Jeremías 10:12 - Bible in Tzeltal Bachajón

¹² Dios la spas ta yu'el te lumq'uinal, ta scuenta sbihil la ya'be yich' yip te bahlumilal soc ta scuenta sp'ijil yo'tan la slim bahel te ch'ulchane.

Bible in Tzeltal de Oxchuc y Tenejapa

¹² Te Cajwaltic, ta yu'el la spas te lumq'uinale; ta swenta sp'ijil, tulanajem yu'un te balumilale; ta swenta sp'ijil yo'tan, la slim bael te ch'ulchane.

Jeremías 10:12 Referans Kwoze

Job 9:8

Ha nax stuquel ya slim bahel te ch'ulchan, soc ya xbehen ta stselet yip te mar.

Génesis 1:1

Ta shahchibal Dios la spas te ch'ulchan soc bahlumilal.

Proverbios 3:19

Te Jehová ta scuenta sp'ijil yo'tan la ya'be yich'o-ip te bahlumilal, la yac' ayinuc te ch'ulchan ta scuenta bin sna'oj.

Isaías 40:22

Te Dios hucul ta smuc'ul huctajib ta stoyolil te bahlumilal, te mach'atic nahinemic tey a hich ayic te bin ut'il c'ulubetic. Ha ya slim bahel te ch'ulchan hich te bin ut'il pac', ha ya sjam bahel hich te bin ut'il nahilpac'.

Colosenses 1:16

Como ha ta scuenta te la yich' pasel spisil bintic ay ta ch'ulchan soc spisil bintic ay ta bahlumilal, te bin chicanic ta ilel soc te bin ma chicanuc ta ilel, teme muc'ul huctajibaletic, jcuentahinwanejetic, principaletic o te mach'atic ay ya'telic; spisil la yich'ic pasel ta scuenta Cristo soc ha nix yu'un.

San Juan 1:3

Ha ta scuenta te la yich' pasel spisil bintic ay, mayuc bin pasbil te ma ha'uc pasbil ta scuenta.

Salmos 24:2

como ha la ya'be yich'o-ip ta sba te maretic, la scajan ta sba muc'ul-ha'etic.

Zacarías 12:1

Ha ini te sc'op Jehová sc'oblal Israel. Te Jehová te la slim bahel te ch'ulchan soc te la ya'be yich'o-ip te q'uinal, te ya ya'be sch'uhlel te ants-winiquetic, hich ya yal:

Jeremías 32:17

Cajwal Jehová, ta scuenta ahachoj ac'ab soc smuc'ul awu'el la apas te ch'ulchan soc te bahlumilal. Mayuc bin wocol yac awa'iy.

Jeremías 10:13

C'alal ya xc'opoj, xju'et ya xc'opoj ha'etic ta ch'ulchan; ya yac' te ya xmo bahel tocal c'alal ta sti'il bahlumilal. Ya yac' te ya xtihl tsantsehwaletic ta yohlil te ha'al, soc ya sloq'ues tal ic' ta yawil.

Isaías 49:8

Hich ya yal te Jehová: Ta yorahil c'uxultayel la jca'iybat ac'op, ta sc'ahc'alel colel la jcoltayat. Ya jcanantayat, ya cac' te ha chapbil c'op ya xc'ohat ta stojol te pueblo, yu'un yac acha'pas xan te lumq'uinal soc yac awa'be yich'ic te lumq'uinal te jihneme;

Isaías 48:13

Te jc'ab la ya'be te yich'o-ip te bahlumilal, te jwa'el-c'ab la slim bahel te ch'ulchane; te c'alal ya calticlambe sbihilic, pajal ya stehc'an sbahic.

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Isaías 45:12

Ho'on la jpas te lumq'uinal soc tey la jpas a te ants-winic. Ho'on ta jc'ab la jlim bahel te ch'ulchan, soc ya calbe mandar spisil bintic ay yu'un.

