilel smuc'ul te Dagón.

Isaías 57:12

Ya jpuc ta halel te ma lecuc te bintic toj yac apas ta ac'op soc te awa'tele, te mayuc bin ya scoltayat a.