Isaías 44:24

Hich ya yal te Jehová, te J'ac'aw ta libre awu'un, te la schahpanat ta yawil alal: Ho'on Jehovahon, te jpasoj spisil bintic ay, jtuquel la jlim bahel te ch'ulchan, jtuquel la jlim bahel te lumq'uinal;

Isaías 42:5

Te Jehová Dios, te la schicnajtes te ch'ulchan soc te la slim bahel, te la slim bahel te bahlumilal soc te bintic ya xcol tey a, te ya ya'be yich' ic' te mach'atic ya xnahinic tey a, soc ya ya'be scuxlejal te mach'atic ya xbehenic tey a, hich ya yal:

Salmos 104:24

¡C'ax bayel bintic apasoj, Jehová! La apasticlan spisil ta scuenta sp'ijil awo'tan; nojel ta lumq'uinal te bintic apasoje.

Salmos 33:6

Ta scuenta te sc'op te Jehová la yich' pasel te ch'ulchan, spisil te bintic ay tey a pasbilic ta yic'al ye.

Proverbios 30:4

¿Mach'a mohem bahel soc cohem tal ta ch'ulchan? ¿Mach'a la snop' ta sc'ab te iq'ue? ¿Mach'a la spots ta snahtil-c'u' te ha'etic? ¿Mach'a la schahpan spisil sti'il te bahlumilale? ¿Bin sbihil, soc bin sbihil te snich'ane? Halbon ca'iy teme yac ana'e.

Salmos 119:90

Stalel jun awo'tan ta stojol cajalcaj ts'umbalil; ha'at la awac' ipajuc te lumq'uinal, hich stalel ay.

Salmos 78:69

La spas te ch'ul awilal yu'un hich te bin ut'il stoyolil ch'ulchan, hich te bin ut'il te lumq'uinal te la yac' te stalel ay.

Job 26:7

Dios ya slim bahel ta yohl q'uinal te ch'ulchan ta norte, mayuc banti jipil yu'un te bahlumilale.

Salmos 104:2

Te Dios potsbil ta sacal q'uinal hich te bin ut'il c'u'ul; ha ya slim te ch'ulchan hich te bin ut'il pac',

Salmos 93:1

¡Ha ajwalil te Jehová! ¡Sc'u'inej yutsilal! ¡Te Jehová sc'u'inej yu'el! Yich'oj yip te bahlumilal, ma xhu' ta loq'uesel bahel.

Génesis 2:5

ma to ayuc te'etic ta lumq'uinal a soc ma to chicanuc ha'maletic a, como te Jehová Dios ma to ba la yac' tal ha'al ta bahlumilal soc ma to ayuc winic a te ya x'a'tej ta lumq'uinal;

Job 37:18

¿ya bal xhu' awu'un yac acoltay ta slimel bahel te ch'ulchan, te tulan ya xc'oht hich te bin ut'il espejo pasbil ta uhltesbil taq'uin?

Isaías 37:16

Jehová te acuentahinej spisil, Diosat yu'un Israel te huculat ta ahuctajib ta yohlil te querubinetic, ha'at nax Diosat atuquel ta stojol spisil te nacionetic ta bahlumilal; ha'at la apas te ch'ulchan bahlumilal.

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Jeremías 27:5

Ta scuenta smuc'ul cu'el soc ta scuenta te jc'ab la jpas te bahlumilal, te ants-winiquetic soc te chambahlametic te ayic ta sba te lumq'uinal, soc la jca'be te mach'a ya sc'an co'tane.

1 Crónicas 16:26

Como spisil te diosetic yu'un te pueblohetic ha loc'ombahetic nax, pero te Jehová ha la spas te ch'ulchan.

Salmos 65:7

te yac acom te xnilet te mar, te xnilet te stselajan mar, soc te xjuyet yu'un te nacionetique.

Jeremías 14:22

¿Ay bal loc'ombahetic yu'un te nacionetic te ya xhu' ya yac' tal ha'al? ¿Ya bal sticon tal ha'al te ch'ulchan ta stuquel nax? ¿Ma bal ha'ucat, Jehová, te Diosat cu'untique? Ha'at nax atuquel te yac aticon talel, ha yu'un ya jmahliyatcotic como ha'at yac apas spisil ini.